地產博客 > 敢說亮話 返回
瀏覽人次:16686    回應:39
敢說亮話
茶餐廳亂話(582)小恩小惠的救市措施
 
湯文亮博士
紀惠集團行政總裁
2019年10月23日

  今早去到茶餐廳,見到一個租客在座,佢叫我減租,我話冇問題,不過要按照政府救市措施減租,現在財爺宣佈,出外旅遊可獲100元優惠,如此計算,我可以豁免1日差餉,租客話心領。其實,我同租客好老友,大家都知道要尊重合約,幾年前租金大幅上升,我亦不能狂加租,因為我們的租約有一個加幅上限,今日,他當然不是真的叫我減租,講下笑而已。

  我認為政府官員應該知道,小恩小惠的救市措施有什麼用,小恩小惠其實是不知為政,最緊要是將事件平息,否則,小恩小惠的救市措施反而害了經營者,因為他們如果知道政府對政局束手無策,倒不如早一些結業,無謂繼續蝕下去,政府推出一些小恩小惠救市措施,令到經營者以為政府真的有能力救市,而繼續經營下去,結果是泥足深陷,成副身家輸掉,簡單一句,小恩小惠的救市其實話俾市民知不知怎樣救市,不如唔救,最有效的救市就是平息示威活動,一日示威活動繼續,怎樣救也沒有用。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 最有效的救市 2019-10-23 11:24:55
星期六日唔行出街的每人可獲一百元。
3. 十一哥 2019-10-23 11:57:36
9官其實係玩緊放血 ! 


4. 十郎 2019-10-23 12:13:05


      我提議捱多兩個月 , 如果1月仲未擺平 , 就嘥阿娜娜。否則咁多行家死得7788 , 冇咁多敵手之下 , 咁又執一執d裝修  , 做獨角獸呢。執左重新開番要好多銀両呢。



5. 居住 2019-10-23 13:09:52
今時今日買樓,最好儲定十年八年所有開支,以防不測
6. 十一哥 2019-10-23 13:41:13
早前講過、呢鑊嘢…異士幫咗門口生意…斷臂 ! 番揸沙、魔童就體驗最深…689面就仇人…實係大恩人、比佢玩得成公仔箱…50個億煙消雲散…仲可能泥足深陷、

7. O 2019-10-23 13:54:51
個人諗為11月尾區議會選完, 如果泛民黑衣人大勝或者羅到過半直選票, 就會有排暴動落去。

建制羅到就等睇所謂民主人仕華麗轉身啦。
8. WWSG 2019-10-23 16:13:26
回7
建制奪大比數的話,一定又話種票,舞弊,
唔駛估一定又反枱.
而家係發生緊生閹香港.
9. 引刀一快 2019-10-23 16:14:55
To 1樓

你呢招真係攬炒😂😂😂
10. 高進 2019-10-23 16:17:10

湯博士,

我都很同意你的說法,那些少恩少惠不要也罷,我是在紅磡有隻船的商場裡租了一個商舖做生意的,你都十分明白現時的境況完全冇生意搵埋都唔夠交租,要求大業主提早解約我自願賠償4個月租金,但對方不肯應承,還說要賠就要賠償餘下2年的全數租金,就算關門都要俾足24個月的租金,否則便會告我,因為簽租約的時候對方要我簽一份保証書,如果公司唔交租我這個保証人要負責交,請湯博士救救小弟,怎樣解決呢?

11. 十一哥 2019-10-23 19:13:06
9官已經冇閃縮…擺明玩嘢搏炒、20億散比玩得起電車班友、有銀遊埠嘅又人人派封利事仔、正苦玩呢D…行政成本好甘。

12. 向引刀‧土著‧自醉‧浪子說不 2019-10-23 19:49:33

【貴絕全港】中環中心現「車位王」 760萬元成交創新高

分享
中環中心一車位新近錄得760萬元成交,貴絕全港。
中環中心一車位新近錄得760萬元成交,貴絕全港。
建立時間 (HKT): 1022 14:51

雖然社會運動持續,工商鋪市場價錢續跌,但核心商業區車位新近錄得破頂成交,中環中心有一車位錄以760萬元成交,創全港車位成交紀錄新高。

市場消息指,成交車位為中環中心B1層1023號,原業主為人稱「物流張」的資深投資者張順宜,半年前放售,當時開價800萬元。但近幾個月貿易戰加上社會運動持續,經濟局勢轉差,雖然仍然錄得準買家洽購,但最終仍要減價40萬元,仍然以破紀錄新高價760萬元成交,貴絕全港。新買家為中環中心業主,買入車位自用。

原全港最高價成交車位為今年8月,同樣位於中環中心,B2層2068及2069號相連車位,當時各以635萬元沽出,賣家同樣為張順宜,其三個中環中心車位已經套現逾2,000萬元。

是次車位成交價之高,在本港已經足以上車購買新樓。屯門新盤恆大.珺瓏灣首張價單入場單位318萬元,最高543.2萬元,是次成交已經足以買入兩伙入場單位。 


13. 紅磡船 2019-10-23 22:13:02
網開一面哥有時又堅持合約精神,都幾難揣摩佢的心情。
14. 十郎 2019-10-24 08:04:21


      大話怕計數。

      今日方向報話 , 香港有4,400億美元外滙儲備 , 另有過萬億港元儲備。這樣說香港共有45,000億儲備 , 平均800萬人分配, 就每人有56萬元。相比澳門年年人人派錢底下 , 香港人確實可憐。睇見澳門經常電視廣告旅遊 , 文化活動 , 商業活動 , 地區擴展 ,都建基於政治穩定。

      香港好多人反對派錢 , 香港咁多錢做乜先 ?網友話大花筒 , 元朗一條行人天橋要17億。早早派d給市民 ,皆大歡喜 , 政治穩定才是上算。好似梁醒波做戲 , 日日熨銀紙 ,上肥下瘦的結果。

      (如果有計錯數 , 請指正。)




15. 十郎 2019-10-24 10:33:02


      1983年 , 師傅人工在1,600元左右。

      我一個做建造業買手的朋友 , 叫我做300個銅板手(用來鎖門的簡單工具) , 我報價5蚊 , 佢叫我開33蚊 , 我收10蚊 , 你知點解啦。做好之後得餅乾盒咁大 , 我關照親戚用一架噸半車送貨 , 佢問我送完夠唔夠車費 ? 我笑笑不答 , 果盒野值萬幾蚊架 , 7個月人工。

      見微知著 , 工程費!!!哈哈哈哈哈哈。😋😋😋😋

16. 十郎 2019-10-24 10:57:25


      其實派錢係一個連漪効應 , 明白GDP計算方法 , 就推測到有乜野後果。聖經故事 , 僕人將錢埋在地底而受罰 , 明白原因嗎 ?

17. 工程費 2019-10-24 11:24:09
十哥, 勘察報告咪就係話果度有個大窿, 要係咁填, 填好多料落去, 多到唔知填幾多先夠, 所以寫住十七億先囉。
18. 十郎 2019-10-24 11:44:37
  

      17樓---------多謝提示 , 哈哈哈哈哈哈 。 果條行人天橋 , 是不是唔起唔得 ? 哈哈哈哈哈哈🤓🤓🤓🤓


19. 十一哥 2019-10-24 12:24:36
正苦波蓆落標時冇洗精算,判上判丶再判丶又判到真做果時先要精算,十一哥係内行中嘅内行。
20. 是不是唔起唔得 ? 2019-10-24 14:08:10
冇計, 淨係果個位先發現到有需要。
21. 引刀一快 2019-10-25 01:35:20
To 17樓

個窿係咪要填銀紙?
22. 十郎 2019-10-25 07:59:27


      到現在都未有人夠膽講及 , 收租同收數困難左。人心幾虛弱。

23. 自我陶醉 2019-10-25 08:41:38
港珠澳大橋填到出公海,都係用咗千幾億咋喎 ! 唔通元朗天橋底個窿仲大過公海??? 哈哈哈!
24. 十郎 2019-10-25 09:22:19


      好多人知道有一種叫做游資 , 在世界各地游走 , 他體積非常非常龐大 , 又唔貪心 , 1個巴仙 , 什至四分一巴仙都殺 , 因為體積大, 所以都好 “ 容 ” 。時間冇規定 , 幾小時或者一兩年都可以。

      游資去到某地 , 並不受當地政府歡迎 , 因為他來時就經濟火紅 , 到走時就一片凌亂 , 政府要執手尾。因為咁 ,有一些深謀遠慮的政府 ,會裝佢彈弓 , 方法我唔知 , 不過例如趁他買入某商品圖利時 , 突然間大跌 , 就鎖住游資。短炒變長揸。

25. 收租同收數困難左 2019-10-25 09:57:58
債仔直情唔見左。
26. 十郎 2019-10-25 10:35:21


      我都痛緊。

27. 十郎 2019-10-25 10:41:18


      呢次來得超急。

28. 痛緊 2019-10-25 11:12:19
隔離 post 有「小商戶」投問如何應付紅磡船王, 船王遲啲應該痛過你十倍。
29. 十郎 2019-10-25 12:03:39


      今朝報導話菁X有幾間撻大訂。

      LaLaLa , 好嘅唔靈醜嘅靈 , 上唔到會喇。

30. 有幾間 2019-10-25 12:39:47
會唔會果幾個根本係 dancer?
31. Z 2019-10-25 13:51:53
元朗17億天橋地底有窿可建隧道,窿大可建地下城,巨窿可建新衛星城市. 
32. 十郎 2019-10-25 14:28:01


      又天橋又隧道 , 佢玩晒啦。

33. 引刀一快 2019-10-25 15:01:37
咪係,咁大個窿,改隧道可能1700萬搞掂。
34. 十郎 2019-10-25 15:26:37


      你都幾幽默 , 話明係橋 , 點解要填窿 ?

35. 自我陶醉 2019-10-25 16:23:31
31樓,

你講嗰啲似係無底深潭多啲。哈哈哈!
36. 十郎 2019-10-25 16:52:12


      哦 , 呢條係魚餌來噃 , 整整下 , 1,700億埋唔埋到尾 ?

37. Fisherman 2019-10-26 11:51:24
介紹分筍工俾大家,長做長有。老人院護理員。
38. 引刀一快 2019-10-26 12:37:36
依家香港好進步,開價唔面紅,俾人質疑就排除萬難乜都嗡得出。
17億一條行人天橋,將會寫入史冊,香港萬里長城等價橋。
39. 自我陶醉 2019-10-26 13:19:50
引刀兄,

點只寫入香港史冊, 直頭要寫入世界健力士大全的最高呎價行人天橋啦!
40. 引刀一快 2019-10-26 13:48:10
自我陶醉兄

千祁唔好呀,某地方好中意挑戰健力氏記錄,到時呢啲咁嘢陸續有嚟,仲大鑊過走資。