近期香港樓價沖天，天價當道，連港島區西環車位都賣到518萬港幣一個，筆者是愛車之人，明白車主心態，需求主導自用當然冇問題，扺唔抵買見人見智，不過站在投資角度就一定唔抵買，一個車位收租金最多7-8千元一個月的月租，仲要包括管理費及差餉地租，回報率可以不用多説，分享一下這個車位的建築成本，一個香港車位標準呎數是寛2.5米x長5米約140平方呎，這個特大車位面積188平方呎，實用面積呎價達$27，553-如果以2016年長實李嘉誠先生告訴我們目前香港住宅建築成本是約$4000多元一呎，（包括鋼筋水泥裝修㓗具基本電器等）而政府告訴我們公營房屋每平方呎建造價約$1000多港元。以上車位是純地皮價就要2萬7千元，筆者用世界各地城市房地產市場角度來看，這個車位呎價非常貴，車位的建築成本平過起住宅多多聲，港幣$500幾萬在日本東京可以買成幢建築物（小全憧）。
以上車位是否溢價大家心中有數，香港樓市熱情高漲，等筆者同大家潑下冷水分享一下近年名牌大藍籌發展商的十大中伏蝕讓盤，97年前的樓市名句回到家鄕價再次出現，以下排名不分先後
1）大埔比華利山-恆基
2）上水天巒-新地
3）大圍名家匯-恆基
4）大圍名城-長實
5）何文田半山壹號-長實&南豐
6）上水歌賦嶺-中國海外
7）大角咀瓏璽-新地
8）尖沙咀名鑄-新世界
9）土瓜灣昇御門-新地
10）將軍澳首都一期（日出康城）-長實
以上樓盤全部藍籌發展商，簡單同大家逐一介紹下。
大埔比華利山，可能係全港最出名的風水大師都推薦過值得買而輸得最甘嘅樓盤。上水天巒當年話近深圳所以
賣得貴，筆者每次開車去都會行錯路的地方，大圍名家匯及名城麻煩大家上網看，何文田半山壹號蝕親過百萬，當年電台節目主持人曾智華日日都含沙射影話呢個盤賣得超貴，上水歌賦嶺賣得貴又係近大陸，大角咀瓏璽，盤如其名燶晒，尖沙咀名鑄出哂名蝕入肉，土瓜灣昇御門出名貴，市區盤見到但係好難去到既樓盤，將軍澳日出康城首都一期，呢個盤守左好耐，終於日出近期回到家鄕價，以上十大中伏盤加上來都唔及呢個勁蝕。
最後加多個蝕本盤王，3年蝕8成的商場舖前身百樂門酒樓的尖沙咀「首都廣埸」呢個盤堪稱炒家墳場（買得舖100%投資者）呢個盤賣嗰個高手，買嗰個失手尖沙咀首都廣場呢個盤做左反面教材，一提到劏場，就想到係即刻比人劏。
以上內容是筆者個人虛構，如有得罪各大發展商請多多包涵，查詢www.c21-tokyo.com
App下載
