上回适逢加辣，中断咗我呢篇正文，之后越延越长，再唔出就恐怕会写爆字数嘅上限啦！其实呢次嘅灵感，喺嚟自今年五月初，
一位非注册回应者嘅留言。佢引发咗我一系列联想，包括一啲往事，从而惹起我嘅冲动，想为几位朋友，写番篇文章。几位嘅身份，或可以从内容估到，或隐藏响文字背后，又或者连当事人都未必睇得出。总之，见唔见得到，睇唔睇得明嘅，都喺随缘啦！
电脑市场嘅归边其中一位，喺香港好著名嘅工业家，我同呢位富豪级嘅老朋友，有过一段渊源，而我对佢嘅尊敬，亦非笔墨可以形容。或者换句话讲，佢嘅层次，喺我认识嘅富豪之中最高。今日，好多人对佢所知，都只限於啲细路仔电子玩具，同室内无线电话。但原来，佢喺以电视游戏机发迹，而佢嘅个人电脑，更红极一时。记得我曾经分享过自己一段，
自学写程式，借同学部电脑返屋企嘅往事。果部电脑，就喺出自呢位工业家嘅企业。
如果只喺搞 IBM 兼容嘅话，当然冇乜特别，不过，
开发苹果兼容电脑，仲要赢埋苹果对佢嘅知识产权诉讼，令全球哗然，就真喺佢先至做得到啦！皆因佢从来都喺以逆向工程（REVERSE ENGINEERING）做兼容，唔会直抄。加上晨早就已经从微软注册咗苹果冇独家注册过嘅 BASIC 语言，令人地冇办法唔正式通过产品同佢竞争。当时佢响电脑界嘅地位，受到全球认可，而开发电脑系统芯片组（CHIPSET），亦比台湾更早。我仲依稀记得，当年联想集团啲工程师，被派到佢公司取经果阵，都仲喺十下十下咁，但唔使多讲，今时嘅联想，已经唔同往日啦！
可惜，佢嘅电脑大业，就输咗响一个错误嘅决定度，最终要全面退出市场。果阵，基於 IBM 嘅公开平台，出现咗 DIY 砌机市场，令主机板大行其道。台湾电脑业掘起，而佢集团响电脑方面嘅投资，就开始亏损。换咗几次管理层都冇起色，结果决定放弃品牌，随波逐流去搞主机板。其实所谓主机板，都只喺一件零件，以品牌包装一件零件，根本就喺本末倒置，唔会持久。当市场归边，呢啲伪品牌之物，自然会被淘汰。果然跟手嘅，就喺价格战，佢惟有壮士断臂，退出市场，最后连台湾整个电脑业，亦难免衰落。而联想集团，就以坚持守住品牌，发展品牌，终於成为一哥。
手机市场嘅归边任何市场嘅发展，都喺趋向归边，而归边，喺可以响一夜之间发生。曾几何时，NOKIA 嘅手机，雄霸天下，价钱高至过万，低至几旧水，包罗万有。而我亦钟情过佢嘅高档系列，就好似
8910，同我最后果部
SAPPHIRE ARTE，设计都好精致；今日我嘅手机，仲喺用紧 ARTE 嘅铃声。有边个会谂到，一个智能手机嘅大浪之后，呢只巨头，会沦为阿婆手机嘅首选？
玩 TOP TO BOTTOM，可以好险，做人，真喺唔好太贪心，皆因资源有限，瞻得前时就顾唔得后。跟手呢，就梗喺搞埋哂啲资源共用之类嘅悭水嘢，令到高档产品，失去咗创意，同对市场嘅应变能力。当年，台湾主机板一哥华硕，守住高档市场，但又身痕出番只低档华擎噃。到最后呢，华硕华擎，就变成同一物，价格战之下，齐齐走低罗！
响今日嘅手机市场里面，苹果坚守住佢个山头，完全唔会多心。至於三星，就好似当年嘅 NOKIA 咁，甚至可以话，有过之而无不及，啲型号多到唔知边只打边只。所以响追赶新产品面世嘅情急之下，NOTE 7 电池爆大镬呢家嘢，真喺唔可以话喺意外嚟。如果三星再唔肯痛定思痛，搞清楚自己嘅定位，集中番资源响最强果部份度，而只喺识得去怪罪为自己卖力果班勇将嘅话，咁当市场再归边嘅时候，恐怕未必可以过到骨啦！
归边．靠边．再归边好多人以为，归边，就即喺市场，尽入强者之手，弱者遭到淘汰。其实咁嘅讲法，不外乎喺物竞天择，适者生存呢个自然定律嘅翻版啫，所以，都只喺啱咗一半。
归边嘅真正意思，喺市场嘅分家，即喺话，市场会就唔同嘅种类、档次分割，而唔喺单以强弱分割。市场参与者，根据佢地嘅角色，被归入唔同嘅区内，而各区之间嘅界线，亦渐趋清晰。要跨越界线，由一区跳入另一区，会越嚟越困难，或者因为冇足够嘅诱因、冇足够嘅实力、经验，又或者喺机会成本太大之类。冇清晰嘅角色，或者角色错配嘅，就会被淘汰。所以，强者一样可以被拉落马，弱者亦未必搵唔到生存空间嘅。
既然，
任何市场发展，都喺趋向归边，咁我地应该点做？都喺果句，
答案，每个人都唔一样，甚至会喺相反。或者可以概括啲讲，就喺：及早「靠边」！
咁即喺点？
正如我第二篇话，要搵到自己响市场里面嘅角色，了解自己嘅角色，集中资源，做好自己嘅角色，呢个就喺所谓嘅「靠边」。不过就算俾你靠咗边，都唔等於可以安寝无忧嘅。以档次分割嘅市场区间，喺纵向，而高区下游至低区嘅界限阻力，主要嚟自机会成本，即喺所谓，大鸡唔食细米。但如果高区嘅参与者，因追唔上市场升阶嘅要求，被新参与者乘势取代，咁为免遭到淘汰，最直接嘅做法，就喺杀落去下游区间度。
呢个现象，大规模发生嘅话，就会令市场重新整合，区间亦会被重新划分，即喺所谓嘅「再归边」。智能手机掘起，NOKIA 衰落，其实都喺再归边嘅一个例子。归边也好，再归边也好，亦可以响
一夜之间发生。不过，任何市场突变之前，都总会蕴酿一段时间，其间不时发出讯息。所以我地要持续观察市场，评估自己响区间之内嘅角色，有冇变得模糊，以及自己嘅优越性，会否开始下降。尤其喺响营运之间，特别就重大决策所面对嘅阻力，会唔会喺暗示紧，自己嘅基础模式，已经过时？
讲番果位
老朋友，今日稳坐两大山头，其中一座，就喺已经冇乜增长，长远只会逐渐萎缩嘅室内无线电话。佢做得成功，皆因响适当嘅时候，人弃我取，及早靠边。不过电子市场，喺千变万化，竞争亦非常激烈。当日冇人有兴趣打嘅山头，到上游参与者，受到被淘汰嘅压力果阵，会唔会一个接一个，先喺 MOTOROLA，跟手 PANASONIC，甚至轮到三星，排住队杀落嚟？响一个长远只会萎缩，而品牌效应薄弱嘅市场区间里面，自己嘅角色，又有几稳固？
平嘢唔一定好记得最后果次见面，佢同我讲咗一句说话：「半导体，都只喺几蚊货色！」坦白讲，我真喺有啲失望。难道，贡献业界多年，就只得呢个结论？难道，所有产品，最终都只有剩低，原材料嘅价值？做电子产品，低价切入市场，甚至以本伤人，都喺常用嘅手段，不过呢一招，唔喺度度都可以攞嚟用。所以有次我话佢，
遇人不淑，都只喺啱咗一半；搞廉航失败，或者一开始就已经喺错，唔可以完全赖哂个 CEO 嘅。
成本、价钱，固然重要，但成功，就唔可以单靠呢啲。就睇香港嘅私楼，讲楼质，SHK 喺首选，唔知大家同唔同意？对自己有要求、有心去做好一件事，就自然会反映响个 OUTCOME 度。但如果只喺睇住个成本，揸尽下游嘅供应商同外判，结果搞到啲乜嘢出嚟，就真喺唔使多讲。正如响香港，做到首富嘅，当然有佢成功之道，投资眼光准，低入高沽嘅卖橙故事，大家都知。不过，平嘢唔一定好，贵嘢又未必买唔过嘅。
近年眼见中国、香港啲嘢，越嚟越贵，再增持嘅话，就真喺会违反哂，首富低入高沽嘅原则啦！唔沽哂佢，已经好俾面，家阵欧洲低水，梗喺入番啲欧嘢。集团重组，变现买 O2，
但最后俾欧盟否决咗；Victor 话，
塞翁失马，之后英国脱欧，唔知算唔算执番身彩？脱欧前夕，
首富接受彭博专访，都不忘呼吁英国留欧。其实，欧洲、英国市场嘅宏观值，又点会因为一个「
答案」而变天？分别，都只喺买贵咗，定喺买平咗啫！
但正如我响序文里面话，
欧嘢几平，都唔代表可以买得过嘅。今日
意大利公投，六成人反对修宪，总理将要辞职，唔知呢只又算唔算喺黑天鹅？欧洲已经喺一个，
烧钱嘅地方，了解呢件基础因素嘅话，个公投结果喺点，根本就唔重要，亦唔应该影响到一个投资者嘅决策。早前，有人就一带一路嘅概念，
走去扫埋哂啲柬越嘢，有朋友一次过入十几间，首期都只喺三百几万。值唔值得投资，我唔评论；或者可以咁话，以首富嘅 SCALE 去扫欧嘢，输极，都只喺整体赚多赚少嘅问题，但作为小投资者呢，就唔好乱咁瞓身啦！
贵嘢未必买唔过响香港，好多嘢都俾人话贵；地贵、楼贵、铁路又贵，但我又唔觉得有乜咁大不了。就好似港铁，直头喺全球最优质嘅铁路系统，我觉得已经收得好平，加价，我唔会有意见。有时真喺怀疑，几分钟一班车，班班爆满，LOOK 足成日，条路轨会唔会变形？每日得果几个钟头检查加维修，唔爆镬，简直就喺奇迹。其实，我地投资香港多年，就好似同一个战友拍档咁，共得患难嘅，点解唔可以共富贵？
记得我唔止一次提过，香港啲媒体，
成日断章取义首富嘅言论。就好似将佢讲嘅，依家香港经济，廿年嚟最差，仲衰过沙士，对楼市步步为营，
三句抄埋一碟，又唔去睇清楚，人地讲嘅每一句，喺回答紧记者嘅边条问题。
佢话对楼市步步为营，喺回答紧记者，关於赤柱豪宅地，俾中小型地产商投咗，同政府会否减辣呢两条问题；至於香港经济，
廿年嚟最差，其实喺回应旺角暴乱，香港政治矛盾嘅议题，训示唔好再搞衰香港；
而衰过沙士呢，只喺讲紧佢自己嘅地产同零售表现啫！
沙士果阵，你收五千蚊都冇人请，今日有最低工资，都请唔到人。同沙士比，依家嘅香港，简直就喺天堂。所以点解我多次强调，香港嘅经济，喺冇问题，仲奉劝大家，
千祈唔好错判形势。而响彭博嘅专访中，
首富自己亦澄清咗，关於佢话廿年嚟最差，其实唔喺指 GDP 之类嘅经济嘢，而喺讲紧香港一般人经营嘅机会。我真喺想问佢一句：所谓一般人，包唔包括你自己？难道，你嘅王国，已经到咗顶？
低入高沽嘅层次有次讲开投资呢个议题，我话，低入高沽，响投资嘅范围里面，
只喺好低层次。咦？咪住！呢一刻挖番出嚟讲，唔通喺影射首富低层次？哗！点敢？我谂冇乜边个够胆死，公然话首富低层次。不过层次呢味嘢，其实又喺相对嘅，即喺话，无论层次几高，响更高嘅层次之下，都喺低层次。而我嘅层次，当然比首富低好多、好多、好多。
我只喺觉得，首富字里行间，恍惚流露出一种，时不与我嘅慨叹。啲中港嘢，只升不跌，加上个 CY 政府，不时同大地产商
对著干，又唔均真兼冇口齿，当年拔刀助你一把，换嚟可拆售嘅回报，
点知到行使果阵就反哂口。不过话虽如此，香港嘅发展，仍然喺向前，而作为成功嘅生意人兼投资者，果啲所谓阻力，唔通真喺咁难克服？究竟喺时不与我，定喺冇与时并进？归边嘅力量，可以好惊人，有啲嘢，拱手让咗出去，就唔会咁容易收得番嚟。尤其喺自己嘅地方，失去咗优势嘅话，仲可以扎根响边一度？
话说长实四年冇投过官地，但一起手，就以高市价三成，
夺九肚山豪宅地，或者首富真喺谂通咗一啲嘢。香港嘅地产市场，本身就喺严重归边，要进，已经唔容易，退咗，亦好难进得番。唔好指望，仲可以再等，等一剂大幅度嘅周期性回落，又或者，等一只都唔知会唔会出现嘅黑天鹅降临。
推动归边嘅力量我讲市场区间果阵，话以档次分割嘅，喺纵向，呢样就好比唔同嘅层次。响市场归边嘅过程之中，除咗跨越界线跳上一层，即喺所谓嘅「上位」，会越嚟越困难之外，就算要保留响同一个层次，亦唔容易。恍惚自己嘅优势同角色，越嚟越薄弱，正如以前嘅大学生，一毕业出嚟就好威，但今时今日，大学生，已经不外如是。我地唔应该怪罪个社会，唔俾机会年青人，唔俾香港「
一般人」经营嘅机会，因为市场归边，喺无可避免。咁大家又知唔知，点解市场，一定要趋向归边？究竟喺乜嘢，推动紧呢个宏观现象？
市场对质素同优化嘅渴求，就喺推动归边嘅背后力量。
就睇以前，香港嘅巴士，由热巴转哂做冷巴之后，车费唔通仲会平咗？港铁，可以收你几平？香港作为国际化商业城市，投入社会发展，以及保障市民基础生活嘅资源，只会越嚟越多。连锁效应之下，就算冇 QE，香港嘢，都一样会越嚟越贵，经营、上位，都一样会越嚟越困难。好多人，买唔起楼，就赖美国 QE，
以为郁咗个联汇，啲嘢就会平哂，呢种想法，何其幼稚！
全球千份之一人口，集中哂响地图上果一点度，资源短缺，有限嘅可用土地，供应不足，根本就喺必然，更何况对居住嘅质素、环境嘅质素，以及配套支援等需求，只会越嚟越高。
我经常提及嘅，
环球经济新常态，其中一个形成嘅主因，就喺各大经济体嘅发展，趋向成熟，以致社会对生活水平嘅需求，以几何级数增长，令到
传统嘅主流经济理论，唔再有效。
有人质疑话，既然喺咁简单，日本就唔使一两年就换一次首相啦！其实所谓新常态，只喺自然衍生嘅必然现象，我边有话过喺「解决问题」嘅方法？生活水平提升咗，唔代表唔再有问题，因为人心，永远都喺不足，就睇果班满脑子黄色丝想嘅新一代，开口埋口讲权利，咁义务呢？
不过话分两头，对质素嘅渴求，亦同时带动市场优化。优化机制，除咗嚟自市场竞争之外，更会嚟自政策。各国政府，为咗要稳定社会，都会推出相应嘅政策，而呢啲政策，往往就成为市场归边嘅催化剂。又正因为政策喺人为，以致定出嚟嘅市场界线，特别清晰，而归边，亦会嚟得特别快。
金融市场嘅归边就以金融市场为例，今年四月之前，散户仍然可以只喺俾港币四十几万，七成杠杆，就买到一张票面廿万美金嘅债券。
证监、
金管局分别发出咗通告同指引之后，香港嘅投资市场，正式分家，呢个就喺我响序文里面讲嘅，
尾班车事件。依家，你唔喺专业投资者嘅话，莫讲做杠杆，就算喺 FULL PAID 都唔再买得债券罗！
大家可能会觉得，呢次市场归边，只不过喺嚟自人为嘅政策啫。但香港嘅金融政策，又何尝唔喺为咗稳定市场、优化市场而制定？散户被拒诸门外之后，债券市场趋向稳定，而散户嘅资金，就流哂去啲基金度，尤其喺高息债基，受到追捧，价格持续上升。记得响年半前，我提过有只
内房债基，急跌一成几之后，有朋友问点算，我话冇有怕。如果当日佢肯 HOLD 住收息嘅话，到依家，已经赚息兼赚埋价啦！
市场持续优化、归边，同时间淘汰咗一系列走捷径嘅机会。所以点解，我会响序文嘅最后，
话楼市好友，一样有误区。佢地普遍认为，金管局嘅逆周期措施，阻住好多人上车，亦阻住好多人上位。我曾多次反问大家，
喺唔喺要番去华探长年代？今日嘅香港楼市，之所以咁坚固，而实体经济，之所以唔容易受到投机市场嘅直接冲击，
金管局，真喺功不可没。
物业及地代行业嘅归边至於大家最关心嘅物业市场，归边嘅情况，尤其明显。虽然我从来都喺反对 CY 嘅楼市辣招，但无疑响资源短缺同市场优化嘅压力之下，就算唔喺辣招，都总会有其他对楼市收紧嘅政策推出，令上车难，上位更难。记得大约一年前，我响一篇回应度，提到楼市嘅
主流持份者，都喺唔会点沽货，冇佢地沽货，喺推唔冧个市。
跟住有人就话，呢班持份者，就算喺主流，揸住唔放，就即喺影响唔到个楼价啦，使乜计埋佢地入去个楼市度？无可否认，唔卖嘅，当然唔会造就出个成交价，不过问题喺，卖一件，少一件罗！
物业市场嘅归边，喺基於对持有优质资产嘅渴求，呢个就喺市场现实，而唔喺啲乜嘢，
赚钱喺刚需中嘅刚需。睇淡嘅楼市砖家，往往挂在口边，话购买力消耗殆尽，供应源源不绝。不过家阵似乎喺，供应消耗殆尽，购买力源源不绝噃！物业市场归边，亦引申至地代嘅归边，以致呢个行业，越嚟越难做。都喺果句，
做好自己嘅角色，以优质嘅服务，成就交易，而唔喺用埋哂啲托价、锄价之类，损害业界形象嘅手段。地代，喺冇责任，去成就楼市嘅升跌。
正如电脑行业，响市场归边之下，
以品牌包装一件零件嘅所谓主机板，自然会被淘汰。而响收窄咗嘅市场入面，再搞埋啲乜嘢，效能大比拼之类嘅新意思，亦唔会扭转得到个大趋势。今日，好多人将互联网、手机 APPS 之类之类，视之为创新，视之为机遇，其实呢啲 CYBER 嘢，都只不过喺工具啫！就好似地代老大哥，中原地产，佢喺香港最大嘅地产代理，先至会有中原指数，而唔喺中原指数，令佢成为最大嘅地产代理，千祈唔好本末倒置。
客户永远喺人记得十月底出席过一个 EVENT，同某银行主席倾得好投契。佢话，今期嘅重点，喺大搞互联网平台，而我就表示唔太认同。无论社会，点样发展，点样进步，客户，永远喺人，唔会喺机器。搞互联网喺重要，但呢个唔喺企业，最增值嘅部份。
就好似大学生咁，以前就好威，但最到终，都只会喺人有我有，不外如是。玩成本效益，只能够达至薄利多销，做唔到以人为本嘅话，喺唔会有希望响市场归边之下跑出，莫讲话要真正、同长远咁扩展啦！
搞互联网，最大嘅误区，就喺神化一件工具，
正如当日我评 UBER，话佢唔喺真正嘅创新。一个平台，全世界通用，即喺人人都做得到，咁你个值响边度？因为平？要成功，就应该照顾唔同地区，唔同嘅文化、制度，配合当地嘅需要同规范，而唔喺去走捷径、穿漏洞。都喺果句，客户，永远喺人，唔会喺机器。
讲到走捷径、穿漏洞，令我谂起迷你仓事件。正如我早几段提及过，任何市场突变之前，都总会蕴酿一段时间，
其间不时发出讯息。而违规，根本就喺「现在」嘅问题。所以响营运之间，特别就重大决策所面对嘅阻力，话唔定就已经喺一个好强烈嘅讯息。另一个例子，就喺
细价楼爆煲论出台之后，政府开始对财务公司，作多方面嘅规管，令到财仔行业，走向归边。有人怪罪於汤博士，但其实，财仔嘅风险问题，中介公司嘅问题，乜唔喺响爆煲论未出之前，就已经存在紧咩？呢啲根本就喺「现在」嘅问题。越早肯去面对现在，就越有条件响市场归边之下生存。
现在嘅基础因素好多人，唔甘心於「现在」，不惜押注於「
预测」，因为佢地以为，只要心目中嘅「答案」跑出，就可以跟自己「预期」一样，突破「现在」嘅规范。但原来，佢地最唔甘心果啲，先至喺最能够引领佢地，成功靠边嘅重要元素。所以点解「
明灯．答案」一文，会成为呢篇正文嘅序，就喺要带出「
一个答案嘅执著」呢个普遍心态。摒弃唔到一个答案嘅执著，就唔会睇得穿「
现在嘅基础因素」，更枉论可以响市场归边嘅大环境之下跑出啦！
对任何一个投资者而言，自己，就喺最大嘅投资，
而自己嘅个别情况，以及自己嘅周边情况，当然就喺「现在嘅基础因素」里面，首要考虑嘅部份。有网友话，
自住楼喺消费品，天下之大何愁无处容身喎！如果，连成就一个「家」，同扎於一个「
根」嘅观念都冇，咁人生嘅值为何？自己嘅值又为何？有啲人，为押注一个对楼市嘅预期答案，
连自住楼都沽埋去炒跌，结果浮沉於投机嘅波浪之中，不能自拔。记得我买第一个物业上车，就喺为咗一个「家」，而经历金融风暴、沙士，仍然继续增持，都喺因为对香港呢个「根」有信心。我之所以能够就物业为基础，
成就三个十倍，绝对唔喺靠运气就得。
近年有内地企业，响香港插紧旗，佢地以天价买入甲级物业。唔好笑人地接火棒，更加唔好「预期」人地会蚀钱沽番出嚟俾你，佢地喺睇得到连香港人自己都睇唔到嘅值。
寻日汤博士，遇上一位国内知名人士之后，就话要重新评估香港嘅地产价值喎！我觉得好奇怪，作为香港人，点会唔「知道」自己嘅地方，喺一处
汇聚人才同投资嘅福地？呢个一向都喺「现在嘅基础因素」啦！使乜要个内地人，俾埋个「答案」出嚟先至睇得出？
时不与我．与时并进任何市场嘅发展，都喺趋向归边。我地投资香港多年，就好似同一个战友拍档咁，
共得患难嘅，点解唔可以共富贵？今日你拱手让咗出去，他朝就唔好慨叹时不与你。
时代，喺永远向前，唔好期望一个倒退，可以俾到啲乜嘢著数你。
香港人，似乎走在世界嘅前列。就喺呢一句，引发咗我写呢篇文章嘅
灵感。
呢个世界，喺唔会有时不与我，只会有与时并进。
App下载
