主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26422    回應 : 7
脫苦海‧梁隼
脫苦海‧梁隼
《脫苦海‧梁隼》地產博客,著有多本暢銷地產專書,誠意與讀者分享心得 網誌:notcomment.com
細價樓跌即係香港樓市跌
梁隼
2015年10月20日

  最近樓價指數有回落跡象,很多人立即大聲疾呼樓市轉向,繼而狠批細價樓升得快時也跌得急。有報紙講述相關消息的時候,就會和細單位相題而論,好像買入細單位就一定會跌死一樣。不過有些旺區的細單位,賣價比起新界的大單位還要貴,無錯筆者就是拿銅鑼灣的開放式單位來講,賣左間嘉湖山莊細複式單位都未必夠錢一炮過找數,這又是否反駁了細價樓不是細單位?

  細單位即差餉物業估價處定義為A類單位,即實用面積430呎以下的,過往不是單位數目最多的,最多供應是實用面積430-700呎的B類單位,這個結構在未來會隨著發展商主力興建小型單位而改變,很明顯,隨著細單位供應增加,細單位的價錢一定會跑輸大市。

  接著就是細價樓,過去一年因為400萬以下物業可以做九成按揭,於是此類單位就很渴市,而700萬以下物業可以做七成按揭,也吸收了部份本來想買大單位的購買力。但隨著金管局修例之後,只有首次置業和有固定收入的人才可以借到九成買400萬以下的物業,而700萬以下的物業只可做六成按揭,過去的吸引力沒有了,表現也自然遜色。

  所以說細價樓下跌,就等如香港整體樓市下跌,因為細價樓嚴格來說涵蓋了700萬以下的A類單位,範圍都頗大。於是大部份業主一係紙上身家縮水,一係真實身家縮水,唔係幾多人會幸免於難。

 
我要回應
我的稱呼
回應 / 意見
驗証文字
 
1. MANGO 2015-10-20 13:25:48
細價樓跌,大價亦跟著跌, 唇齒相依,無可避免, 大價樓即將大跌
2. 朗晴 2015-10-21 22:41:25
新界地價三至四千,建築費$4K+,賣樓地代佣金幾%,成本約$8K,攪幾年賣一萬蚊呎唔過份吖,跌兩成即地價要低過$2k先有數圍,如政府企硬叫價的話,則流拍將是必然結果.
樓價越跌,供應量越少,是正比例來的.
豪宅近年跑輸通漲,也看不到會跌超過一成.
3. 歷史長河 2015-10-22 17:41:46
師兄所言甚是,共勉之!
4. 地產大亨 2015-10-25 02:17:57
我地生意係必賺,永遠買出價一定高過成本價,封晒蝕本門。有乜生意威過我。
5. 地產大亨 2015-10-25 02:19:56
我地生意係必賺,永遠買出價一定高過成本價,封晒蝕本門。有乜生意威過我。
6. 愈老愈愛 2015-10-29 09:15:07
有時細, 都愛買舊, 愈舊愈貴。樓市落, 收購又活躍返。

好多時, 身邊朋友都唔明, 不如買新D的樓。

住和收租, 兩回事; 收住租, 等收購又兩回事。

市區樓和新界樓又兩回事。
7. cy 2015-10-29 13:54:13
冇時準.