主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 9522    回應 : 3
中華視野
炒家與投資者
楊官華
世紀21中華物業有限公司董事
香港專業地產顧問商會副會長
大中華(東京)房地產顧問
2015年10月16日

  近兩個月香港物業買賣成交量低過2008年金融海嘯,更加少過2003年沙士,全因為香港樓價接近是世界最貴,加上政策主導樓市,政府推出多種辣招希望樓價軟着陸,目前香港置業係用家主道市場,炒家消失,衹有極小量中長線物業投資者買樓收租,或許可以說政府迫炒家從良,置業係物業投資者傳統致富之道,而炒家在社會係唔受歡迎!什麼可以定性為投資者(對社會有貢獻促進經濟繁榮)什麼是炒家呢?(短期持有多個單位作炒賣兼買賣頻繁)這就是炒家!

  筆者作為老餅經紀可以回顧一下以前香港炒家(住宅類型)標準行為模式有以下特徵。
1) 用樓價5-10%現金流,或以最底首期落訂,簡稱半成或一成睇到尾
2) 成交期最好超過三個月至半年,當然越長越好,筆者曾經促成二手買賣交易足有一年成交期都試過
3) 用有限公司(shell co)持有 (落名)
4) 交吉盤,最好有鎖匙
5) 低於市場價格,最理想有5-10%水位
6) 不用睇樓,可以馬上落訂簽合約

  符合4個要求以上或更多,經紀就知道遇上炒家客人,經紀對炒家又愛又恨,愛係可以快速促成交易,恨係炒家認貨唔認人,那位經紀有筍野就搵那位,爭分奪秒,炒家可以短暫擁有一個物業(仲未上會),但必須在完成交易前成功出售,若樓價上升15-20%扣除成本約5%可以賺約成半至兩成,俗稱一賠二賺到個開,炒家連環掃入幾個單位,但有一兩個賣唔出,焗住要撻訂,也可以稱為對本對利,萬一平手價格也賣唔出,而炒家沒有能力上會(銀行按揭)就是面對業主殺訂賠佣後果血本無歸,要承擔風險,如果炒家有實力拿到首期兼上到會,那便是短炒變長揸,以前d人話炒家大忌也。有時重搥出擊,必受打擊。就如當年摸王大量掃東涌私樓,遇正個市唔啱timing,幾拾件貨撻訂損失慘重!但是如果由2003年一直買物業到去年,真正係炒家或物業投資者的快樂時光,近幾年政府辣招造就炒家鎖定利潤,政府令到炒家變成資深投資者!但係今時唔同往日,目前物業市場勢必轉角,相信未來半年用家審慎觀望,而業主持貨力特強,二手成交量肯定嚴重萎縮,而發展商一手要平過二手兼提供埋二按才賣得到,成交量下跌除左經紀行冇生意外,銀行貸款業務,律師行的樓按部門及裝修傢俬電器,生意也會嚴重受到影響。想打破香港樓股困局,為資金尋找出路?筆者介紹各位資深投資者們去聽下由明報主辦財經沙龍10月17日本星期六下午2:30於九龍尖沙咀香格里拉粉嶺廳舉行藏富於外,水向底流講座。

  查詢email:c21@hotmail.com.hk

 
我要回應
我的稱呼
回應 / 意見
驗証文字
 
1. 打工仔 Andy 2015-10-16 23:15:54
楊官兄

祝你馬到功成! 
2. 楊官 2015-10-18 13:50:55
非常感謝!
3. CD ROM 2015-10-19 17:07:29
炒家呢份工, 舊人個個上晒岸, 新人又因"發牌制"入唔到行, 都開始被社會淘汰喇..............RIP...................