http://hk.on.cc/hk/bkn/cnt/finance/20160722/bkn-20160722183851180-0722_00842_001.html
【on.cc东网专讯】 呢排业主转强势，唔好话议价，唔反你价已经偷笑喇。有网民嬲爆爆，喺讨论区开帖话：「第三次睇楼谂住减少少或原价即买，今日竟然要加20万，我话考虑几日，佢够胆死话到时未必系依个价，你班业主不如去抢啦！」发帖者睇吓问吓，真系「越问越伤心」，最后搞到楼都买唔到。
买唔到呢间，咪睇过第二间罗，话晒自由经济市场，买卖都系你情我愿啫！有网民就觉得呢个系发帖者嘅问题：「三月大把盘睇，又冇人争出价，你唔买，等，几时都要代价！」咁嗰时人人都觉得楼市仲有得跌架嘛，唔买都好平常。有网民再踩多脚：「时间永远是未上车的朋友的敌人，时间愈耐，愈不利！」唉，有早知就冇乞儿啦！最好喺2003年买楼，然后细楼换大楼，大楼换house啦，系咪？
留意番个重点，发帖者明明已经「第三次睇楼」，应该系有心想买，业主做乜赶客咁款？有网民都忍唔住问句：「你做咗啲乜？」因为「唔开票睇三次，同开咗票睇三次唔一样，佢其实想『送客』。」今时今日，带票睇楼是常识吧！不过真正原因可能系「你睇成3次，露晒底知你想买，梗系反你价啦！」其实都好正常，边个卖楼唔卖到尽啊，呢位网民就中晒point，「你可以叫业主减价，业主唔可以加价？咁有趣嘅你。」系喎，只可减价，不可加价，发帖者你咪必赢？有业主更哭诉：「我觉得有啲买家先食错药，正常市价放盘(600万元以下)够胆死一劈劈一百万！」
睇番成件事，食错药嗰个，其实未必系业主，咁系边个呢？有网民仲要抽水：「你系咪冇去接机？」唉，真系冇眼睇，发帖者惟有继续等吓啦！
原文出处在此：
依家D 业主系唔系食错药呀
http://finance.discuss.com.hk/viewthread.php?tid=25957107&utm_campaign=discussedm_2016-07-21&utm_source=regular&utm_medium=hottopic
依家D 业主系唔系食错药呀 
依家D 业主系唔系食错药呀 【暂时话题嘢嚟230个留言】
[隐藏]
第3 次睇楼谂住减小小或原价即买,今日竟然要加20万,.我话考虑几日
佢够胆死话到时未必系依个价
你班业主不如去抢啦
[ 本帖最后由 henry12345 於 2016-7-20 09:24 PM 编辑 ]
http://hk.on.cc/hk/bkn/cnt/finance/20160722/bkn-20160722203408796-0722_00842_001.html
楼市劲哥金榜：向准买家道歉大赛【有片】
【on.cc东网专讯】 欢迎收睇第一届向「准买家」道歉大赛！最近楼市进入疯狂状态，就算班业主吊高嚟卖，啲买家都照冲入市，可惜未必买到心头好！就等劲哥带你哋，向班失落嘅买家逐一道歉！今个星期楼市劲哥金榜：道歉大赛！
----------
第3位 维景湾畔放盘试水温
将军澳维景湾畔有个低层单位业主放盘试水温，当撩起买家嘅兴趣嗰时，佢就话：「对唔住，我志在见吓票㗎咋，出到580万元都唔卖㗎」哗！咁算唔算欺骗人感情？似乎呢个准买家，同一心谂住睇娜姐喺fb直播，率先玩港版Pokémon go嘅网民一样都好想讲句：你呃人！
----------
第2位 新达业主有票即潜水
大埔嘅天空很蓝，新达广场更加有罕有睇到吐露港海景嘅高层单位放盘，有买家连楼都唔睇，就嗱嗱声开票...不过最后都买唔到，对呢位准买家，我只能够讲：我很抱歉！
鬼叫个业主一听到代理「有票在手」就即刻「潜水」咩，唔通好似洪卓立咁，由弥敦道行到阴阳路！？
吓鬼咩！原来只系电话冇电啫～个业主几日后就自动打番畀代理话要加价，睇嚟下次买楼畀票嗰阵，要畀埋个尿袋业主先得，但千祈唔好用人口普查员嗰款罗...
----------
第1位 好运买家连夜接机签约
4年前就话做茶记系一生一世，服务市民嘅承诺；4年后就话卖盘乜乜乜！所以呢，口讲无凭，身体最诚实！
好似沙田好运中心榆林阁两房单位嘅买家咁，明明业主讲好旅行完返嚟就成交，但个买家都惊被人截胡，三更半夜同代理去机场接业主机交票签约...最终用高於市价嘅418万成功买到心水盘！睇嚟佢心急嘅程度，同书展想买鸡排妹本写真集位人兄有得fight，可惜佢排咗7粒钟都买唔到，真系好对唔住喇！
App下载
