|
2. 如是 2016-03-09 09:04:00
|
首次自住买家购置400万元以下物业，透过按揭保险最高可借九成。 真难明白汤博士的用意。
|
|
3. 中港信贷资料库 2016-03-09 09:06:45
|
中港无统一信贷资料库,理论上香港破咗产,系大陆都仲可以向银行借到钱买楼. 如果帮咗首置者上咗车,不幸地佢哋负资产,佢哋会唔会有诱因系香港破产,改为深圳买楼呢??
|
|
4. 按揭保险 2016-03-09 09:18:52
|
暗示政府包底9成按揭保险?? 定系首置保证可以借足9成(包括过咗30年楼龄的楼) ??
|
|
5. 真真薯片 2016-03-09 09:58:51
|
帮人上车系好
问题系自住系刚需, 赚钱系刚需中既刚需, 两种刚需捞埋好难分
如果放任买第一层楼, d人就会想尽办法用上车为名去买多层黎投资, 在下都识好几个人做9成按保话系上车自住然后放租, 除非有办法分开投资同上车, 否则好难唔打埋上车客
|
|
6. 无检过关 2016-03-09 10:14:58
|
惠州楼 3000~4000蚊一方,整个 高铁 无检过关 ,方便 香港年轻人 住系果边,可能仲实际D.
|
|
7. 没有产业靠楼搵吃的后果 2016-03-09 10:39:23
|
政府也不敢打烂那么靠楼搵吃的饭碗。没人再来港，地方没有价值，问题自然就解决了。
|
|
8. SHUN 2016-03-09 11:19:19
|
人仔贬值、已经事实、上面买家那会南下买楼、现今楼价甘高、再跌多3-4成港人才负担到！
|
|
9. 路人甲 2016-03-09 11:28:58
|
今日睇新闻, 又多一个学生自寻短见. 听闻是今个学年以来, 差不多20宗了. 我个人认为, 或多或少, 与年青一代对整个社会不满有些关系! 当然学业是有, 抑郁的都有.
然而, 无可否认的系, 未毕业的已经先念到要买楼, 自己打份工都唔知捱几耐才可以上车; 这些都系实际民生面对的问题. 现在的小孩/ 学生比以往我地的醒好多, 亦要求多了. 期望大了, 但却无法突破(或许以为唔得)而感到难过与绝望.
就连中国一些官员都在公开场所表明要关心年青的新一代云云. 那是因为年青人看不到一个光明的前路, 到处歧岖.
博士的说法我都认同, 不过在技术上点样搞, 要去研究, 杜绝中间取著数;而又不是真正的第一手人仕.
年青人是社会未来的主人翁. 目下的他们却是最 '霉DUM o堕' 的一群, 尤其未看过世面的莘莘学子, 难免有些难受.
我不是他们的一群, 也知道他们对未来的要求或期盼比我们旧一代的多, 或者自己未做好自己应该的本份也说不定.
但是, 我们对於愿意储钱, 努力上进, 又不是靠父干的年青群组, 是否应预以支持, 让他们好好计划未来呢? 他们的希望无非只是求一个细单位而已. 不是求甚么其他的. 而这些都其实系最基本的........................
|
|
11. 真真薯片 2016-03-09 12:20:32
|
在下又要讲多次, 官二代, 富二代先系未来既主人翁
道理有如你阿妈系女人, 女人唔一定系你阿妈
|
|
12. Tony lam 2016-03-09 12:21:12
|
香港人而家食得太饱、阿爷又好打得、几大镬都冇洗我地担心、下意识比到安全感我地、年青人又冇挣扎求生嘅压力、又冇国仇家恨做寄托、又咁多人狗噏话佢地冇银用、个个为作新词强说愁、听首歌都激动过生离死别。 成年人积下阴德啦！ 咪将年青人纵到变宠物啦！呢代已经在恩宠中长大、太多嘅同情扭曲咗人类价值观、系毒药更加系对年青人嘅唔公平。
|
|
13. 路人甲 2016-03-09 12:31:08
|
回:11
官二代也好富二代也好, 他们都不会买细价楼. 我们系回应汤博士的文章.
您亚妈系女人,只系一个人; 其他女人系大多数. 无疑全世界的财富系系100之1-2%的人手里, 但是我们不能抺杀及扼杀所有欲向上流的草根年轻人, 他们是未来主人翁, 系一个概说. MAJORITY才具对整体社会既重要影响及变化.
|
|
14. 真真薯片 2016-03-09 13:01:20
|
路人甲兄,
唔好意思在下都撕远左, 不过在下睇香港年轻人既前途都比较悲观, 在下认为今日既年轻人majority都冇法向上流动, 连买上车盘再换楼既机会都冇, 主要系上车盘已经太贵, 普通人靠自己努力极难上车, 就算上到车, 层楼升幅都已经透支左, 假如4-500万上车, 供得完都已经系万幸, 好难期望会再升, 唔升既话冇钱赚要换大d都好难, 更大可能系未供够30年, 50岁左右就失业, 断供
上车盘系几年间由二百头爆上到四百尾, 已经将普通人靠买楼向上流既路斩断(难上车+升幅有限), 只有早买楼既可以永远赢落去, 迟买既唔买就捱租, 买既想供甩都唔易(除非系公务员), 所以香港既未来系属於富二代(上一代早买楼既人)既
|
|
15. 如是 2016-03-09 13:13:32
|
14/F 真真薯片正解，上车死，唔上车又死。 耍政府放宽逆周期措施，真的是帮助上车的人吗？抑或是帮助发展商高位去货？ 政府持续供应才是王道，真正帮助年轻人，未毕业就想要买楼，社会何有发展？
|
|
16. Tony lam 2016-03-09 13:18:09
|
97时够容易上车啦！不过上亲都系贼车之嘛！光脱脱咁比人踢落车、沙士时咁多位、都冇乜人敢上车、上唔上到车唔重要、但系上咗贼车就身光颈靓、各自修行啦！总之赚咗唔使分比人、输咗就咪赖人你。
|
|
17. 西门吹雪 2016-03-09 13:58:14
|
没有富一代哪有富二代? 我唔认为上一代比较容易富起来，反之今日资讯发达，好多野只要用心学总会学会。唔似以前咁私相受受。只要有能力，方向正确，做咩都可以成功。大家后生仔努力吧~我相信我们只要肯努力，即使没有父阴，仍然可以富起来的。
|
|
18. 萧峰 2016-03-09 13:58:43
|
之前讲过，唔好期望跌成沙士咁，真跌7成，更加冇人敢上车。
|
|
19. Alan Pepper 2016-03-09 14:06:09
|
|
|
20. Alan Pepper 2016-03-09 14:07:49
|
|
|
21. Alan Pepper 2016-03-09 14:07:49
|
|
|
22. 安全驾驶 2016-03-09 14:17:47
|
年青人除了要储钱外，还要懂得不要乱花钱及自我增值才有机会上流。 17/F 西门吹雪兄 - like
|
|
23. 蓄芳待来年 2016-03-09 17:42:45
|
帮助年青人买私楼系社会/政府嘅责任？佢哋今日上吾到车你要帮佢，他日佢哋搵唔老公/老婆，你系咪要帮佢配埋种？ 希望不劳而获嘅人，自然支持不劳而获嘅论点，做人有少少骨气好唔好？如果买楼系应份，香港吾需要公屋。
|
|
24. 蓄芳待来年 2016-03-09 17:56:29
|
|
|
25. SHUN 2016-03-09 17:56:41
|
帮年青人上车？倒不如将楼价压低仲实际、事实并不是每个年青人都生性、旺角事件中、大部份无业或做几千蚊低下工种之人也。
|
|
26. 负财富效应 2016-03-09 18:03:34
|
|
|
27. 奀猪妈 - 肥师奶 2016-03-09 18:28:43
|
以前觉得有能力何解要住公屋, 买居屋, 但现在想法不一样了. 因为现今的公屋同居屋均比私人楼四正,有些境观更是一流, 那么为何要牺牲生活质素, 并兼背负一身债去买缩水私楼.
想当年我小哥在南疯零首期的诱惑下兴高采烈地上了车, 可不到3年, 不单光脱脱咁比人踢落车, 还要背负一身债, 在避债, 流离失所之下, 老婆又小产了....好可怜!
人生如梦, 何苦执著!
|
|
30. Rachel 2016-03-10 09:54:30
|
首次置业600万以下也可以借85%,香港楼宇问题系比人炒楼，美其名系物业投资，其实系贫富差距越嚟越大嘅根源。增加需求如果系多左炒家，咁其实无解决到问题。
|
|
31. 摩顶放踵 2016-03-10 09:56:09
|
TO：24／F
人嘅基本需要只有食，赤条条来，再赤条条去，挥一挥手，不带走一片云彩。
|
|
32. Rachel 2016-03-10 09:58:29
|
首次置业600务万以下都可以借85 percent, 我都唔明汤生嘅意思。
|
|
33. Ann 2016-03-10 10:22:58
|
香港人要回答一个问题系你自住嗰层楼跌价但如果你下一代，无论嗰个系咪你自己仔女，可以有屋住，你愿唔愿意？嗰啲物业投资者你买咁多楼唔系自己住嘅你又想点？系咪你有你发达，你人哋无屋住人哋嘅事？如果个个都要做赢家，只有贫者越贫，富者越富。资金点解唔可以投资到创造就业嘅工商业，而要投资到物业，令到楼价越嚟越贵，令人有今日唔买听日仲贵嘅恐慌心态？唔可以怪年青人个个想买楼，唔买去边度住，一世同父母？但如果楼价只升不跌，咁有咩选择？
|
|
34. DSY 2016-03-10 10:23:41
|
一直觉得待知道下届特首花落谁家后，楼市会“人为”上涨！当然前提是大环境not bad，even neutral我都保持我的观点！原因是，方丈很小气，不是为了连任我睬你们班“暴民废青”都傻！可劲儿反我还想我帮你们买楼？我是女人，方丈是小人，我们思路应该一致！
|
|
35. 真真薯片 2016-03-10 12:54:14
|
嗰啲物业投资者你买咁多楼唔系自己住嘅你又想点？
想坐系度收租唔洗做, 好听d叫“财务自由”
系咪你有你发达，你人哋无屋住人哋嘅事？
Yes
所谓人不为己, 天诛地灭, 人自私系正常, 冇得讲良心
地霸唔止要食尽租金, 仲要保护郊野公园, 等业进收完租可以去呼吸新鲜空气, 你冇地方住/住劏房天台屋火触烧死人? Sorry, 唔关佢事
|
|
36. 如是 2016-03-10 13:09:55
|
人不为己天诛地灭?? 人不为己责，如行尸走肉，枉为天地造化万物之首灵！
|
|
37. 西门吹雪 2016-03-10 13:23:54
|
真薯兄~我笑了~~ 虽然很可悲，这却是事实~~ XDDD
|
|
38. 西门吹雪 2016-03-10 13:41:00
|
其实买楼放租已经好好~~起码都叫有PROVIDE SERVICE~~等D暂时未买到楼既人有屋住~~
好似珍兄所讲，抄股既人，连这点贡献都没有... 你系股票市场赚一蚊，就有人蚀个几。当中蚀钱既人从未得到任何服务!! 其实，这个我很认同的... 不过...系咁架啦，好出奇牙~XDDDD
|
|
39. LYC 2016-03-10 13:51:53
|
真兄，物业投资者系要负出好多才得到大概3%租金回报，你讲到好似不劳而获咁，你这是什么心态呢！ 政府咪不停起公屋俾人住罗，仲想点呀！
|
|
40. 真真薯片 2016-03-10 14:09:25
|
西门兄,
咁样睇股票又唔公平
炒股有两种, 一系好似美股咁, 公司用投资者既钱去赚钱, 变成盈利分比股东, 例如可口可乐既派息同股价增长, 系唔需要有人“输”出黎比股东赚
不过中港股市似乎如阁下所讲, 塘水滚塘鱼, 有波幅冇升幅, 对社会就冇贡献了
|
|
41. 真真薯片 2016-03-10 14:14:25
|
LYC
讲楼一定要讲买入价, 250同500万买同一层楼, 不论自住定投资, 效果非常唔同
冇得输屈机业主系300万以下买民生楼果堆, 后来4-500万买就真系如你所讲, 付出大收入少, 其实佢地都系比早买既业主打劫
如果阁下收入合资格申请公屋, 请受小弟一拜
|
|
42. LYC 2016-03-10 14:35:36
|
我唔系讲买入价，输或赢。anyway 我唔知你up乜
|
|
43. 西门吹雪 2016-03-10 15:06:50
|
真兄~~我咁睇抄股既人者 (包括我自己)，长揸股票收息唔算抄股人既~~ 不过，我自己又觉得无咩野喎，无贡献咪无贡献LAW~~ 最多第时赚多了捐反D出来罗，哈哈~
|
|
44. SHUN 2016-03-10 15:10:04
|
CY重未落车、你地想楼价升？难矣…………跌多几成先啦！连任唔到都要做番套好戏、因为李氏系支持唐唐、明未！
|
|
45. LYC 2016-03-10 15:52:50
|
|
|
46. 向饭民说不 2016-03-10 15:56:30
|
香港假发人日日放生暴徒，加上CIA背后支持，迟早香港发生真正暴徒，到时咩购买力都会消失。损失最大的将会是小业主。
难得这里的废佬仲会赖689。
|
|
47. 真真薯片 2016-03-10 16:02:37
|
|
|
48. 西门吹雪 2016-03-10 16:40:40
|
开左~ 折实尺价１００５３至１２６０６元~
平过世宙，贵过映御少少，不过就方便过佢地好多~~开价算进取
|
|
49. 林师奶 2016-03-10 18:36:44
|
其实我也不想买楼来投资，但除了买砖头以外，其他投资都不太稳定，这十多年世界的变化，令我对金融监管也非常没有信心。 多年前，我曾经把一个物业以低於市价卖给一对年青情人，交易期间，多多要求，又要先搬进去，又要长成交期。需然过程有点不高兴，但还是算是做了件好事，帮了年轻人一把。 但过了不多久，他们看见楼价升了，他们就放买了。这一举动让我非常生气，但也是我自找的。看见他们到现在还买不回来，心里百般滋味在心头。 帮人从来是好事，从此以后，我只会帮值得帮的人，这需要极大的智慧来分辨什么人是值得帮的人。爱心泛滥的年代，智慧最重要！
|
|
50. 真真薯片 2016-03-10 19:16:01
|
映御位置太入, 可无视
平过世宙都好合理, 如果贵过世宙就变左帮世宙促销
呢个价同位置都几有代表性, 如果市道真系好, 有几个几Q沽清, 大家可以密切留意销情
|
|
51. 引刀一快 2016-03-10 19:17:00
|
通常一个人值唔值得帮，要帮完先至知。因爲一啲唔值得帮嘅人，令自己唔去帮人，可能会失得更多。
|
|
52. 林师奶 2016-03-10 20:03:50
|
值得帮的人是有特质的，他们遇到难题或不开心事，会比较放得开，也会很快调整过来。 而且总会想到自己做得不足的地方，有进步空间。 那些总找人家错处来放大再放大，把自己的不足绝口不提，大概就是不值得帮吧。 最有趣的就是，值得帮的人，年纪越大，越不需要人帮忙。这是我的观察，不一定是真理！ 大家好自为之！
|
|
53. 蓄芳待来年 2016-03-10 22:34:54
|
世界变化快，但就系唔理解现今青年人嘅思想。自己都后生过，未付出就讲收获，唔肯捱又想不劳而获，呢个世界真系有人欠咗你？ 记得十七岁嗰年好想买部车去威威，於是一放学就走去做兼职，结果19岁嗰年，买咗部钱七送俾自己。唔敢讲是否福利思想令到现今嘅人冇咗骨气，但有手有脚却去攞综援嘅人，应该唔知道廉耻为何物。 现今楼价高系事实，但一个早餐都要30几蚊嘅年代，你想楼价平成点呢？叫政府压抑楼价，我反而想叫政府压抑个早餐价先。 见到冇希望就吾去做，怨天尤人，可知道投资市场有高有低、有起有落？机会只会留俾有准备嘅人，如果你真心想买楼，而家应该勤力d去做好准备，而唔系嘥时间日吠夜吠，希望政府、发展商会送层楼俾你。 而家冇能力，就要去发展能力，我知道咁讲好老土，但我交嘅税，系希望可以用在帮助社会嘅弱老上，而唔系帮有手有脚嘅你置业。 我捱世界嘅时候你叹世界，我有嘅嘢你冇，好正常，好应份。我买多一两个单位去放租，你又小我，你除咗眼红，应该都好悔恨自己冇努力工作、小心投资。我同情你，但并唔认同你嘅歪理。
|
|
54. 蓄芳待来年 2016-03-10 23:57:33
|
公司今年炒人，老板(香港人)攞香港区同事开刀，标准好得意，可以分享一下。出咗几条问题，interview target，搵到边个脑海有吾公平思想嘅，先炒。作为刀手立即变得很轻松，吾再有guilty feeling。原因好简单，出来捞世界讲公平，即系吾想捞。 上海分公司嘅同事怨气明显比香港区同事少，OT系正常，搞掂先收工，相反香港区嘅同事就唔肯同你捱。你唔搏人哋搏，结果其实好公平。公司唔系特区政府，唔需要照顾无能者嘅感受。
|
|
55. 引刀一快 2016-03-11 00:52:17
|
蓄芳兄
公平本身定义系千差万别，重要嘅唔系人有否不公感受，而系呢个人到底如何判辩公平定义，同埋以何种态度面对同处理不公情况。
如果有不公感受就要被炒，咁呢间公司都真系好得意。
|
|
56. 蓄芳待来年 2016-03-11 08:06:40
|
引刀兄： 老板同刀兄一样，对前景偏向悲观，预计市道会继续差落去，有排捱，所以今年只系第一波。抱怨会传染，对内部士气有杀伤力，所以先除去呢类人。 上年年尾小弟递咗辞职信，老板叫我帮手做埋最后一单job(炒人)先肯放人，而家已经搞掂，可以安心放长假。 努力工作就系为咗以后唔使工作，但眼见现今香港地原来唔工作就唔使工作，仲可以大声夹恶，真心觉得自己好笨。要发达就话难啫，使哂d钱做穷人有几难呀？等小弟试一试，有成果就第一时间同大家分享，哈哈！ 进退有时，工作同投资应该都一样。油价上返生产成本价，全撤；三中全会冇料到，加上五穷六绝嘅时间又快到，一股不留，撤；楼嘛，撤无可撤。Buy and hold而家唔流行，但香港楼似乎系例外。
|
|
57. Peter Pan 2016-03-11 10:14:35
|
同意55/F 引刀兄。 很多人曲解公平的定义。 不应该偷换概念，认定"争取公平"就是不劳而获。
|
|
58. 蓄芳待来年 2016-03-11 16:36:49
|
所有概念只系相绝，并无绝对。最公平嘅制度就系「大镬饭」制度，冇地主冇资本家，因而唔存在剥削，但连阿爷都顶唔顺一个穷字而放弃咗。 争取公平最明显嘅例子莫过於劳资双方嘅争拗，但公会嘅理据都系以劳方有贡献为先，只系争取合理待遇，并吾否认多劳多得，但今日嘅香港，叫口号争取公平嘅人，有边个系以自己有过贡献而出发嘅呢？人有我就要有，人有我冇就系吾公平。我都唔明白点解d中产唔去嘈政府，多劳少得，变相惩罚勤力。 阿人哥经常攞外国例子作比较，讲本地工人点样被剥削，但人哋交乜嘢税率你又交咩税率呢？社会责任呀，净系识对中产、商家佬讲，你几时见过同基层草根市民讲呀？个社会你冇份嘅，净系识得攞。冇俾过就攞，你好意思？咁唔叫不劳而获叫乜呢？ 小弟都知道咁讲好乞人憎，会得罪好多人，但天道酬勤，你要否定呢个千年道理我都冇你符。 我都好希望中指可以落到118、110，但真系好怀疑，今日嘈紧价高嘅人，到时又有几多人肯买/有能力买呢？一来低处未算低，二来失业大军中可能已经有你份。要求个环境去适应你，而唔系你去适应环境，动物都唔会咁反智啦，何况你系人？ 原谅小弟又长篇大论在此发噏风，罪过罪过！
|
|
59. 惜缘 2016-03-11 19:22:47
|
蓄芳兄
讲得太好，绝对唔系发噏风， 感激都来唔切。
常言道， 唔辛苦哪得世间财？ 「天道酬勤」乃正道，若果任由「 惩罚勤力」的风气不断延续， 咁迈向希腊的日子不远矣。
|
|
60. 萧峰 2016-03-11 19:50:58
|
蓄芳兄，中产唔嘈系因为冇时间嘈，要搵食啊！哎，中产好惨！只会做社会垫尸底！
|
|
61. 引刀一快 2016-03-12 06:43:15
|
To 56楼 蓄芳兄 首先，我只系唔睇好大陆经济，或者话对大陆经济往后几年睇淡，我唔系一个悲观嘅人，日日喺呢度俾人话悲观，驳都驳到闷。好友习惯将所有负面形容全部加喺淡友身上，有欠公允呢。 据我所知，好多大陆人都唔认为大镬饭公平，无论系得益者还是吃亏者，吃亏者冇得拣而已，够胆反对？反革命呢个唔系帽子，直情系血滴子。 至於公平系绝对还是相对，呢个咁哲学嘅问题我唔够料讨论，不过有个小小睇法，一个行头里面，大家都觉得公道能传承为行规嘅就大概差不多嘞。 过去喺大陆，我遇过好多智商、人品、行动力都在我之上嘅人，但系当中有唔少无论系经济条件、可见发展前途、社会待遇等，都比我差好多，我当然唔敢话佢地唔够我勤力，有好多情况，我视爲上天眷顾。
|
|
62. 引刀一快 2016-03-12 06:43:16
|
To 56楼 蓄芳兄 首先，我只系唔睇好大陆经济，或者话对大陆经济往后几年睇淡，我唔系一个悲观嘅人，日日喺呢度俾人话悲观，驳都驳到闷。好友习惯将所有负面形容全部加喺淡友身上，有欠公允呢。 据我所知，好多大陆人都唔认为大镬饭公平，无论系得益者还是吃亏者，吃亏者冇得拣而已，够胆反对？反革命呢个唔系帽子，直情系血滴子。 至於公平系绝对还是相对，呢个咁哲学嘅问题我唔够料讨论，不过有个小小睇法，一个行头里面，大家都觉得公道能传承为行规嘅就大概差不多嘞。 过去喺大陆，我遇过好多智商、人品、行动力都在我之上嘅人，但系当中有唔少无论系经济条件、可见发展前途、社会待遇等，都比我差好多，我当然唔敢话佢地唔够我勤力，有好多情况，我视爲上天眷顾。
|
|
63. 蓄芳待来年 2016-03-12 08:52:43
|
引刀兄： 十分理解刀兄所言，好多才情出衆者在大陆得不到应有的发展，吾父、伯父亦系咁毁在大陆 (爷爷爱国，将两兄弟由南洋送回祖国读书，结果两人因政治运动被羁留在大陆一世)。大环境令佢哋冇得拣，所以小弟特别痛恨有得拣嘅香港人不知自爱、自甘沦落。 有选择、有勤奋向上嘅机会并唔系理所当然，但我肯定香港人有，因为我试过。
记得刀兄曾言「为自己嘅悲观而感到心安理得」，故有误会，多多包涵，哈哈！所谓好友淡友称号都不过得啖笑，除非傻嘅，如果唔系点会偏执一边呢，哈哈！
小弟亦曾经有好多机会好似刀兄咁留在大陆发展，但父辈遗恨令我冇办法留低。前任Boss原为小弟下属，佢肯留低而我唔肯，结果就造就咗命运嘅好大差异。我唔知道而家香港嘅大环境系咪令到人连勤力都唔得，只系见到好多人试都未试过就话唔得。小弟为安居乐业四个字努力咗20年，到而家比上不足 比下有余，唔知道话唔得嘅人，你哋努力过几长时间呢？
|
|
64. 引刀一快 2016-03-13 04:03:53
|
蓄芳兄
呵呵,「为自己嘅悲观而感到心安理得」,你要加埋D头头尾尾至得架。
自从香港打仔成爲刑事罪行开始，就为香港新一代埋下弱化嘅种子。
至于兄台放弃咗留大陆发展嘅机会，在下觉得完全系塞翁失马，可以单靠努力喺大陆上位嘅人，一定系脚踏七星、祥云盖顶！
你花20年得到安居乐业，我花20年变成港灿，真系命途多舛！哈哈哈哈
|
|
App下载
