序
终於发觉上网吹水原来系会上瘾嘅。唔上来『讨论』尤自可,眼见人地系度开坛咁开心,唔俾我发表下就周身唔聚财。但睇下人哋牌面已经系铺王/(收)租霸,我点充都至多系豪华限量版独木舟。系无得片嘅客观因素底下唯有写下人生旅途入便幻想过几个系物业取向方面比较凸出嘅人物。而家暂时谂到下列几个:
女神篇
六戒篇
挛毛篇
大、中、细Trader篇
收租(外)婆篇
重点声明:故事人物纯属虚构,如有雷同,实属巧合。
女神篇
女神有几个特质,而最特嘅就系右脑强悍无匹。算数字无特别,但算人心就非常深入独到,永远会用用佢独有嘅感知、触觉对你作出全方位『估算』。点讲呢,如果佢识得你、同你交过吓手,你同佢show hand系好难赢佢。咁加埋我呢个主要用左脑嘅就真系天衣无缝啦。
虽然系用右脑,但相对於其他女性,女神多咗七分理性,少咗五分感性。对身边大部份事物都有独立见解,好少(但唔系冇)受到其他人嘅行为所影响。再加上逆向思维嘅我用埋彩数,好幸运咁避开过去系金融市场上嘅几场大劫。
女神嘅原则性极强,其中一条天条就系『必有一楼』。话之你泡沫又好,冧山地震海啸都好,沽咗层自住楼系无商量嘅。咁小弟只可以系呢个大前题底下操作勒。不过咁,除咗啲hedge funds可以long and short,普通基金经理都只可以long the market而唔同基金嘅表现系可以大相迳庭嘅。喺三D政策出现之前,响客观因素许可之下你系完全可以系只揸一层楼而仍然ride the market according to your view。比方如果你对后市有信心,你系可以两人住半山/山顶一千到千五尺(即系拥有比你想拥有嘅终极理想单位更高一层次或者系相对最接近嘅单位)即系overweight;相反就可以搬落山脚/细啲/旧啲嘅单位即系underweight。
女神亦断舍离流派港区开山大弟子,同我呢个草根环保男就矛盾重重啦。其一系对於草根嚟讲,呢个世界上系无废物嘅,抛弃啲有用嘅嘢叫做折堕,同埋真系冇呢个习惯。其二系我其中一个师傅教落拧螺丝用螺丝批白痴都识,你嘅价值在於系冇螺丝鈚嘅情况底下搞掂粒螺丝。咁就搞到系我心目中好多垃圾仲有九十七种用途。嚡,你话点收科。
睇番转头女神同我都系个只做大件事之前谂通谂透,永远只系承受calculated risk。唯一例外好似只系完全相信对方,当然包括钱,所以要达到目标嘅难度只系人地既一半。但就真系高风险行为。奉劝大家想学之前一定要对自身与另一半有充分了解。
后面几篇其实已经写好,睇下大家有兴趣睇边一篇先。