这点不冇道理，不过辣招系楼价下跌周期时，就会自动加辣，成交会没有最低，只有更低。

政府将炒家变哂做长期投资者目的唔系控制楼价升跌,而系稳定市场, 即系升要慢升, 跌要慢跌, 咁睇佢又好似几成功喎.

坊间普遍认为SSD会锁死供应，小弟对这点有不同看法。新楼的供应才是楼市的真正供应，二手买卖只是左手到右手，总的供应并未增加。如果这么看，SSD对楼市总供应量并冇影响，不过它却打断了换楼链，打碎了代理的饭碗。至於对楼市升势有控制作用与否，回过头来看，冇证据显示佢有。所以SSD不能算德政。

香港成日以国际金融中心自居，做到好欢迎外国人材嚟香港工作，但又限制外国人买楼自住，真系有D矛盾，何不趁而家个市静静地，放宽免佢地买新楼既BSD？！香港赖以地产生存，呢个系命脉，如果连地产都冧埋，连锁效应，相关行业既家庭，都无啖好食，地产代理更加吾驶多讲，佢地已经比呢D辣招折磨左几年，大家都有家庭，政府要谂谂。

冇BSD，楼市已炒左上太空了!

【九七过来人】陈清白：楼价跌三分一唔奇

http://hk.apple.nextmedia.com/realtime/finance/20150915/54207685

楼市频现挞定货、蚀让案，历史会否重演，目前是否「97年翻版」？经历九七，输到「滩滩腰」嘅一代楼市炒家，绰号「白旋风」、人称「炮哥」的陈清白接受本 报访问表示：「今次比97年，应该会大镬啲，出面经济好明显变坏，人工追唔上楼价，楼价过高，美国千祈唔好加息，一加息，就是触发点。」

「炮哥」话：「呢几年楼价升得唔正常……楼价跌返三分一，我都唔觉得奇，97年跌3分2，以太古城为例，而家比97年升超过1倍，跌返三分一，真是一啲都唔奇。澳门楼而家都跌咗3成啦，成交仲系咁萎缩。」

「而且我唔觉得今日有咩好过97年喎，营商环境，你睇近期啲铺位，吉铺呀，多到你唔信，湾仔庄士敦道、铜锣湾波斯富街，从来都未见过咁多吉铺，你谂下个营商环境有几差……

有 人话银纸贬值，砖头保值，炮哥无奈道：「97年，我都是咁谂，惊死蚀底，现金变哂资产，结果？一镬熟罗！」「根本二手瘫哂，间中一个半个傻佬，或者钱多得 滞出来同你买楼嘅啫，揸住楼嘅，其实个心好急，楼呢，好攞命，你越平俾个买家，个买家就越走…转角市，你劈一成，真是无人买，仲吓亲个买家，我撞个板啦！ 你越减，越无人买，而家卖到楼嘅业主等於中六合彩。」

对於环海・东岸11宗连环挞订，他认为这楼盘出九成半按揭吸引买家入市，「攞几十万出来就上到车，个班友恨楼恨到发烧，想做业主好耐，家下十零万可以做业主，就被氹去买…结果一时冲动，买咗!」

本报记者 陈家雄

To  历史长河兄

【九七过来人】郑躬洪：「唔认为楼市会好大调整！」

昔日豪宅炒家，曾经手执几十件九龙站豪宅，以生产玩具出身，绰号「玩具郑」的郑躬洪谈及最近是否「97翻版」，他斩钉截铁道：「我又唔认为，个市会有好大的调整，起码唔会是今年。」

他坦言：「过去几年，我都是讲紧个市好高好高呀，几年前已经讲话要调整，尽量沽哂手头上嘅货，留返啲长线收租的物业。我不嬲都是唱衰个市嘅，但就唱唔衰啦，呢几年仲有升。」

虽然睇淡，但他续称：「但我唔认为，个市会有好大的调整，起码唔会是今年。第一，利息仲系低，利息要是加，美国一定唔会每个月1厘、1厘咁加。第二，香港始终有刚性需求，跌极有限，政府话明年有两万几供应，大佬，呢啲唔系即刻住㗎嘛，呢啲楼花，要追到哂呢啲需求，要时间。加埋二手市场企得好硬净，所以我唔觉得会大调整，有都是小调整，细价楼估计5%，有啲人心惊，咪平少少卖咗佢罗，跌10%我都唔觉会。至於豪宅更加唔系讲，今年仲升返。」

目前与美国佬做紧生意，他感觉到：「美国经济确认好转，就业人数、人工上升，请人开始困难，不过美国消费模式转变，唔似得以前胡乱借贷……我系美国住过二十五年，当年大学毕业，话有工，就可以借钱买部车，而家买部车又要证明入息，者系想讲金融海啸后，美国借贷已经收歛咗。」另外，欧洲经济「最衰时间已经过咗」，至於有人话大陆经济放缓，但对香港楼市无乜影响，「要来香港买楼的大陆人唔会受国内经济影响，因为大陆稍为有钱嘅人，都要摆少少钱系香港或者外国，方便第时走佬。香港仍然是国内同胞将钱泊岸的最好地方。」

对於楼市频现挞定，他认为：「最近股市唔系几好啦，总会有人惊，惊咪有人死罗，但呢啲系绝…绝…绝大少数罗！」

SSD系上升轨迹同下降轨迹, 出来的表现会不尽相同的吧???

姑勿论撤SSD就好多炒家立刻卖楼，依一刻，政府唔会作任何动作，做 killer!
突然撤SSD个市仲惊，来个骨牌效应....

历史长河兄

刀兄，唔使查，小弟对澳洲情况一清二楚。

历史长河兄

刀兄,

有抵触吗？