挛毛篇
我旧老细挛毛嚟香港个阵系我哋最趴街嘅日子,亦即系02-03年倒。公司畀佢嘅房津(可能系早几年定落)佢住咗上山顶。佢好有语言天份,识讲西欧各大国语言,一来到就问我地学普通话好定广东话好,咁我哋话俾佢听广东系好难学嘅而且好大局限性,要学一定去学普通话。自此公司就多咗好多欢乐时光啦。佢自称细个同班法国仔系泳池度玩咗一个暑假就学识法文。
过咗两年挛毛竟然话畀我听佢系soho果边买咗间楼,叫我搵人帮佢执一执然后租出去。我当时都擦哂佢鞋赞佢有头脑,系兰桂坊隔离买楼租比expat真系有谂头。之后佢有无加码就唔知啦。后来公司cut房津,佢系西贡再买多间屋自住,话系扎根亚洲咁讲。佢相信世界未来发展嘅中心会系亚洲同埋中国,所以一定留系呢个地区。其后我哋先后离开公司,有次系街到见返佢,佢仲话啱啱去完清华学中文。
不过我相信佢系西欧嘅高税率、高福利社会长大,发现大部份人唔系努力工作而系睇下点样系现有制度之下分到最多著数,长远落去应该无运行。相对嚟讲我哋个15巴仙税真系人间天堂。调转头我哋去到佢成长嘅地方,发现系呀阿茂都住间大屋,组band政府有津贴好可能话果度系天堂一样。
实情系万物保持一定距离最美丽。
重点声明:故事人物纯属虚构,如有雷同,实属巧合。