主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 15675    回應 : 116
精英文集
美洲之旅
曾俊華
財政司司長
2015年10月12日
執筆之時,我正在秘魯首都利馬,以中國代表團成員身份出席國際貨幣基金組織和世界銀行一年一度的年會。今次南、北美洲之旅也接近尾聲。

每次到海外訪問,我都會爭取機會與各國政府的對口單位接觸,跟當地的商界領袖見面,了解當地經濟情況之餘,也向他們介紹香港的最新發展。今次訪問也不例外,同事為我在紐約和華盛頓準備了非常「豐富」的行程,我先後拜訪了美國財政部部長傑克盧(Jacob Lew, Secretary of the Treasury)、白宮經濟顧問委員會主席弗曼(Jason Furman, Chairman of the Council of Economic Advisors)、商務部副部長Stefan Selig、紐約聯邦儲備銀行主席William Dudley、紐約證券交易所總裁Thomas Farley、聯合國副秘書長吳紅波,和我國駐紐約總領事章啟月。期間,我亦拜訪了亞洲協會(Asia Society)和傳統基金會(Heritage Foundation),參觀了紐約生物科技研究基地New York Genome Centre和華盛頓的海濱項目National Harbour。我在秘魯亦和國際貨幣基金組織的多位高層會面。十多天的美洲行程,會議、午餐會和晚宴安排得密密麻麻,絕對是對體力的挑戰。

今次行程的第一個「節目」,就是接受彭博早晨直播節目訪問。訪問當天,談判了近五年半的「跨太平洋戰略經濟夥伴關係協定」(Trans-Pacific Strategic Economic Partnership Agreement,簡稱TPP)終於達成了基本協議,主持人當然亦就此向我提問,而在後來的行程中,TPP亦成為了其中一個熱門議題。

香港的朋友過去或許較少留意TPP。簡單而言,它是涵蓋12個國家(包括美國、加拿大、墨西哥、日本、越南、汶萊、馬來西亞、新加坡、澳洲、紐西蘭、秘魯和智利)的自由貿易協議。12個締約成員佔全球GDP超過三成。相對於傳統貿易協定,TPP的覆蓋面較廣泛,除了有關貨物貿易關稅的協定,它還涵蓋服務、投資、電子商貿、知識產權、勞工保障和環境保護等多個範疇。

自由貿易協定有助促進貿易,從而發揮締約成員的經濟增長潛力。隨着締約成員的經濟增強,也會拉動其進口需求,繼而對締約成員以外的其他經濟體的貿易產生一些正面作用。 因此長久以來,香港都是自由貿易的忠實支持者,我們歡迎任何能夠便利國際貿易的協定,亦積極推動和各地簽訂相關協議。例如我們現正與東盟商討落實自由貿易協議,也剛宣布啟動和澳門磋商簽訂“港澳CEPA”。

我留意到坊間不少評論,提到TPP的其中一個目的是圍堵中國,亦關注到TPP會否對香港造成負面影響。事實上,基於環球產業鏈發達,現時絕大部分的商品均由多處不同地方合製,工序分佈在世界各地,因此各地的經貿往來變得前所未有地緊密。在12個TPP的締約成員中,中國是當中多國的最主要貿易伙伴。 TPP作為一項自由貿易協議,如果將個別國家或地方排除在外,實在是與協定的宗旨背道而馳,也會令這個多邊貿易協定難以真正發揮作用。正如外交部早前指出,國家對促進亞太區一體化區域貿易安排持開放態度,希望TPP與亞太地區其他自由貿易安排相互促進,共同積極推動亞太自貿區的進展。這點我是非常同意的。 香港作為全球最開放的自由經濟體,當然亦不希望原意是推動貿易的自由貿易協議,反而變成了另一種貿易壁壘。

不過,我認為距離TPP真正落實尚有漫漫長路。首先,長達三十多章的協議文本尚未公開,當中許多細節仍不清楚。而幾乎可以肯定的是,它的框架會相當複雜,各國議會相信需要一定時間審議,才能夠讓它正式落實。美國國會本身的審議程序尤其複雜冗長。在過去一星期,美國民主、共和兩黨和其他相關團體例如工會,就TPP已展開了非常激烈的爭論。令人意外的是,幾位有意參選明年總統大選的民主黨人都不支持TPP, 包括在任國務卿時曾大力推動TPP的希拉莉,都跟奧巴馬總統唱反調。可見在明年11月美國總統大選之前,錯綜複雜的政治考慮和經濟利益,都會令到TPP極難在短時間內順利在美國國會通過。基於美國是TPP的最大持份者,美國國內的政治局勢難以避免會拖慢TPP最終的落實時間。

誠然,面對環球的激烈競爭,香港必須要繼續提升自身實力。政府未來會繼續與商界合作,共同努力開拓新市場,推動各個支柱產業朝高增值發展,同時致力拓展新產業,我相信香港仍然有能力維持我們的領先優勢。

大家看到這篇網誌之時,我應該剛和美國聯儲局主席耶倫在利馬會面。我當然會把握機會,向耶倫詢問美國的加息步伐,但我知道她一定不會告訴我心目中想知道的答案。情況有點像記者朋友不時問我何時會調整針對樓市的措施,而我這麼多年來都只能引用「標準答案」,否則一旦我改了口風,隨時會被市場過份解讀,甚至造成不必要的震盪,所以即使會令記者朋友失望,我亦只能做個「人肉錄音機」,重覆標準答案。

http://www.fso.gov.hk/chi/blog/blog111015.htm
 
我要回應
我的稱呼
回應 / 意見
驗証文字
 
1. 引刀一快 2015-10-12 18:47:08

唔知大家睇完呢篇文章,又會有咩解讀呢?

2. 引刀一快 2015-10-12 18:55:40
有時D嘢就係攞嚟嚇人,醉翁之意,整個TPP出嚟,又送個諾貝爾俾你,有那麽一點敬酒罰酒的味道。
3. 向饭民说不 2015-10-12 21:39:44

真系好难明白,点解有好多人甘喜欢做西奴。今日刚刚去汇了3千加元出去,手续费估计4,5百元,当然网上汇可能平d,但是估计最少都要300吧。

但是如果系香港银联拿人民币话,分两次拿,只需要30元。

西奴,其实知吾知道乜叫食水深。TPP的目的其实就是要维持美国佬的食水深。所以全世界都话根本就是剥削。

5. 引刀一快 2015-10-13 07:39:55

向飯,你係西奴?我以為你係九龍皇帝咋,乜你咁多身份嘅?

3000蚊係咪發放糧餉俾你嘅卿家呀?佢地有冇透過webcam同你講謝主隆恩呀?

PayPal唔得咩?

6. 望東樓 2015-10-13 08:26:48
我相信祖國D智囊。
7. 引刀一快 2015-10-13 09:03:24

PN兄

美國嘅內鬥,會以國家利益爲前提,祖國就好唔同。

8. 望東樓 2015-10-13 09:28:39
引刀兄,

今次我就不敢茍同,皆因天下烏鴉也。見到克嫂D電郵俾人插咗幾年。上星期麥加其個告密電郵個IP address好似來自國家安全部等等。當然人地做得果層次D,祖國就赤裸裸D。本質無分別。
9. 引刀一快 2015-10-13 09:55:44

PN兄

人家鬥法係針對性互插,知道眾怒難犯會避免殃及池魚,但祖國鬥法會隔山打牛,連座山冧埋都在所不惜,蓋因山上居民冇發言權也。

10. 中國人 2015-10-13 10:05:43

樓上唔知你每日在大陸過怎樣的生活才使你如此憎恨中國,但是可惜你中國人。

所以無論你點向外國搖尾,點踩自己祖國,你都是個中國人!想改變,下輩子吧!

 

11. 望東樓 2015-10-13 10:10:14
呀。大局為重嘛,犧牲小我。。。不過現今資訊過分發達,呢條橋日漸難用啦。而家有乜事{又或者跟本無事}就幾百人圍你。
12. 引刀一快 2015-10-13 10:18:53
祖國嘅人,好多都係以自己爲大局,呢個病根都唔知幾時先會醫好。
13. 珍惜香港 2015-10-13 22:30:44
珍惜香港

今朝响真正嘅第十個人果邊吹水,提到財爺曾。原來地產網,咁啱又 POST 咗財爺嘅網誌响度,既然喺咁,就將我今朝篇嘢,抄番過嚟啦!

話說前日,財爺曾同耶倫會面,大家千祈唔好睇少呢場會面,耶倫嘅影響力,仲大過奧巴馬。今次耶倫咁俾面,無他嘅!正如我問,依家世界上,仲有邊隻 GDP 增長,得番兩三巴仙嘅成熟經濟體,冇欠人債,仲有盈餘?

揹住十八多萬億巨債嘅大國,聯儲局嘅主席,梗喺要會一會財爺曾,參考一下我地嘅理財哲學,順便睇下呢件未開發嘅肥豬肉,可以渣到啲乜啦。不過呢,我又唔太擔心噃,幾強悍嘅大鱷,遇正呢個,深不可測嘅太極高手,喺灑唔出乜花樣嘅!未見面,就率先响網誌出招,話會問耶倫個加息 SCHEDULE,仲睇死埋佢,會好似自己講樓市咁,開動人肉錄音機喎!吓?自踩式寸爆耶倫之餘,仲一次過咁,就自己以往,對樓市嘅所有評論,同大家交代一句:唔使咁認真嘅!

哈哈哈!財爺呢個人,真喺好得,不枉我封佢為,真正嘅大師

有人話,財爺成日估錯數;我就話呢,估錯數,先喺正常!俾你估中 CCL 又點?林一鳴估中恆指,咪一樣俾我寸佢,背後理據唔相稱?估數咁叻,不如估下,嚟緊六合彩開乜?如果你只喺就著,以往嘅數字模式,拷貝式咁,推算將來嘅數字,而唔喺真正去了解,推動數字嘅背後宏觀因素,咁你只不過,喺以果推果。

真正嘅大師,喺以因推果,唔喺以果推果。

我曾經指出,真正嘅大師,有兩個重要元素。咁究竟真正嘅大師,話唔話到俾我地知,幾時幾日,個 CCL 喺乜?個恆指喺乜?個頂响邊?個底又响邊?幾時入貨?幾時至沽貨?

真正嘅大師,喺俾唔到你,一個數字,或者一個決定;佢俾到你嘅,喺一個方向。

香港,需要嘅喺,一個正確嘅發展方向

幾個月前,响亞投行協定簽署儀式裡面,習近平同財爺曾握手,結果引起各方猜測,財爺會唔會選特首?如果佢真喺參選嘅話,我一定撐佢。

講番,真正嘅第十個人。有朋友話,美國加唔加息,根本唔重要,就算加,都唔會加得多。所以佢地認為,我搞埋啲咁嘅競猜,好無聊,加息呢個議題,根本冇需要討論。我雖然提出咗新常態,亦同樣認為,美國响短期之內,唔會加息,就算加,都唔加得多,但我仍然非常重視,美國加唔加息,同埋幾時會加。

點解?

因為,幾叻嘅人,都只喺一隻井底蛙,大家嘅分別,只在於個井口幾大,同指向天嘅邊一部份。
14. 歷史長河 2015-10-14 22:05:26
珍港兄給出大師的兩個條件:

1. 一切塵世間嘅是是非非都喺唔關佢事,就好似一個不食人間煙火嘅高人咁。
2. 擁有感應宏觀裡面決定性因素嘅觸覺,以判定今日同未來一啲重要嘅事實。

第一條講的是性格,為人處事的風格,第二條是講對未來之預知。

第一條係否必要就見仁見智,第二條完全正確。

史記有這樣幾句話:

功者難成而易敗,時者難得而易失。明者遠見于未萌,智者避危于無形。

15. Sugar 2015-10-14 22:50:58

"明者遠見于未萌"尚可;

"智者避危于無形"難矣!

是禍終究避不過.

16. 歷史長河 2015-10-14 22:56:59
趙兄,也有可能你無意中做咗智者!You never know!
17. Sugar 2015-10-14 23:04:28

可能我悲觀...智者千慮,必有一失!



18. 元朗人 2015-10-15 06:54:13
8/f PN 兄

如閣下部电脑中trojan, 壞蛋可由你部机送出电郵呢,咁個lP也是你的地址了。請想想更多于可能性吧。
19. 歷史長河 2015-10-15 08:18:16
「未萌」也好,「無形」也好,亦即珍惜兄第二條中所講之觸覺。當然啦,萬事皆有意外,此乃不可抗拒之力也!
20. Sugar 2015-10-15 09:19:17

元朗人前輩:

早上好!很高興見到您.

您家在元朗嗎?我經常去合益那邊買菜^^


21. Sugar 2015-10-15 09:33:14

長河兄:

看得很透徹!

想不到你也看"史記",真不簡單,賺$不忘修身!


22. 自我陶醉 2015-10-15 16:55:35
長河兄,

功者難成而易敗,時者難得而易失。如果小弟冇理解錯,意思係把握時機,捨難取易,同你高位都唔怕入市捱價,逆水行舟,有錢就買,唔洗等低位嘅時機嘅投資策略,好似完全相反喎!  莫非你想暗示自己既非明者,亦非智者?  仲要拖埋珍兄落水。
23. 大寶二寶 2015-10-15 17:42:07
24. Oscar Lam 2015-10-15 17:51:17
自醉兄、大宝兄,

投資市場,百鳥在林,不如一鳥在手。

小弟的策略是先抓住最容易的一隻,之後自然就會有第二、第三只。最後有機會抓到100只。

共抓之,哈哈!
25. Sugar 2015-10-15 17:55:39

陶醉先生:

長河詩人可能正忙於推廣澳洲房產/兌換澳幣...等等業務,不如讓在下(閑人)班門弄斧講幾句先啦!

我覺得您沒有理解錯,但那是較為狹義的理解.整四句一併看的話,意指時機跌宕難握,明者會放棄不作揣測,改而從觀察,感應長遠大勢著眼,而智者更有力趨吉避凶.

"史記"不易讀,我也參透. 等長河大詩人來現身說法啦!^^

26. Oscar Lam 2015-10-15 18:00:55
回13珍港兄,

可能在下也是一隻井底蛙,怎麼看也看不出財爷是一位真正嘅大師。嘻嘻!

我認為財爷只不過是一名謹慎的理財者罷了。
27. Oscar Lam 2015-10-15 18:14:31
回25Sugar 兄,

多謝兄台指導!看來小弟和明者还有一段很長的距離,更不用說智者了。哈哈!
28. Sugar C 2015-10-15 18:25:44

Oscar 先生:

說指導不敢當,先生言重了.一向有留意您的發言,覺得您是有智慧而又謙虛的人,望多多指教我等後輩!

29. 自我陶醉 2015-10-15 18:26:16
26樓 Oscar 兄,

我也有同感。我覺得世上大師只有兩類,一是未卜先知,教人趨吉避凶的,他們那要知什麼因,什麼果,一算便知,另一類是在自己範疇內,靠個人實力,出類拔萃的,如國畫大師,武術大師,財爺連自己範疇嘅嘢都次次估計錯誤,又或者係靠估而不靠計,連合格都稱不上,只有珍兄咁獨特嘅見解,先會覺得佢係大師。

30. Sugar 2015-10-15 18:37:13
#29陶醉先生:我亦覺得財爺未臻大師之境,但他是個有修養,EQ高的人.
31. 自我陶醉 2015-10-15 18:58:22
25樓 Sugar 姐,

個人認為,明者用揣測一詞, 嘅講法稍有偏差,小弟略作修改,明者是從長遠大勢著眼,在事情未發生前推測出合理結果, 而智者則能因應情況,防範危機於未然,絕不會視而不見。 

Oscar兄,由此看來,你絕對係明智之人。

32. Sugar 2015-10-15 19:12:23

陶醉先生:

在下是後輩,不敢當"姐".喚我Sugar即可^^

您的說法亦很合理!不知長河的看法如何?等他來說說~~

33. 歷史長河 2015-10-15 19:21:00
陶醉兄,OL兄絕對都是大師。

Sugar, you read my mind.
34. Oscar Lam 2015-10-15 20:27:15
31樓自醉兄,

在下只是認為做任何事情都應該按部就班,從簡單的開始做起。投資也一樣,這樣就算以後失敗了,也不至於一無所有,日後才有東山再起的機會。

對於投資,我也是看大勢。例如,我認為目前物業價格高,未來上升空間少,所以我多留現金,尋找其他投資機會。
35. Oscar Lam 2015-10-15 20:30:04
33樓長河兄,

大C還差不多。C比合格好一些。
36. 元朗人 2015-10-15 21:30:43
Sugar

我是住元朗的。原來你也到元朗街市買菜,太多人見不到你,失覺哂^^

這冷門區突然高手雲集,連大寶大師都出現,閣下真有魅力,哈哈。
37. 引刀一快 2015-10-15 21:43:52
大方向?大陸經濟唔好囉,短期無法扭轉囉。講咗兩年冇一個好友正面回應過,到已經第二個浪都嚟緊,好友們還是避重就輕。
大師?自我陶醉兄準確點中兩個重要時間嘅CCL位置,我坦白講真係睇到愕然,點知有人話大方向仲緊要過精準估量,我當然感到更愕然。大陸冧市唔係大方向咩?
38. 打工仔 Andy 2015-10-15 21:49:31
元朗兄

小弟雖然係九龍人, 但都好喜歡入元朗行行, 去街市買下菜買下魚蛋! 好好味! 
仲去行下元朗公園, 好正的! 
39. 打工仔 Andy 2015-10-15 21:57:27
自醉兄

我覺得財司長係咁多個高官中, 表現已經好好了, 起碼似返個官! 其他的大家心中有數,哈哈哈! 
40. 打工仔 Andy 2015-10-15 22:02:02
Oscar兄

你確是智者, 見你掌握出入市的技巧的確高超! 小弟佩服佩服! 
41. 打工仔 Andy 2015-10-15 22:02:37
長河兄

又到你作詩的時候了! 哈哈!
42. 打工仔 Andy 2015-10-15 22:07:45
珍惜兄

你每篇文章小弟都時幾次! 好有深度呀!謝謝! 
43. 自我陶醉 2015-10-15 22:09:57
長河兄,

呢四句嘅出處係韓信嘅謀士蒯徹,遊說韓信認清形勢,把握機會,滅齊之後自立為王,與項羽、劉邦鼎立,蒯徹認為唯有自立為王,才能轉危為安,否則將來必為漢所滅,可惜韓信自以為對漢有大功,唔相信劉邦會對佢不利,冇接納蒯徹建議,豈料,劉邦滅項羽後,韓信被削權,最後更被呂后處死。

所以,明者遠見於未萌,絕對冇可能係叫人唔去估算未來, 相反係要看清形勢,把握機會,居安思危。

44. 打工仔 Andy 2015-10-15 22:10:17
引刀兄

市傳內地又七萬億救市, 是否真的? 
45. 引刀一快 2015-10-15 22:17:41
打工仔兄

係呀,號稱中國式QE,嚇死人,好在聽聞銀行冇即時將錢散曬出嚟。
46. 自我陶醉 2015-10-15 22:19:13
39樓 打工兄,

叫做似番個官已經算好,你話香港幾可悲。
47. 自我陶醉 2015-10-15 22:36:11
37樓 引刀兄,

睇嚟珍兄對我估中CCL依然耿耿於懷,我一早講咗上次CCL競猜遊戲,我只係好彩撞中啫,無謂再提了,人係要向前看嘛!
48. 打工仔 Andy 2015-10-15 22:37:50
引刀兄

內地通漲不會低了! 
49. 打工仔 Andy 2015-10-15 22:37:58
自醉兄

我地真係要自求多福了! 

共求之
50. 自我陶醉 2015-10-15 22:50:13
信贷资产质押再贷款≠欧美QE
http://m.yicai.com/mnews/2015/10/4695761.htm
51. 歷史長河 2015-10-15 23:42:19
何為大師?既然珍兄給出了兩個條件,那就要珍兄來回答了。小弟只是指出史記中有類似之論點來佐證第二條。

可是不同人有不同解讀,有的竞同小弟的理解完全相反,認真有趣!

不同領域應該有不同的大師。搞政治,毛澤東絕對是大師,而伴君側的周恩來周旋在各種勢力之間,皆盡所能保護不該被破壞的人或物,這種以柔制剛也可以稱為大師。說到這裡,大家覺得財爺的太極之功又為咩?能否稱為大師呢?

其實小弟覺得更多的大師在民間。敞開心扉,睜開眼睛,你會發現你身邊的很多人都可能是某方面的大師,包括中環的那位高貴的補鞋匠!

看大勢,要先明白什麼是大勢。比如講中國,那就其碼要看未來二三十年的發展勢頭,唔係盯著眼前經濟轉型中的小小問題。另外如果你仲未明白咩係減速,咩係加速度減㣪,這就不大好玩了。

看大勢,當然也要避險。比如小弟一直不贊成購入日本資產,因為長遠看日本在走下坡路。這是最大的避險,避險於無形。反之,小弟建議投資於移民國家,因為只要一個國家開放,樂於引進人才和資金,長遠冇得輸。看香港的房市只要看二條:1.大陸未來二三十年的走勢。2.香港在未來二三十年對大陸的相對優勢。如果你對上述兩點都還樂觀,其他的都不重要,計好數去儲樓!如果都不樂觀,准備移民吧!

抓緊機遇?中國三十年的崛起你抓到了嗎?港樓十幾年的升浪你抓到了嗎?長期低息意味著什麼,強美元又意味著什麼,你琢磨出來了嗎?


52. 歷史長河 2015-10-16 00:08:27
眼光放大放遠點吧,唔好盯著價值是低於$1或是高於$1,要去看哪裡可以幫你把$1變成$10. 


53. 引刀一快 2015-10-16 01:53:53
何為大師?既然珍兄給出了兩個條件,那就要珍兄來回答了。小弟只是指出史記中有類似之論點來佐證第二條。
既然你話藍藍綠綠你冇心機睇,唯有用紅色。
可是不同人有不同解讀,有的竞同小弟的理解完全相反,認真有趣!
因爲你鍾意歪曲事實,同你相反嘅就有參考價值。

不同領域應該有不同的大師。搞政治,毛澤東絕對是大師,而伴君側的周恩來周旋在各種勢力之間,皆盡所能保護不該被破壞的人或物,這種以柔制剛也可以稱為大師。說到這裡,大家覺得財爺的太極之功又為咩?能否稱為大師呢?
你作爲語言偽術大師,當之無愧!

其實小弟覺得更多的大師在民間。敞開心扉,睜開眼睛,你會發現你身邊的很多人都可能是某方面的大師,包括中環的那位高貴的補鞋匠!

看大勢,要先明白什麼是大勢。比如講中國,那就其碼要看未來二三十年的發展勢頭,唔係盯著眼前經濟轉型中的小小問題。另外如果你仲未明白咩係減速,咩係加速度減㣪,這就不大好玩了。
你唔識?定係諗住好多人唔識,所以亂嗡?中國經濟轉型係唔係大問題?邊個祇係盯住當中嘅少少問題?當中被人盯住嘅小小問題係咩問題?中國點解要轉型?
你的確有多少文學修養,最大程度表現喺呢D語言偽術方面,的確,做推銷好啱駛。

看大勢,當然也要避險。比如小弟一直不贊成購入日本資產,因為長遠看日本在走下坡路。這是最大的避險,避險於無形。反之,小弟建議投資於移民國家,因為只要一個國家開放,樂於引進人才和資金,長遠冇得輸。看香港的房市只要看二條:1.大陸未來二三十年的走勢。2.香港在未來二三十年對大陸的相對優勢。如果你對上述兩點都還樂觀,其他的都不重要,計好數去儲樓!如果都不樂觀,准備移民吧!
澳洲?睇睇人口密度排名喇唔該!如果話大陸地大勿搏,澳洲呢?人口密度排名永遠不沾邊!全澳洲冇一個城市人口密度高嘅,而日本東京就係世界排名第一,唔好俾我睇死,澳洲老闆見到大陸咁多土豪,第日又搞幾個鬼城岀嚟呀。
日本咁強嘅科技實力,文化在亞洲咁有領導性,而且已經下滑咗廿多年,如果話佢都冇乜機會轉強的話,咁開始下滑嘅中國會點?有一點我可以肯定就係,未來二三十年日本科技以及文化,對整個亞洲會一直保持相對優勢,韓國有排未跟得上。

抓緊機遇?中國三十年的崛起你抓到了嗎?港樓十幾年的升浪你抓到了嗎?長期低息意味著什麼,強美元又意味著什麼,你琢磨出來了嗎?
如果我有90歲命,我已經花咗四分一嘅人生喺大陸,我當然抓到喇,香港樓十二年升浪冇份,香港97-03嘅超跌浪我一樣冇份啫,低息遇著跌浪,咪一樣係損失!何况當時高息!


54. 自我陶醉 2015-10-16 07:51:30
長河兄,

如果你請財爺番嚟淨係為咗耍太極,咁你咪叫佢太極大師囉!  如果咁就係大師,政府裏仲人好多大師㖭,有卸責大師、吞撲大師、呃錢大師、擦鞋大師、吹水大師…

你覺得樓市$1可以變$10,仲唔洗理值唔值!  你認為我以現在樓價投資$1, 要幾耐可以變$10呢?


55. 歷史長河 2015-10-16 08:11:09
陶醉兄,你睇眀咗我講咩,樓上引刀老師都睇唔明講咩,嘅就來批改,你話我有冇心機去睇?

有時欲速則不達啊! 過於投機時,雖然你有可能快D掙到$10,不過都有可能得返5毫。做5毛就唔好啦,呵呵!

財爺唔易,一男子你懂的.......
56. 歷史長河 2015-10-16 08:25:18
刀兄,下次試下紫色可能好點。
57. 元朗人 2015-10-16 08:32:28
看囘應我有時用代入囘應者心态來讀,久之亦畧知網友心路和经历—二。長期否定別人覌点,除了因挑战引起可能一点快感,相信有经历朋友祗一笑置之。对方不囘便是自己对了?

红色是老师改卷,或可解讀朋友绝交,慎之。
58. 自我陶醉 2015-10-16 09:24:51
長河兄,

引刀兄對於中國嘅提問值得深思。如果中國只係小問題,又點會引發全球股市大跌呢?
59. Hongkong People 2015-10-16 09:31:35
長河兄,

51樓所言大部分同意, 係文粹主意當道時代希望財爺可以繼續當好佢嘅太極大師,好好幫香港守住呢份家業; 香港作為一個開放型嘅自由經濟體,應該行小政府大市場之路,只需維持一個好嘅局,無為而治,由市場自由調節,政府官員只需執著宗旨對社會無聊噪音大打太極即可; 我最驚政府日日話要有為,搞亂市場機制,喇嘢!

我同意,中國如果政策唔爆大鍋嘢,以人口數量及積落嘅底子,來緊20-30年,經濟都可保活力,非其他國家可比美;但投資嘅嘢,掌握好時機,可能唔止一蚊變10蚊而係1蚊變20蚊.
60. 歷史長河 2015-10-16 09:31:51
陶醉兄,晤好跟著市場上分析去走。中國股市今年是升是跌?這次全球股市下跌由何引發?多角度去思考下吧!
61. Hongkong People 2015-10-16 09:43:24
中國股市暴跌,依我愚見都係大政府下嘅政策錯誤;錯在政府過份自信,以為股票市場亦在佢哋操控之中,可利用股票市場制造財富效應之餘再解決國企問題甚或地方債問題;係政府政策主導下制造咗呢個股市大泡沫;而家唯有俾時間等市場慢慢修覆.

經濟係有問題,但主因都係政策錯誤.
62. 歷史長河 2015-10-16 10:22:46
香港人兄,嚴重同意。
63. 自我陶醉 2015-10-16 10:35:04
長河兄,Hongkong People兄,

我從來冇懷疑過中國未來20~30年嘅前境,問題係在深化改革同產能結構調整嘅巨浪中,如果你用盡槓桿摸頂入市,係咪可以安然支持到見到曙光。
64. 歷史長河 2015-10-16 10:59:33
陶醉兄,做財務規劃時,一定要做壓力測試。這點小弟一直同意,而且做的比政府要求的更嚴格。未來二三十年再有兩三個大浪也不出奇,哈哈,泳褲要穿緊D喲!
65. 珍惜香港 2015-10-16 11:55:58
珍惜香港TO:14/F 歷史長河、26/F Oscar Lam

記得,我第一次講,真正嘅大師,就提到白某人。我話,你問乜嘢,佢都可以好準確咁,指點你嘅迷津。

長河兄,所謂,功、時、明、智,只喺當局者之道,而我講嘅大師,喺另一回事。

或者大家可以,再細心咀嚼一下,真正嘅大師,果兩個重要條件

1. 一切塵世間嘅是是非非都喺唔關佢事,就好似一個不食人間煙火嘅高人咁。
2. 擁有感應宏觀裡面決定性因素嘅觸覺,以判定今日同未來一啲重要嘅事實。


我指嘅真正大師,永遠喺一個旁觀者,唔可以喺一個當局者。第一個條件,唔喺性格,亦唔喺風格,而喺對所評論嘅世事,真真正正咁,同自己一啲關係都冇,先至可以做到,完全嘅客觀。所以點解,大師呢味嘢,往往會令人聯想起和尚之類嘅出家人,就喺因為,當你問任何世事,佢都可以指點到你嘅話,咁即喺,一切塵世間嘅是是非非,都唔關佢事,佢仲唔喺一個不食人間煙火嘅高人

至於第二個條件,我喺用咗「感應」「觸覺」呢兩個抽象嘅詞,而唔喺較具邏輯性嘅「理解」同「思維」。如果一個人,乜都唔關佢事,但同時,又睇得穿世情嘅,根本就好矛盾。所以,真正大師嘅能力,一定唔喺嚟自理性嘅邏輯分析,而喺基於對萬物之間,因果關係嘅深刻體會,令佢可以從茫茫宏觀之中,捕捉到決定性嘅因,從而引申出,種種可能嘅果。大家見到,我响第二個條件裡面,話判定嘅,唔喺乜嘢數字,唔喺乜嘢預測,亦唔喺乜嘢決擇,而喺,一啲重要嘅事實

呢個世界,好多人想贏,好多人想發達。佢地期望,有個唔知乜大師,可以講得出,幾時幾日,個 CCL 喺乜,個恆指喺乜,個頂响邊,個底又响邊;最好呢,仲幫埋佢地做決定,幾時入貨,幾時至沽貨添!嗱嗱嗱,唔使望啦,邊有啲咁嘅大師?神棍,就一大把!

真正嘅大師,喺唔會同你做預測,更加幫唔到你做決定,佢只會將個因果事實,展示响你眼前,俾你睇清楚世界,睇清楚自己,從而令你作出,適合自己嘅決定。呢個就喺我之前講嘅,所謂方向

可惜好多人,你同佢講乜,佢都只喺識得重複咁問:即喺點?家陣入市好?定喺出貨好啫?

一個人,執著數字,執著準確嘅預測,執著於追求,响大市之下,一個百搭嘅,入或沽嘅決定,而漠視個別嘅環境同情況,漠視除直接利益以外嘅因果變數;呢種人最終會,迷失方向,迷失自己。所以呢,唔好話我介懷邊一個人,就算林一鳴估中恆指,我都要寸佢,法子兄搞 CCL 競猜,我一樣有微言啦!

正如財爺曾,佢嘅責任,喺理財,唔喺估數。點解要咁執著,人地估得幾準?香港作為一個,各方資金,自由進出嘅國際金融中心,都唔使搞乜停市機制,但點解美國反而要有?香港嘅實體經濟,冇因為股市大跌而受到衝擊,又點解?依家世界上,除咗香港之外,仲有邊隻 GDP 增長,得番兩三巴仙嘅成熟經濟體,冇欠人債,仲有盈餘?唔好唔記得,我地喺行低稅率,又有十幾年免費教育,又有近半市民住公屋,咁都唔使欠人債。你要响香港生存,唔難,但想發為?唔通第度易啲咩?咁香港,有幾悲哀?移民去希臘囉!

我話封財爺曾,做真正嘅大師,其實準確啲講,我果次喺話,佢退休之後,應該會好有潛質,成為一個真正嘅大師。Oscar 兄睇唔出,唔出奇,好多時,財爺曾言中有物,唔喺個個都聽得出,尤其講到一啲,唔太關佢事嘅議題果陣,更顯大師嘅風範。

就睇佢從美國返嚟,講嘅一段說話,直頭喺睇死美國佬,自己都唔喺咁容易通過 TPP 嘅條款。有幾多人,睇得穿呢一點?TPP 對於 GDP 增長低嘅成熟經濟體,有乜嘢意義?對環球經濟新常態,又有乜啟示?

曾俊華訪問秘魯及美國後返港 2015-10-14


再睇佢早前接受彭博嘅訪問,講到 TPP 對香港、中國嘅影響,又講到中國經濟放緩、及美國加息嘅議題,唔識聽嘅,真喺以為佢响度灑緊太極。其實,每一個議題,都命中咗最關鍵嘅地方,有別於芳間一般見識。例如,美國加唔加息,點解咁重要,喺因為經濟實體(商界),需要一個明確嘅發展方向,呢點先喺最重要,而唔喺大家成日,掛在口邊嘅樓市、股市。至於訪問中嘅其他議題,都喺一樣,財爺曾盡顯大師風範,各位自己體會。

曾俊華接受彭博訪問 2015-10-06


上面呢段片嘅後半部,咁啱就喺所謂芳間,對 TPP 嘅評論。大家可以比較一下,乜嘢叫一般見識。我唔再提示啦!總之,今時今日,如果中國重要繼續,以壓搾勞動力,去達至低成本取勝呢,咁就真喺死得!
66. 引刀一快 2015-10-16 14:08:45
To 54樓 自我陶醉兄

我今朝眼瞓未駁埋佢呢樣,1蚊變10蚊要幾耐?同埋咩時候1蚊會變10蚊,咩時候1蚊會變3毫子。
反駁唔到佢就扮世外高人,話人地睇唔明佢寫乜,呢招比較高,可以減少一個對手,而且,真係有人以為我唔明人地寫乜,無奈無奈。
最簡單,中國嘅“小”問題,多如牛毛,起得咁大個浪,仲有人以為係一兩個失誤造成,其實,一個衝擊有幾大,大概可以估量政府用過幾大嘅相應力量去阻止。
67. 引刀一快 2015-10-16 14:15:17
To 65樓 珍惜香港兄

勞煩你加上“個人定義”四字,多謝。
68. 歷史長河 2015-10-16 14:20:09
珍惜兄,小弟忽然悟出 ----- 刀兄才是真正的大師,點解?
1. 這裡講的很多事都唔關佢事,符合局外人條件。
2. 具有超強預知能力。比如剛剛提到個浪,雖是無中生有,但理論上都有可能性。

See, 大師就在身邊!
69. 引刀一快 2015-10-16 14:32:37
To 57樓 元朗人兄

喺呢個論壇別人用過紅字回應嘅例子真係唔少,過去亦未見有為此爭議,既然藍字綠字人家話睇得唔舒服,我冇理由唔換隻顏色。
元朗人兄近日可能來得論壇較疏,我唔係挑戰,只係回應,對應一大堆事情嘅綜合反應而已。
70. 引刀一快 2015-10-16 14:39:37
To 61樓 HongKongPeople女士

大陸嘅問題,係資源,資源開始承載唔起社會規模。
71. 自我陶醉 2015-10-16 14:58:41
67樓 引刀大師,

100%同意你嘅提議, 打從第一日上呢個網,我就有呢個問題: “呢個人到底係乜水?點解寫啲定義咁權威,講嘅嘢又可以完全代表哂所有人咁?最奇怪係冇幾多次我係完全同意㗎喎!”  原來就係少咗呢4個字,加番上去的確係睇得舒服好多。你就係咁㗎喇,間唔中就會有啲驚喜,真係要畀個like你!  而且正如長河兄講,你真係符合哂佢嘅大師定義喎, 你真係當之無愧!  可喜可賀!  

72. 引刀一快 2015-10-16 15:26:05
To 71樓 自我陶醉兄

哇哇,”大師“兩個字我邊受得起,其實我覺得呢位兄台先係大師,係“定義大師”,每每爲各種事物加上自定定義,自醉兄你當然唔會囫圇吞棗,所以覺得不合理你就會反問、求真,但係據我觀察,呢度唔少論友比較純品,真係一句句跟住嚟讀,冇批判警覺,思路分段被誤導,想法俾人騎劫咗都唔知。
73. 自我陶醉 2015-10-16 15:40:34
引刀兄,

你知嗎,我上年初真係以為佢係博士個後台老細,後來先知,原來只係我搞錯! 呵呵!

老實講,如果有得㨂,我都寧願做一個隨和嘅人,太critical mind成日都會得罪人,最弊性格係天生!  改唔到,無奈!


74. Hongkong People 2015-10-16 16:22:20
刀兄, 

可能你係啱嘅,我冇去諗呢個方向;我一年有幾個月係外國周圍走,尤其美歐,俾我見倒嘅係缺乏社會規模嘅壞处,好多美歐大城除咗最旺嗰幾條街,都係半個死城,一般嘅舖頭都好難有生意,但美國經濟結構内部消費佔7-8成,我諗咁消費力都可以支持美國成為最大經濟体,長遠嚟講中國只要維持經濟主導,無重大政策錯誤,真係冇得輸。

你睇倒嘢係大社會規模嘅壞處,而我睇倒嘅係好嘅一面,長遠會點,只有等歷史去印證。
75. 歷史長河 2015-10-16 16:51:08
HK People 兄,同一件事情在不同人的眼中會有不一樣的結論,有時會完全相反。

背後的原因是一個人對人生的取態 — 正面還是負面。這種取態最終也會影響到一個人的人生。
76. Hongkong People 2015-10-16 17:13:07
刀兄提出呢個資源問題,我不禁靜靜地諗咗一陣,有冇真係呢個情況引致中國運作唔倒落去呢?

其實我都諗唔倒呢個關連性,中國咁大個國家咁多人資源不足係想當然,經濟好時自然搶貴所有資源,但呢個世界除咗地同人力資源,有錢就可以買倒;而家經濟下滑,所有資源價格應声下跌,要買資源自然不難,只係消費唔倒咁多。

再諗,香港,星加坡同日本都係缺乏資源嘅地方,歷史話俾我哋知,暫時都尚可以。

我真係諗唔通,希望刀兄可以加以闡述。
77. 引刀一快 2015-10-16 18:26:21
To 76樓 HongkongPeople女士

問題就係,錢從哪里來?
日本一樣缺乏資源,但係處境造就遠見,遠見造就政治,政治造就科技、文化,呢兩件嘢,大幅提升產品附加值,俾得起錢,資源唔賣俾佢,賣俾邊個?
中國嘅環境、情況,冇可能複製呢個例子。
香港出於歷史原因,曾經係大陸南風窗,隨著大陸台灣直線來往越頻繁,香港正是不進則退之中,將來有日,大陸俾敬酒同罰酒香港揀嘅時候,就標誌住光輝燦爛嘅終結。
至於新加坡,今晚咁啱同新加坡佬飲嘢,問過佢我先至講。
美國俾人話係帝國主義,唔會冇原因,就算佢內需佔經濟7=8成,地球養唔起多一個美國。
中國嘅天然資源,養活14億人冇問題,不過養唔起依家過緊嘅呢種生活,要截停透支、加大效率、計劃將來,我諗完全係實打實嘅實務,點會好似呢度D師兄所講咁幾個行政手段就搞掂?
有說經濟轉型服務業,中國咁多人,有幾多客?唔通走去抬八人大轎?個客俾唔俾得起八份腳錢?
78. 引刀一快 2015-10-16 18:36:28
To 73樓 自我陶醉兄

千祁唔好改呀,嚴謹對待是非對錯,係好寶貴嘅為人處事態度,有真實嘅現在作為基石,先可以構建、展望真實嘅未來,我敬你爲師長,呢個係最主要原因。(其他原因係你算出2014年底同2015年5月嘅CCL)
79. 歷史長河 2015-10-16 18:47:46
刀兄,就這些了?講崩潰,宋鴻兵,郎咸平比你講得更逼真。
80. Hongkong People 2015-10-16 19:58:11
刀兄,

言下之意,中國冇錢?

你嘅睇法,同世界嘅客觀共識有分歧,好似有少少難以繼續討論。

至於你講日本傑出之處令佢哋可以不斷賺錢以購買他國資源;我覺得你需要跳出你嘅想像空間,以世界各國經濟發展同資源價格去印證自己嘅想法;日本經濟迷失20幾年,以你嘅講法作為資源大消費國,係資源價格上應有所反映,by logical deduction, 應該長期低迷;而中國,以你嘅講法作為一個冇錢消費資源嘅國家,by logical deduction, 佢嘅經濟起跌應該同資源價格冇或好低嘅correlation; 但事實係,呢10几年,資源價格同日本經濟嘅correlation好低,反之同中國經濟嘅correlation 唔係1都係89-90%. 邊個國家用錢消費緊世界資源,呢個Conclusion 真係顯而易見。

如果我哋嘅討論唔駛建基於一D客觀事實,真係好難繼續討論。

Btw, 我係星加坡住過6年,對佢哋嘅情況都略知。
81. Hongkong People 2015-10-16 19:58:29
刀兄,

言下之意,中國冇錢?

你嘅睇法,同世界嘅客觀共識有分歧,好似有少少難以繼續討論。

至於你講日本傑出之處令佢哋可以不斷賺錢以購買他國資源;我覺得你需要跳出你嘅想像空間,以世界各國經濟發展同資源價格去印證自己嘅想法;日本經濟迷失20幾年,以你嘅講法作為資源大消費國,係資源價格上應有所反映,by logical deduction, 應該長期低迷;而中國,以你嘅講法作為一個冇錢消費資源嘅國家,by logical deduction, 佢嘅經濟起跌應該同資源價格冇或好低嘅correlation; 但事實係,呢10几年,資源價格同日本經濟嘅correlation好低,反之同中國經濟嘅correlation 唔係1都係89-90%. 邊個國家用錢消費緊世界資源,呢個Conclusion 真係顯而易見。

如果我哋嘅討論唔駛建基於一D客觀事實,真係好難繼續討論。

Btw, 我係星加坡住過6年,對佢哋嘅情況都略知。
82. Hongkong People 2015-10-16 20:10:17
Btw, 中國咁多人,係服務提供者之餘亦係服務消費者;文化產業亦係度迅速發展中,好多基建制造亦慢慢輸出國,i.e. 幫外國建核電設施,同高鉄,都係服務業嘅輸出,相信仲有唔少我唔知嘅行業正走向世界。。。
83. 引刀一快 2015-10-16 20:28:45
長河san

唷,乜你真係當咗我大師呀?呵呵呵呵呵
哇哇,將我同郎咸平混為一談,我依家有位列仙班嘅感覺喎。

84. Hongkong People 2015-10-16 20:36:49
刀兄,

其實你點解對日本咁highly appraise 呢?在我看來日本真係大沒落,文化產業上呢20年都係大迷失,諗起80年代,偶像歌星日劇橫掃亞洲,而家有乜睇頭呢?

日本政府在我睇嚟真係最低能,帶領日本經濟迷失20几年;再有,一個自然災害咁多發性嘅國家,點解要集中發展東京而唔分散風險,平均發展多D大城市,就算唔地震,同中國擦槍走火,遠程導彈只需瞄準東京就等於摧毀咗半個日本;可能佢哋有遠見地預計咗嗰日,諗住一鑊熟。
85. 引刀一快 2015-10-16 20:38:37
長河san

你要睇宋鴻兵、郎咸平、牛刀,我唔駛架。

我不過喺度講緊我在大陸嘅親身體會、所見所聞咋。
86. 向饭民说不 2015-10-16 21:09:03
楼上,你就好像典型WC,选择性失明。听讲系大陆10几20年,竟然会miss左大陆的繁荣。有句话,抓到鹿,吾识脱角,又有句话叫做入宝山,空手会。可惜啊。结论就是loser。

最近我地见到美国佬的焦虑,如果中国会好像西奴说的那样崩溃,美国佬只需要食定花生。吾需要甘惊。

所谓败兵之将,不言勇。

87. 運輸工人 2015-10-16 22:26:25
很久不見懶人兄了,懷念!
88. 歷史長河 2015-10-16 22:51:16
Hongkong People 兄,你講這些會期望引刀明白你所講嗎?我開始時也這樣認真的。
89. 打工仔 Andy 2015-10-16 22:52:29
運輸工人兄

Me 2 !
90. 歷史長河 2015-10-16 22:53:17
懶人兄去了哪裡?
91. 歷史長河 2015-10-16 22:54:54
懶人兄去了哪裡?
92. 打工仔 Andy 2015-10-16 23:06:53
希望懶人兄早日回來! 
93. 引刀一快 2015-10-16 23:56:27
HongKongPeople女士

我諗一係就我表達得唔好,一係就係閣下理解有偏差,資源點會淨係講物質呢?
甲午風雲係其中一部對我啟蒙嘅電影,鄧世昌係我崇敬嘅人物,不過國仇家恨係一回事,分析形勢係另一回事,日本呢隻爛船遠唔止三斤釘,如果依家中日開戰,核彈未必打到過去,海軍依然打唔過東海,呢個係我大陸同學嘅共識。日本經濟再低迷,科技、文化依然係亞洲一哥,唔好話韓國勁,文化理念偏頗令佢地難以超越日本,另外,你覺得韓國對中國好嗎?
資源可以係自己,亦可以買,更可以係霸番嚟。
94. 向饭民说不 2015-10-17 00:50:27
楼上,你又学了美国佬,乜都话打。吾好暴力。大陆佬暂时是不会和日本打的。大陆需要的是和平,敌进我退,敌退我进。发展好经济,但是也不要被美国佬有借口发烂咋,等待时机。毕竟暂时中国的生命线还是掌握在美国人手上。

这年头上策是以不战而屈人之兵。最近大陆的阅兵,只是叫美国佬不要轻举懵动。现在只要破了美金霸权,美国那么大的开支。只会走向灭亡。至于日本只是美国佬的一只看门狗。不足为患。

95. Hongkong People 2015-10-17 00:59:18
刀兄,
咁具體話我知你所講嘅資源係乜,仲有日本嘅文化包括乜嘢?

要有清晰定義先可繼續討論,如果唔係就等如地球人同火星傾計。
96. Hongkong People 2015-10-17 01:01:10
刀兄,
咁具體話我知你所講嘅資源係乜,仲有日本嘅文化包括乜嘢?

要有清晰定義先可繼續討論,如果唔係就等如地球人同火星傾計。
97. 向饭民说不 2015-10-17 01:30:41
引刀性格和日本一样,都有奴性。日本仔被美国佬奸完一次又一次,现在学懂了享受。日本迷失20年多多少少系被美国坑的。

记得90年代的美国恐惧日本,其实同今日恐惧中国,其实都系一样。崇日废仲以为日本好本事。讲真,我都系看日本卡通长大,但是现在看不清日本人,日本做事认真,谨慎。但是不懂变通。认真,谨慎,好的方面去看,就是质量好。但是如果另一方面去看,就是没有效率。同时也压制创新。
98. Hongkong People 2015-10-17 10:17:05
飯兄,

同意所言. 中國軍事發展係維持和平所必要的,唔好再犯清庭錯誤,如果唔係你賺番嚟嘅錢,都只會俾人以不同嘅藉口搶劫.

刀兄,

我絶對無俾家仇國狠模糊自己嘅客觀分析,旅行我亦喜歡去日本,亦有考慮去日本買樓,雖然結論係no.  對日本政府嘅評價,只係從佢各項政策觀察所得, 除出以往畏首畏尾經濟政策無法將日本帶出迷失區域.

現任政府大行QE,本應有所成效,但又驚死,太早加GST, offset咗QE成效, 係一敗筆; 咁於做美國嘅門口狗,美國要重返亞洲圍堵中國以維持自己霸權,老實講做呢隻超級門口狗,對日本本土有乜好處?中國基本上係日本最大嘅經濟伙伴,日本政府嘅行為挑起反日情緒,對日本長遠有好處嗎?

歷史話俾我地知,中國人唔係一個侵略別國嘅民族,發展軍事都只為自保,日本實在無須敵視中國,只需努力自身經濟,為人民謀福址為正事; 但如果佢想搞事舗路發展軍事,遠見係以打仗來提震經濟,恐怕佢係計錯數了,現時中國並非當日嘅清庭,甲午戰爭係唔會重來,今天時今日打仗並不需要出東海就可以摧毀日本任何一個城市. 唔好話俾我聽你有攔截導彈,中國嘅優勢錢多同製造成本低,以導彈數量就可嬴九條街; 日本政府要有遠見就好好認清呢個現實,好好睦鄰,努力國內經濟,唔好帶自己人民入地獄.
99. 引刀一快 2015-10-17 10:30:27
向飯

日本迷失20年,大陸由慈禧迷失到兩年前,陷入新階段迷失。
100. 引刀一快 2015-10-17 10:43:34
HongKongPeople女士

你所講嘅日本問題,係國運,大陸嘅問題,我又冇柏楊嘅才學,亦唔想俾人鬧,妳睇見向飯就知神經病人幾麻煩架喇。
資源,簡而言之就係一切人類活動所需,包括實體及抽象之物,一一枚舉不可能。
101. 引刀一快 2015-10-17 10:46:01
車上,不便打字,希諒。
102. Sugar 2015-10-17 10:54:48

引刀大大:

您咁答Hongkong People好 "行" 吓喎!

咁好無癮,我追看緊咖嘛.....快啲回復您的本色(超強辯才)啦^^


103. 向饭民说不 2015-10-17 11:56:05
满清灭亡,其实都系颜色革命,结果就是中国生灵涂炭了60年,直到邓小平改革开放,中国人先找对了路,先有好日子过。如果当时无颜色革命,等满清和平演变,中国应该早点民主。
引刀这种可怜搭上了中国经济发展的快车,但是却得吾倒任何东西,人地进步,他止步。不神经就怪。
104. middle middle class 2015-10-17 12:35:13
哈,幾日冇追,呢度咁熱鬧!

希望曾司長百忙中看看,也可以多了解民情。 

在眾位官員中,我們一家也只欣賞你一個。  
105. 自我陶醉 2015-10-17 12:39:02
計我話,洗咩搞咁多定義呀! 咩係大師? 

咪係人哋做到啲你好想做,但係無論你幾努力,都係做唔到,嗰啲咪大師囉!  例如:能知過去未來,武術高手,桌球一Q清枱,高球個個洞打小鳥,投資永遠低買高沽。不過如果有人可以次次段估都中嘅,都同樣可以做段估大師㗎!  

講到有人計到恒指,你計唔到,都只係有知,同無知嘅分別啫!  人地有知,自然有辦法計喇!  畀人寸好小事啫,意大利天文學家Galileo Galilei, 發表Dialogue Concerning the Two Chief World Systems講點計星體運行時,咪一樣被羅馬教庭判終身監禁! 幾百年前,如果你識計幾時會日蝕仲大鑊,隨時畀人當你巫師處死㖭喇!  鬼叫嗰時啲人無知咩!

如果無知又只係識酸葡萄嘅,你咪繼續無知落去囉!

106. 運輸工人 2015-10-17 12:56:20
大師仲有樣特點:估親都錯未啱過.
107. 引刀一快 2015-10-17 17:26:44
向飯

睇死你都係成屋日本電器果隻,日本幾十年嘅發展,一路有你。
你孫仔今日食迴轉壽司,打包d食剩嘅飯糰俾你執手尾,你話開詩開詩,哈哈
108. 引刀一快 2015-10-17 17:26:48
Sugar san

車上,手機惡打字。
109. 引刀一快 2015-10-17 17:32:53
To 105樓 自我陶醉兄

怪之咁多人想跟你學嘢喇。
110. 歷史長河 2015-10-17 19:30:44
刀大師,還在車上呢?
111. 引刀一快 2015-10-17 23:30:04
長河san,現在已經下車。
112. 向饭民说不 2015-10-18 01:29:07
引刀,香港人成屋都系日本货,好正常的,不过比例系度减小紧,同时,就是香港人仍然热衷日本货,日本还是迷失20年,日本人是不是不懂检讨呢?日本绝对是失败的例子。

113. 引刀一快 2015-10-18 14:24:46
熱衷日本貨嘅,除咗向飯、香港人,還有大陸人,所謂迷失,係股市、地産上唔番去啫,科研、消費力、生産力,唔差架,部份原因就係技術儲備極爲豐厚,加上美國嘅科技支持,Made in Japan依然賣錢。
隨著日資大量在大陸撤廠,中國不單損失代工生産所得,仲要向東盟增加入口電器,世界唔可能全部人都肥,點解要俾咁多機會其他人增肥?
114. 歷史長河 2015-10-18 15:26:53
許多人搞唔清楚咩喺現在,咩喺未來。已有的,無論幾好,都已 Price in, 價格的走勢將會反映未來的樣子。

冇錯,日本在很多地方都仍優於中國,問題是這個差距將會擴大或是縮小。
115. 引刀一快 2015-10-19 02:40:24
講咗等如冇講。
116. 向饭民说不 2015-10-19 10:40:48
有些废材崇日崇日崇到不知所谓。前年的直树,见到了日本的银行仍然停留系大量的paper work上,还有那些工厂仍然停留系20年前。我刚出来工作时,曾经系日本培训几个月,发现了,20几年还是一样。
早年不但买日本货,同时用钱支持了日本。曾经投资了几成身家系日本,结果同日本一样,迷失了20年。好在当时买了高增长的汇丰和南韩,先
无没顶。我现在还和日经斗长命。
今日港废日日闹政府大白象工程,但是,是不是大白象言之过早。事实是日本仔为旧经济,搞了更加多的大白象。
安培话要人口增长,要人口增长,只有开放移民
117. 引刀一快 2015-10-21 04:00:12
原來向飯兄係崇日哈日鼻祖,怪之講起日本眉飛色舞喇你!

你投靠日本,咪就係好似我投靠大陸咁囉,唯一差別就係你走唔甩,而我選擇唔走,大陸往後經濟有排唔好呀。

日本如果肯開放移民,大陸臺灣隨時可以吸納一兩千萬當打嘅人,而且係3-5年之內,唔開放移民必定亦有其原因。