Ronald 加汤博士发功,呢个专栏,五日之内,就出咗十四篇文章,坦白讲,真喺睇到有啲吃力。为咗唔想频密对 MON,我睇地产网,一向都喺一次过睇,一次过覆。所以好抱歉,我唔可以每篇都回应,就索性出篇文章,一次过回覆大家,希望呢篇炒埋一碟,唔会令 Ronald 觉得我交行货啦!
见到
新抱仔,分享咗自己嘅上一代,如何
刻苦储蓄,成就买楼收租呢个目标,从而带出
资产嘅保值’;另一方面,
打工仔嘅收租生涯,就由
2009 年搵笋盘开始,跟住边做边学,及体会到收租嘅
地区特性。两者虽然时空有别,但有一个共通点,就喺成为收租佬,一定要好刻苦,同埋对物业呢样嘢,要好用心。
同打工仔一样,我买楼收租,都喺
由自己住果区开始,而选择物业方面,亦喺钟意大型屋苑,同埋发展中嘅地区,例如未有铁路,但预期会有果啲。不过打工仔讲到,
村屋呢味嘢,我就唔敢掂啦!所以,逢几退几,对我而言,唔太啱用,皆因冇乜劣质,或过时嘅物业可以退。
关於商用物业,我喺冇乜经验,好高兴见到
Oscar 分享民生铺投资,同
占士分享办公室投资。商用物业嘅投资,响选择物业、租客,以及买卖、放租细节等各方面,同住宅物业好唔同。呢度一向缺乏有关商用物业投资嘅文章,期待两位多作分享!
至於最震撼呢,莫过於
丽娜果篇「趁你病,攞你命」租霸文章啦!我嘅收租生涯,经历过旺季,亦经历过金融风暴、沙士嘅淡季。其实,做业主,只要唔好攞到咁尽,最终都会遇到长期租客。如果下下揸到人尽,一过死约就加租,续租又加贴市价,要维修就诸多推搪,结果梗喺成日换租客,咁遇到租霸嘅机会,自然就比较高罗!
做收租佬,当然会有遇到租霸嘅风险。坦白讲,收租已经喺最简单嘅生意,每个物业对一个客,又唔喺要日日对住。做生意,每日都要涉及雇佣、供应商、客户关系,找数、放数、收数之类,咪仲麻烦?不过,好多收租佬,都唔喺做开生意,未必个个都善於处理呢啲问题,有遇过租霸嘅朋友,不妨分享一下经验,大家得益。
其实,好多收租佬,为嘅都只喺退休,唔喺要赚乜嘢大钱。所以,
历史长河所言,当然唔喺乱话。只喺呢类物业投资者,未必会好似其他投资者咁,走去算尽自己究竟有几多回报,究竟有冇蚀价,总之,有稳定租金收入就得。至於将物业视之为投资工具,去同其他金融产品比较,就要等长河兄进一步嘅剖析。不过,我都喺比较有兴趣,长河兄响澳洲投资嘅体验,希望迟下见到相关嘅分享文章啦!
至於,令我最感动嘅,就喺
Jerry 果篇。我自己,同埋好多自己认识嘅收租佬,都喺出身贫穷家庭,未上车之前,个个都觉得买楼喺 MISSION IMPOSSIBLE。路,始终喺由人行出嚟,
起跑线唔喺决定一切。原来,我地努力嘅成果,往往喺出人意表,往往同自己之前嘅预计唔同。家阵有啲年青人,未做,就话唔得;未试,就话冇可能;未有既定嘅条件、支援,就判定失败,唔想费力。所以今日,新一代最要学习嘅,就正正喺,一个不问收获而付出嘅态度。
讲到,最期待呢,应该就喺
引刀嘅文章,因为我真喺想睇下,引刀唔斗咀果阵,正经写文嘅模样。果然冇令我失望,带嚟嘅,喺另一个惊喜。
往内地升学,对好多香港人嚟讲,喺难得嘅决定,亦喺难得嘅体验。有啲人,对内地存有误解、偏见,而我响好多年前,就已经感受到,内地人比港人优越之处。记得九几年打工果阵,我身处嘅企业,响内地有设厂,而果边对内地人嘅入职要求,喺要识讲广东话,所以当时我地上大陆工作,唔使识国语。但我上到厂呢,都喺同佢地讲国语。有人觉得奇怪,咁方便,点解唔讲广东话?我话,番到内地,梗喺要讲国语啦!呢个喺对内地人嘅尊重,亦同时喺对自己、对大家,身为中国人嘅尊重。
当年,见到内地人嘅纯朴、努力,佢地嘅学识丰富,只欠视野。依家,人地一日千里,我地香港就停滞不前,甚至倒退。西化,为香港人带嚟国际视野,但同时,亦令到香港人,失去咗中国人最优秀嘅特质。果种对己、对人嘅谦诚,国家、民族嘅观念,引申到对家庭嘅认同、血脉承传嘅重视,响香港嘅新一代度,已经好少见。记得有人问过我,升学番内地好啲,定喺去台湾好啲,我话,唔使谂,一定喺内地啦!
讲番香港,
Alan 喺一个生意人,经营高消费行业,对近期本地嘅经营环境,当然有贴身体验。而我自己,亦曾经经营科技产品设计、生产,2000 年创业,2009 年结业,当中经历经济嘅好坏,行业嘅盛衰。
Alan 话见势色唔对,停止入货,避过一劫;我嘅行业呢,产品喺 DESIGN-IN,又要放数,风险几大,可想而知,而我亦试过见势色唔对,
刹停一个海外大客。生意人,就喺要有呢种触觉。
其实,今日嘅环境,同我当时比较,真喺小巫见大巫。我面对过沙士,亦面对过行业嘅衰落,喺因为行业整体,已经冇得做,所以我必须结业。其实香港,有好多机会,只要你嘅行业,唔喺夕阳,所谓寒冬,只喺过程。最紧要,就喺能屈能伸,做人一样,做生意一样。有啲嘢,风光不再,就要面对现实,唔好强求。就好似零售、旅游,受惠自由行多年,依家只喺回归正常,讲真,都仲喺比正常好嘅,喺唔喺?
本地消费,依然强劲,香港人,仲喺好舍得洗钱,只不过,家阵嘅利润,已经大不如前罗!
我认识嘅生意人当中,有两位经营高价旧品,收旧嘢,卖俾内地人,利润颇高。其中一位,之前搬咗去租较旺嘅铺位,依家生意冇咁好,又搬番转头。其实,卖旧嘢,本来就唔应该租咁贵嘅铺啦!另外一位,最近关门大吉,转营网上卖,家阵喺咁衬平入货,储定将来再出击。总之,都喺果句,只要你嘅行业,唔喺夕阳,点会冇得做。
至於商铺投资者,坦白讲,呢十几年零售业嘅增长,
几乎俾佢地食哂。今日嘅环境,就算赚少啲,减下租,围起上嚟都已经赚突。就睇
汤博士,同攞到米芝莲嘅小店续租,租金都冇加;
另一位业主,就大幅加租 120%,搞到人地要搬。真喺唔知,呢位业主,想租俾边个?金铺?银行?都喺果句,做业主,唔好攞到咁尽。
经济放缓,喺全球性,
新常态嘅果,香港亦唔可以独善其身,但已经好过唔少地方。依家又唔喺冇路好行,有乜咁衰?我早前话,
有人响度咒人 PK,绝对唔喺针对睇淡嘅朋友。你睇淡,当然冇问题,但千祈唔好「望淡」,呢样好重要。我见到有言论,讲到要人地上 ICC 跳楼、打杷,又话惊死中央出招救港之类,呢啲就喺「望淡」。经济唔好,好多人会受到伤害,所以,希望经济唔好,同咒人 PK 冇分别。就算冇出过「望淡」言论,但对啲咁嘅言论鼓掌,一样属「望淡」,一样唔要得。
正能量,真喺非常重要!
当一个人,回望自己嘅过去,再重新一次,面对自己嘅过去,为之作出人生嘅总结,喺至真,亦喺至诚。呢十四篇文章,就喺至真、至诚嘅演译。自「
序」以来,今日,终於功成,所以,我会将「
序嘅承诺」解封。但喺,另一方面,有各位嘅参与,我终於可以退后一线,减少出文嘅压力,因为我双眼,真喺承受唔住。
今晚,送一曲俾大家,名为「抉择」,喺火影忍者,
第 469 集,鸣门父母抉择嘅配曲,亦喺我最喜欢嘅火影配曲。
希望我呢篇长嘢,俾到大家鼓励,继续以至真、至诚出文,发挥正能量。
而正确嘅方向,善意嘅心,就喺果一股正能量!
火影忍者:抉择