小弟嘅收租生涯中,曾经遇过一组神奇租客, 差点比佢地吓死!
大家可以估估发生什麽事? 租霸?
虽然依家流行用数目字软件放盘揾租客, 但小弟始终喜欢揾中介帮手, 当然,除左比较相熟嘅中介之外, 我都会尽量放晒区内地产, 因为人家都要揾食, 每间都放盘做法最公平!
话説回头, 於是按惯例找中介帮手放租单位, 放盘三几日已有个做生意嘅女士加埋个读紧中学嘅仔想租, 佢自称狮城回流, 仲要来回两地做生意, 日常只有佢自已同个仔二人同住, 心谂都可以接受, 签约完成可以收工。
起初嘅两个月都一切正常, 除左准时交租又无乜麻烦野, 点知!
到左第三个月交租日子, 收到银行电话话弹票! 因为我嘅习惯系签约时收上期租外,我会同时要求收取首年嘅11张期票, 点解收期票唔用自动转账?
我会在另一篇文章跟大家研究。
弹票后, 我就用电话联络个租客话比佢知, 点知, 接听电话系一位男士, 老人家果种, 心想有点不妙! 我就继续话佢知弹票单野, 佢话佢乜都唔知, 你有问题你等佢返来先算, 仲话要几个月后先返!!
我问果位老人家, 你系边位? 佢回答话系租客嘅朋友, 仲话住埋系我个单位入面 !
我心沉一沉! 心想, 今次大济! 租霸? 全中了! 弹票一事追无可追, 过左几日, 我再打电话揾佢无人听, 於是上单位睇睇情况?
神奇嘅事来了! 上到单位门外, 发现屋内应该有人, 打电话入屋无人听! 拍门无人应! 十足做戏一样, 无办法之下唯有收队离场, 我真系想不通原因, 我打定输数今次有排搞了!
最后, 租客来电找我, 话佢自己出外工干时, 会有个老人家来帮手照顾个仔, 弹票系因为唔记得转数, 唔系欠租! 原来果日租客个仔系屋内, 但系不敢开门又不听电话, 所以引起今次误会!
所以话, 买楼收租真系要想清楚, 收果少少租, 又怕租唔出, 租得出又怕遇租霸, 又怕比人用残间屋, 真系不外人道! 哈哈哈!