博士只是説那些报导不负责任,并不是看淡楼市.
博士只是说细价楼爆煲, 唔系全面下跌。大家唔好张将所有"有屋顶"的物体就系"楼市"。有屋顶的是建筑物, 而建筑物都分好多种,工商铺住宅亦分地区层数环境景观。
你赚蚀决定於你几时买几钱买同对手系边个。这几年我有两位朋友买同一屋苑相似单位一个赚到七八球一个平手离埸。一个买一首一个买二首 (谂返转头二首卖俾我走友嗰个重伤, 等我打电话去安慰下买一首个老友先)
任何时候都有傻老高价买货,亦有贱价卖货。是否高低贵贱价只有历史才能断定。
住宅物业好睇市民的负担能力(同人均收入完全无关,因为人均收入完全冇将已累积的财富计算在内)同样工商铺都好睇生意嘅负担能力。好似最近钟表珠宝药房化妆品,冇咗自由行之后根本冇可能负担昂贵租金,只有被迫结业或收缩。再加上其他网购公司抢生意,好多可以网上买的产品会在店铺上消失。香港已经太迟左人哋几年,绝对冇可能独善其身。反观民生食市必须品及服务性行业的生意应该不受影响。所以铺位组合应该会去返零七年未有自由行嗰个水平(加通胀)。不过有啲业主有钱,费事睬你,继续等水鱼。我认为咁样有啲浪费社会资源,但香港系自由商业社会,业主有佢嘅权利。但在商言商,收到钱的生意才是生意。各有各谂。
唔好意思讲到离晒题。希望各位生意兴隆,事业有成,保持香港的竞争能力。共勉之。