「明灯．答案」呢篇序，都已经出咗成四个月，到近几日先至肯的起心肝，写埋篇正文。不过，唔知搞乜咁巧合，到前日写完想 POST 果阵，竟然撞正某人玩加辣喎！有时，命运呢家嘢，真喺唔到你唔信。

唔讲得

本来谂住将正文搁置，迟啲先至再 POST，反正大家嘅焦点，都会放哂响个加辣度，咁我又可以懒多一段时间。但寻日我再翻睇一次，政府加辣记者会嘅足本，就发现咗一个非常关键嘅重点，而对呢一点，所有传媒、评论员，甚至相信各位，都错判哂。至於喺啲乜，响一切尘埃落定之前，好抱歉，唔讲得。

我将正文关於地产果部份，抽咗出嚟，融合埋对加辣嘅讨论，写成咗今日嘅文章。所以，呢篇会成为正文嘅上半部；至於下半部，就会比较宏观同理念性，迟啲再整理后出。

可接受但冇必要

写完一大堆 INTRO，终於可以入正题啦！话说，前日政府突然加辣，跟手汤博士就火速出文，佢话，新辣招唔喺新招，只喺修正，可以解决高价楼投资者，转移买细价楼嘅问题喎！佢仲话，加辣可以冷却一下楼市，应对将来可能出现，供应过剩嘅情况。所以佢认为，新辣招，可以接受。

同博士一样，我都认为，今次加辣，喺可以接受嘅。嗱嗱嗱！千祈唔好老屈我转軚，我从来都喺反对 CY 嘅楼市辣招，反对佢嘅消极施政，呢个立场，直到今时今日，一啲都冇变过。我话可以接受嘅，唔喺辣招本身，而喺今次加辣呢个动作。

不过，我嘅原因，同博士嘅截然不同。细价楼加 15%，都一样远远平过高价楼加 15% 啦！又点会阻挡到，啲具实力嘅高价楼投资者，转移去买细价楼嘅诱因？阻得到嘅，都只喺猛车边买多间收租果啲，小型物业投资者啫！寻日有新盘出售，响冇推出针对加辣嘅优惠措施之下，反应都唔错，咁即喺同样地，加辣对二手市场嘅冲击，亦唔会太大。

坦白讲，我根本就唔觉得，近期嘅楼市，有几炽热，既然唔算炽热，就冇乜必要冷却。吓？咁都得？明明个 CCL，就快升番去旧年嘅高位罗！个市场气氛，又非常亢奋，呢啲日日都有报导啦！但我睇，家阵似乎喺啲传媒同楼评人，仲亢奋过啲买家或者业主噃。

响政府宣布加辣嘅记者会里面，CY 以及各官员讲嘅嘢，互相之间唔太协调，而理据又牵强。今次加辣，表面上喺针对本地对楼市嘅投资需求，但家阵俾 DSD 嘅交易都只喺占四分之一，当中仲包含埋换楼嘅成份，所以市场依然喺用家主导。况且最近大众嘅焦点，都集中哂响啲政治嘢度，唔见得今次楼市上升，对社会造成好大困扰；反而楼价止跌回升，令市民对经济开始回复信心，社会气氛由之前嘅负面，逐渐转番向正面。简单讲，就香港依家嘅情况，加辣，喺冇急切性，或者，根本就冇必要。

加辣嘅两大主因

咦？话加辣可以接受，又话加辣根本冇必要，搞乜？咁点解仲要加辣？

我认为，加辣，有两大主因。

第一，国家政策：调控楼市，遏止资金外流，喺当前嘅大方向，香港当然要配合。今次楼市加辣，被粉饰成针对本地投资，唔知点解，竟然冇人去质疑过，究竟合唔合理。加辣之后，非香港居民买住宅，喺要俾楼价嘅 15%+15%，即喺 30% 税。三成税，喺非常之重，咁你话家阵针对边个？

讲开又讲，各位仲记唔记得，上次叫我扭开电视，睇睇 Trivago 果位 180 网友？真喺要摆多佢一次上枱啦！180 除以 1.3，即喺 138.46。如果呢次加辣，真喺令个 CCL 跌到 138.46 先至回番嘅话，咁「楼神」呢个称号，非佢莫属也！

第二，政治原因：临近特首选举，啲候选人都差唔多要入闸，大家应该知我讲乜。呢排个宣誓风波，CY 直头喺揽哂上身，一如既往，完全唔会放过任何邀功嘅机会。不过，关乎国家大事，就算佢唔出声，阿爷都会出手，点到佢攞嚟出风头？所以有人话佢，会因为咁攞哂分，可以连任，我就好有保留。

但喺加辣呢，就唔同啦！配合国家政策之余，尽量降低对本地嘅影响，而最紧要喺，低调！低调！低调！跟手以排山倒海之势杀出，打击对手於无形。今次某人尽显功驾，如果我喺阿爷嘅话，一定俾足满分！不过，关於呢个原因，我 SKIP 咗一个最关键嘅重点，但都喺果句啦，唔讲得。

写到呢度，都应该喺时候，作番啲免责声明啦。以上纯熟我个人意见，可能啱，亦可能错，各位请自己思考。错咗，我喺唔会负责嘅。

大好友嘅转軚

其实公开言论，最紧要嘅就喺，行直线，讲真话，咁就唔会有问题。有嘢唔方便讲嘅，咪好似我咁话，唔讲得罗！由上文到依家呢四个月嚟，一众网友，仍然针对楼市嘅升跌预期，争拗不断。其中一项引人注目嘅事件，就喺火星网友嘅转軚。话说，佢最后嘅睇好言论，九月初，出现响王弼「什么是井喷？」一文嘅留言区内，当中有一位我好佩服嘅资深网友，同大家分享过井喷呢个议题。

之后，火星网友，静咗一个礼拜，就出咗一句：楼市有暗涌！再静多一个礼拜后，又话关博士睇好喺明灯，跟手佢嘅言论，作咗一百八十度嘅转变，令一众网友哗然。有人话佢卖咗楼、俾人盗咗号，甚至话喺良心发现添。咦？睇好就喺冇良心，睇淡就喺良心发现，果然喺偏颇之中嘅极品！

都喺果句，一个答案嘅执著罗！其实，如果肯将个焦点，放番响人地嘅中心思想同理据度，而唔喺只顾住人地俾个乜嘢答案出嚟嘅话，咁任何人嘅言论，无论对或错，都可以喺一盏明灯。集思广益之后，你得出嚟嘅答案，往往会同你参考过嘅言论唔同，甚至会喺相反。不过，呢个先至喺，真真正正属於你自己，独有嘅答案。

我谂，好多执著於一个答案，只喺顾住人地，究竟讲升定喺讲跌嘅网友，都冇留意到，原来果位火星网友，已经响十月初，为自己嘅转軚，作出咗交代。

师奶买楼嘅启示

真正嘅楼市大好友，固然唔会想个市跌，但亦唔代表佢地会乐意见到，个市升得咁急。最好，就如我每年嘅祝愿咁话，个市横行，平稳发展，咁就大家都开心。有部份楼评人，俗称「砖家」，个市升果阵唱跌，跌果阵唱升，希望藉此稳定市场，令羊群唔好咁癫。呢种做法，有个学名，叫「逆周期」，即喺响市场嘅周期波浪之上，逆趋势而行。金管局针对楼市风险嘅措施，都喺叫逆周期。但我以前都提过，金管局嘅逆周期，只喺单一方向，就好似 ACCUMULATOR 咁，点解？因为家阵佢要应对嘅，喺一个新常态，而唔喺一个周期罗！

我知道呢班砖家，好有心，但请恕我对佢地嘅做法，不敢苟同。以一个预期嘅答案，一个未来嘅「升」，或者未来嘅「跌」，诱出羊群嘅投机心态，由一个极端，走去另一个极端，而当中，有几多无辜嘅人，会受到伤害？唔知大家仲记唔记得，一个弱势屋苑嘅师奶，叫砖家食 K 嘅故事？半年后，楼价已经回升，师奶又再俾人摆上枱，不过呢次嘅金句，已经唔再喺食 K。

「脚踏实地、无死错人」先至喺真正嘅砖家，应该为羊群带出嘅讯息。传媒见唱乜有市场，就走去唱乜，自然见升唱升，见跌唱跌，呢个只喺商业社会，残酷嘅市场现实啫，呢啲无可避免。但自命得砖家嘅，就要有使命感，如果用埋哂好似传媒果啲哗众取宠嘅手段，咁就唔好再为自己嘅言论，套上光环啦！

大势所趋．总要发生

至於政府做嘢，喺有佢嘅背后原因；呢啲原因，可能会公开，亦可能唔会。总之就唔喺为咗你地唱乜，而走去改变啲最关键嘅决定。所谓，大势所趋，总要发生；加辣，喺一定会发生，仲要一定会响呢个时候发生。正如我话，当有一日，你突然发觉，个世界变咗；但其实，变果个，喺你，而个世界，始终如一。只不过之前，喺你自己，冇去睇清楚啫！

市场，喺需要明灯，而唔喺答案。身为砖家，喺应该为市场提供现实，以现实作为明灯，引导羊群去搵出属於自己嘅答案，而唔喺俾一个，都未知会唔会跑得出嚟嘅答案，就硬要羊群一窝蜂去跟。如果有人问我，依家应唔应该买楼，我唔会同佢讲埋哂啲，楼价会再升，所以入得过；或者楼价会跌，所以唔好买之类。

我会先问佢一句：你买嚟做乜？

结论就喺冇答案

所以，加辣之后，个楼价会点？政府又会唔会再做嘢？

今日，呢一系列「如果」，喺唔会有答案。但一定要讲啲嘢嘅话，我就不如反问大家一句，依家市场，因为嚟紧美国总统嘅大选，而失去咗方向；咁就算俾特朗普赢咗，美国果近廿万亿嘅国债，喺唔喺就可以一次过 WRITE OFF 先？

答案，可以唔同，但现实，就只得一个。