地產博客 > 中華視野 返回
瀏覽人次:9339    回應:0
中華視野

日本政府放寬民宿合法化

楊官華

香港專業地産顧問商會-副會長
世紀21(日本)中華物業-創辦人
40萬東京做業主日本置業全攻略作者
2015年11月23日

  日本經濟新聞11月22日報導,基於日本遊客急增,酒店房間供不應求,政府放鬆對民宿規範,准許可以低調合法化及隻眼開隻眼閉市民自由經營民宿,其實民宿B & B在世界各地都存在,但開宗名義打正旗號住宅單位變做生意搞民宿合法化就真係好少,成個亞洲台灣算是做民宿比較早及普遍(墾丁及九份),而東京係近幾年先興起來,特別係中國人偷步做起先,因為近年匯價下跌真係吸引許多遊客訂房加上每年有近15000名中國留學生到日本留學,學生宿舍同民宿自然大行其道,全因供應與需求關係,近幾年新買入東京住宅改裝做民宿的業主以長期居住在東京的中國人較多數,因為方便打理,及當地中國人了解日本人文化,好多時候決定買樓前,要做功夫,巡街看樓睇貨邊度適合做民宿,都要親力親為,正所謂唔辛苦邊得世間財,見過有香港行家一聽到做民宿,好似即刻發咗達咁,貪平點個客去買左木造一戶建細全幢,近成田機場那邊,貪近個機場易出租,結果梗係中伏,又冇人租,仲發現有白蟻,真係血本冇歸。大家引以為鑑!

  目前日本法例仲未正式通過民宿合法化(請大家留意),祗係政府有高度包容量,當然收到躁音投訴,政府會一樣執法,最怕梗係發生事故(兇宅)雖然機會極細,但係發生火警或水浸一樣好麻煩,一定要自己住在附近居住或者有可以信賴的親戚朋友幫手打理先做得過,當然放寛民宿對包租公係好消息!民宿租金一般高過正常住宅租金一到三倍,視乎每月能夠出租日數,入住率高,回報自然高,但民宿的位置是非常重要,最好有電梯,冇電梯更加唔可以層數高,住客拿行李上樓梯會不便。筆者建議有興趣的讀者朋友們投資搞民宿生意要自己評估風險,及記得記得加裝滅火筒,煙霧感應器及逃生裝備!以策安全!查詢www.c21-Tokyo.com

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼