有网友话香港啲楼不嬲咁贵,呢点系立刻得到我嘅右脑认同嘅。不过亦有其他网友唔同意。於是我就拍心口整几幅图大家叹下。咁究竟一样嘢系唔系贵真系好难讲,因为每个人嘅价值观唔同。PP兄早年系度出过文,以香港银行体系入面嘅存款同楼价比较,用以显示香港当时嘅楼价唔系贵,如果大家有兴趣不妨搵返出嚟睇下。不过由於HKMA系2012年之后不断买入超过一千亿美元守护联系汇率,况且香港资金自由进出,而家再用呢个方法睇可能有问题。我又曾经试过用total residential market value/GDP嘅方法睇,但而家个副图仲未搵得返,等我搵返一定系度登。
今次我系度用咗RV同埋统计处嘅数据:未经物价调整嘅人均GDP,亦即系我哋平均每人搵几多钱、同埋用买楼嘅代替品—租金(RV嘅Type A/C/E Rental Index)嚟同楼价(RV嘅Type A/C/E Property Index)互相比并。
如果大家有其他好提议不妨系度提出,系可以搵到资料嘅情况下,我会系呢度照登。一如以往,先出图俾大家吹吓先。
《后加:大家小心大部份图都系用relative change嘅概念,我用房价指数/人均GDP,但数字无用绝对数字表达(即系个图无话俾你知要用几年入息至买到层楼)。我将呢个数字scale咗去一做起点。如果条线由一上到二即系话原本你要x年收入先可以买断层楼,而家要2x咁多年嘅收入。》
楼价指数/GDP
租务指数/GDP
楼价指数 /租务指数
GDP/租务指数楼市指数相对增长三合一 (log scale)
GDP/租务指数楼市指数相对增长三合一 (normal scale)
呢个系以前做落嘅CCL比恒指,但系基於死剩种谬误理论,我唔建议阁下用来做长时间嘅分析。