|
收租佬记趣 (十一) 唔买都要租
打工仔
2016年1月11日
根据统计处数字显示, 本港去年男女达适婚年龄但仍未「拉埋天窗」介乎三十至三十九岁仍未结婚的独男有十九万一千五百人;同一年龄层的适婚独女则有十六万六千三百人。
单睇这个数字,简单推测一下, 即使打个五折都有十几万个家庭嘅单位需求! 这里不讨论购买房屋之因素, 正是唔买都要租。
80,90后年青人或者计划结婚的人士, 如何选择一个理想的租盘呢?
这篇文章会同大家一起探讨一下选择优质租盘的方法, 要注意嘅事项等等。
有人会话租屋好简单, 有钱就得啦! 当然系, 只要有钱交租已经完成咗租客嘅责任!
但是否找一个较市值租金平的单位, 就系好盘笋盘呢?
你会问, 买楼就话讲笋盘, 乜租楼都有笋盘?
无错, 我想讲系出租单位嘅质素, 包括内部装修, 家居设备及管理等等。
其实单位质素与单位业主取态都好有关系, 有些收租业主在放租单位前,
会将间屋执翻靓仔先放租, 也有业主不会搞好就放租, 当然这类单位租金可能会平一点, 所以大家要留意呀!
作为租客, 如果见到靓仔嘅租盘, 就算要比多少少租金都系直得, 正所谓一分钱一分货! 试想想, 如果个业主重视出租单位嘅质素,
我相信承租后如有问题, 这类业主都会快速地处理的, 对吗?
当租约完结时,如果想继续租住, 原本单位续租是最好的选择, 如果单位没有问题, 就可以省回额外的佣金支出及搬屋所带来的烦脑!
只要留意以下几点因素, 就会租得安心, 住得开心!
1.不是租金平就好, 而是单位质素更重要。
2.单位内部保养及有否经过翻新。
3.承租单位所附带的设备。
4.楼宇管理质素, 例如: 清洁及保安。
5.是否容易联络单位业主。
区区都有好盘, 而好多时租客会选择就近家人的租盘, 一来方便照顾, 二来反正只是租楼, 地段未必最重要,
当然, 特意找好学校网的就例外!
一个有质素嘅租盘, 除咗住得舒适, 仲会有好多喜事! 小弟所出租嘅单位差不多都有过 BB 出世呀! 真系开心! 哈哈哈!
|
|
|
|
|
|
|
|
1. 无奈 2016-01-11 09:48:07
|
|
2. 无奈 2016-01-11 09:54:04
|
工仔兄好嘢,下次可讲埋地址,好多人会争住租喎。 不过话时话,原来未婚男女竟然是男多女少?
|
3. AH-HO 2016-01-11 10:52:05
|
|
4. 收租初哥 2016-01-11 11:39:27
|
向楼主及资深收租者请教: 本人自住一细单位搬出后,翻过新,企理,池海相辉,旺季市租时13k~13.5k。 因装修完之后(当时装修师傅话我傻,现况已经好好,为何仲花钱又不是自住。因我也曾租过楼住,明白业主那种爱理不理令租客很困扰的经验,所以将心比心,我都决定执执间楼才肯放租。) 去年第四季正值劈租潮开始,基本上,每台客睇过不知几钟意,但只肯付10k至11k仲有试过开9.8k,而我开12.5k~12.8k,便没有回音。 我认为,如租客只愿付出10k的租金便租住值10k的质素,终于掉空三个月,刚成功放租13k,是外藉人仕留港一年所以只签一年死约。租客肯出高价,他说其他的单位又残又旧。 纯金钱上看,我要自己供款三个可能更久,更本无著数。我都知,但我好唔想劣币驱逐良币,与人互劈,互相践踏。 而我的另一半话我其实感情用事,花钱装修已是败笔,重要讲什么什么理念,到头来要自行掏腰包供楼。我无言以对。 我的理念同楼主相同,但一开始已经撞板,如何调节面对一年后又要放租的心态。
请赐教。
|
5. 2011年开始 2016-01-11 12:13:23
|
|
6. 打工仔 Andy 2016-01-11 12:44:23
|
|
7. 打工仔 Andy 2016-01-11 12:47:04
|
AH HO
试过一个租左几个月有 BB, 满约后换过新租客, 住左几个月又有 BB! 哈哈哈!
|
8. 打工仔 Andy 2016-01-11 12:48:01
|
|
9. 打工仔 Andy 2016-01-11 12:48:43
|
收租初哥兄
百货百客乜人都有! 我觉得执靓仔间屋系有条件选择一个靓客的, 当然, 租值会跟当时市场放盘量 是否旺季有直接关系的, 在旺季时求过於供,乜屋都容易租出, 但按我经验, 如果自已 d 单位靓仔, 而长期保持自己既品牌质量, 地代会对你嘅单位会有信心, 又会落力推介, 出租自然会快!
|
10. 凝风 2016-01-11 12:50:18
|
To 收租初哥:
楼主讲得好好~
我觉得出租尼样野,我觉得租客系咩人,重要过俾多三两千问题。 千选万选,3个月空置,3个月租差额咪系返度(人地俾贵租,对你要求仲高左,其实无赚多左仲俾人有条件要求多多)。 装修也没分傻与唔傻,我2014年年尾都装修左先租,装修尼D野过得自己过得人,搞D基本野企理就租得啦(租得你细单位唔通贪你豪装咩,等同大排档食烛光晚餐)~
做收租佬租左屋出去,就要睇得开,到时10个月后睇当时情况再点合理定价,提早通知租客。 做收租佬,空置单位系大忌~ (唔系点解咁多业主劈租尽快租出防守)
|
11. 打工仔 Andy 2016-01-11 13:03:40
|
凝风兄
同意! 早日租出十分重要, 是否好客, 客观条件以外的,都系要睇彩数!
|
12. LYC 2016-01-11 14:55:13
|
应该尽早租出,唔需要豪装,保持正现金流,好快就会捱过低潮,雨过将会天晴。 我觉得租给本地人会稳阵啲。
|
13. 凝风 2016-01-11 15:09:36
|
认同打工兄都要讲彩数~
租俾外藉人士,仲讲明只租一年,咁代表出年要俾多次地代佣金搵过新客(又要搏多次彩数)。 当初唔好计较两千蚊,11K租左佢,唔空置、搏续租悭埋出年既佣。 好租客系要留~ 除笨有精啊~
|
14. middle middle class 2016-01-11 15:24:55
|
打工兄,好赞同你说的 " 如果个业主重视出租单位嘅质素, 我相信承租后如有问题, 这类业主都会快速地处理的 "。 我之前租了十年楼,有直接业主也有物业管理公司代管理的租盘,遇到的情况跟你说的基本吻合。
希望呢篇文可在网上大量分享!
|
15. 小师妹 2016-01-11 15:47:13
|
同意尽早租出好紧要, 但大前题是搵个好的租客,可勉日后很多麻烦 及纠纷。至於装修或家俬真是百货撞百客。
|
16. 打工仔 Andy 2016-01-11 16:37:32
|
LYC 兄
租比本地客的确好 d, 大多住得企理, 约满时翻油下就 OK 晒!
|
17. 打工仔 Andy 2016-01-11 16:40:03
|
|
18. 打工仔 Andy 2016-01-11 16:42:34
|
mmc 兄
啊 ! 原来你都做过租客, 你一定是个好租客了!
|
19. 打工仔 Andy 2016-01-11 16:45:06
|
|
20. 鱼蛋仔 2016-01-11 16:58:25
|
做人做事,最紧要过得自己过得人。凭良心,就最好。 我的出租屋也是旺丁旺财!住到买楼要搬,住到有BB,仲要打孖呀。我,梗替租客开心啦!
|
21. 打工仔 Andy 2016-01-11 17:24:50
|
鱼蛋姐
怪不得你个单位收回一个钟就租出啦, 原来旺丁又旺财嘅富贵屋! 恭喜恭喜!
|
22. 小师妹 2016-01-11 18:22:33
|
打工兄,
那当然,所以每次招租前都会全屋再油过及执下佢!
|
23. Jerry 2016-01-11 18:33:02
|
不知不觉,打工兄已出十一篇文章,恭喜恭喜!不知道你的收租单位是否也早已超出十一个呢?hehe
|
24. 鱼蛋仔 2016-01-11 18:49:06
|
楼上,代打工仔兄駡你:八卦!又计人身家。你自己讲你共有几多个先。嘻嘻!
|
25. Oscar Lam 2016-01-11 18:59:55
|
回23, Jerry,
打工仔兄N年前已经超过十一个啦!
|
26. Oscar Lam 2016-01-11 19:10:01
|
|
27. 收租初哥 2016-01-11 19:44:37
|
多谢楼主及各位高人回应及赐教。 想有个好租客又要避免空租期,确实有难度。 层楼算不上豪装,只想过得自己过得人。窗明几净,样样妥妥贴贴的交给租客。 可能我是初哥一名又没有相熟地代。感觉地代偏向租客讲说话。 这三个月,想租的租客,除了要平租,仲要hold我一个月时间,有些客更要求个几月,地代要我体谅租客,他们要一个月通知旧业主,又要给七天免租期,因这是行规;即是变相要10k租出。 我也不计较那1、2k, 便要求租客死约期间每次要给三至六个月租金;我只想避免遇到租霸。地代讲他们又不是内地学生,无租客肯。又话某某单位比我的单位好好多都是9.8k~10.5k租出。我已经好好彩,有租客肯出11k租。 就这样辗转之下,遇上这位外藉人仕,睇了不足十分钟便拍板,相约第二晚签临约。 快到我唔信,无要求减价及免租期,只是夹时间他由北京回港当天签正式合约及交锁匙。 因他唔再租酒店,又怕航机有延误,只要求我交锁匙的时间迁就他便可以。 我也把心一横,搏一搏;希望平安无事可以收足十二个月租金。
|
28. 打工仔 Andy 2016-01-11 20:45:14
|
鱼蛋姐, Oscar兄, Jerry兄
你地点知我嘅梦想架? 我真系发梦都谂住买买买! 不过小弟仲差好远有排都未到数喎! 哈哈哈!
|
29. 打工仔 Andy 2016-01-11 21:47:09
|
收租初哥兄
年尾会静 d 系正常, 尽量放晒比区内 AA 会好 d, 经验系累绩回来, 慢慢就会习惯! 加油!
做妥晒可控制的事情就 ok! 其他的, 顺其自然。
|
30. 引刀一快 2016-01-11 22:42:27
|
|
31. 打工仔 Andy 2016-01-11 22:50:21
|
|
32. 小师妹 2016-01-11 23:52:50
|
“做妥晒可控制的事情就 ok! 其他的, 顺其自然。“
非常同意也唯有可以这样!
|
33. 小师妹 2016-01-12 00:12:47
|
打工兄
我也试过做妥了一切但等了两三个月也租不出,都几焦急和无奈。但有时可以顺利到你唔信,真的只可以顺其自然,还要靠些运气!
|
34. 打工仔 Andy 2016-01-12 00:15:40
|
小师妹
我地只能做控制范围内的, 其他靠运气了! 收租佬要吃得开先得! 哈哈!
|
35. 打工仔 Andy 2016-01-12 00:34:30
|
|
36. 引刀一快 2016-01-12 07:01:51
|
打工仔兄
“收租佬要吃得开先得!”
吃得开定睇得开?定系两样都要?
|
37. 打工仔 Andy 2016-01-12 08:19:43
|
引刀兄
两样意思一样啦! 收租佬成旧钱放落去得3%回报, 真系要睇得开先得! 哈哈哈!
|
38. 占士 2016-01-12 10:33:10
|
打工仔兄,如果将您的文章整理一下可以出一本 “收租佬手册”可以让想加入收租佬行列的朋友参考!哈哈哈
|
39. 打工仔 Andy 2016-01-12 13:15:17
|
占士,
小弟果 d 只系口水文来! 出书? 我怕会笑死人呀! 哈哈哈!
|
40. 凝风 2016-01-12 15:37:03
|
打工兄都有3厘,算好啦~
尼个市,我新签租约,2.6%乍~
都无话睇唔得开~
|
41. 打工仔 Andy 2016-01-12 15:52:48
|
|
42. 鱼蛋仔 2016-01-12 17:10:25
|
To:40/F凝风兄, 得2.6%?是买贵了还是地区问题?好似低左D喎。
|
43. 凝风 2016-01-15 18:00:34
|
To 鱼蛋仔: 北区平货,我果时2012年入市220左右2房楼,睇个市会调整,想7月止赚一放左佢,点知一放盘个市就吹爆左。 近3个月北区租跌左30%,睇睇下唔想空置,计计现金流就签左租佢防守先啦。 计埋开支,"正苦"又唔免差响,管理费又加。 七除八扣得2.6%,无花无假...收租佬...叉饭都唔够食~
|
|
|
|
|