地產博客 > 敢說亮話 返回
瀏覽人次:27139    回應:88
敢說亮話

茶餐廳亂話(538)7.1遊行不能出現的兩條標語

 

湯文亮博士

紀惠集團行政總裁
2019年7月1日

  今早時晴時雨,連回歸日升旗禮也搬到去會展中心舉行,跑步很辛苦。跑完之後去到茶餐廳,見到幾個年輕人正在準備今日下午遊行的標語。老闆同他們講,金鐘方面正在有警民衝突,如果還未平息,大型遊行活動可能會被勸止。老實說,主辦單位亦都唔想揹這個風險,年輕人當然唔同意。不過,他們亦要等最高指示。

  當年輕人檢視他們的遊行標語,老闆眼利,話唔見到兩條標語。不過就沒有問年輕人點解,因為問都冇用,標語並不是由他們製作,兩條標語包括「林鄭下台」以及「結束一黨專政」。如果遊行沒有這兩條標語,這表示主辦機構亦有底線。老實說,如果林鄭下台,擱置「逃犯條例」亦立刻消失,新特首可能會在上任時重啓立法,這個賭局博唔過。現在林鄭最好不但不要下台,還要繼續連任,才可以得到最大利益。

  在G20高峰會時,不少香港人要求19個國家關注一國兩制,並且在世界各地報章大賣廣告。如果遊行時高舉「結束一黨專制」,這代表香港干預中國事務。老闆認為這兩個標語不能出現,我亦有同感。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 林鄭上任兩年施政甩轆事件簿 2019-07-01 14:04:52

【71遊行】說好的「好打得」呢?林鄭上任兩年施政甩轆事件簿

2019年7月1日

今日(7月1日)是特首林鄭月娥上任兩周年,由於上月《逃犯條例》爭議引起社會巨大爭議,政府成為眾矢之的,預計今年七一遊行人數會遠多於去年。

回顧林鄭上任的第一年,政治氣氛相對緩和,和泛民主派的關係未至於太過惡劣。民主黨2018年3月黨慶,甚至有邀請林鄭到場(一度引起捐款3萬元風波)。該年一樣有政治紛爭,例如廣深港高鐵一地兩檢安排、立法會修改議事規則爭議,但最後政府/建制一方都安然度過,而且「上身」的並非林鄭本人。

但單由去年7月1日起計,林鄭月娥政府在任期第二年,已多次因應爭議政策,引來民意反彈,最後需要讓步、道歉或放軟口風。林鄭本人亦多次「上身」,成為輿論的圍攻對象。以下會細數林鄭任期第二年內,7件主要的甩轆政策。

1. 颱風山竹--有防災無善後

2018年9月16日,超強颱風山竹正面吹襲香港,天文台發出十號颶風信號長達10小時。特區政府事前高調預警,出動旅遊巴疏散高危地區的居民。然而政府防災虎頭蛇尾,遺漏了善後工作,風暴翌日市面路面交通一團糟之際,政府未有措施宣布停工,引來輿論怒轟。當時林鄭月娥堅稱政府沒有法律基礎宣布全港停工,更爆出「攞特首出氣係冇問題嘅,特首係可以俾人鬧」的金句,進一步激起民憤。

最終政府承諾檢討天災善後政策,今年6月初,勞工處公布新修訂的《颱風及暴雨警告下工作守則》,表明在超強颱風的惡劣天氣下,政府可因應需要公布「極端情況」,僱員在八號颱風警告取消後的兩小時,應留在原來的地點,而非立即啟程上班。政府可按需要延長警示。

2. 明日大嶼--備受爭議計劃押後

上屆政府曾建議發展「東大嶼都會」,在中部水域填海1,000公頃造人工島。林鄭月娥在去年10月的施政報告中,更提出擬在交椅洲一帶填海增至1,700公頃。

由於當時土地供應專責小組的諮詢尚未有報告出爐,而過往填海1,000公頃的建議連初步研究都未做好,政府就忽然提出一個「加強版」的建議,被指偷步。而在中部水域建人工島,潛在的環境和造價問題引起頗大爭議,甚至有批評指計劃會花光香港財政儲備。

施政報告公布後民意反彈,數千市民上街反對明日大嶼計劃。隨後政府亦放軟口風,表示可以先處理原計劃的1,000公頃,餘下的新增700公頃容後再議。發展局局長黃偉綸今年向立法會尋求研究撥款時,也是先處理原先的1,000公頃。在6月的《逃犯條例》爭議過後,撥款申請更被押後審議。

3. 土地共享計劃推遲--土地大辯論幾「爛尾」

土地大辯論的其中一個爭議點,在於如何釋放新界閒置私人農地。政府一直抗拒動用《收回土地條例》向發展商收地,傾向公私合營發展,但民間團體較多認為這會將發展主導權交予地產商,亦易引起官商勾結嫌疑。

去年施政報告中,林鄭月娥同樣在諮詢未完結時,率先公布「土地共享先導計劃」,推動公私合營,預計今年6、7月會公布細節,下半年接受申請。但基於反《逃犯條例》修訂引起本港政治環境大變,政府在今年6月底決定項目押後公布。

隨著土地共享項目押後、棕地研究遲遲未完成、粉嶺高爾夫球場只收局部,政府在整個土地諮詢中的短中期土地選項,效用已所剩無幾。

4. 收緊長者綜援--建制泛民齊反彈

上屆政府曾建議將領取長者綜援的合資格年齡由60歲提高至65歲,以「配合人口政策延遲退休年齡的方向」,本屆政府著手落實。政府事前未有張揚,只在去年的財政收支總目(即俗稱「電話簿」)及《2018年撥款條例草案》中輕輕帶過。

由於社會福利署擬於2月1日正式提高長者綜援門檻,社會廣泛關注,因大批60至64歲的清貧長者生活或受到衝擊。林鄭月娥和勞福局局長羅致光在此事上受廣泛批評,其中林鄭在立法會回應建制派議員提問時,反向議員指該措施「係各位(議員)批准嘅」,開罪泛民以至建制派,事件亦演變成政治風波。

最終,政府在1月18日宣布向60至64歲、不能工作的年長人士提供1,030元津貼,補回長者綜援門檻提高後的差額。政府原先仍想對沒有找工作的60至64歲人士扣除200元,但在跨黨派議員繼續反對下放棄。這宗鬧劇,亦重創整個政府問責團隊,尤其羅致光的民望。

5. 派錢4000之亂--不派不派還須派

2018年2月,財政司司長陳茂波宣讀財政預算案,被指偏坦中產、高收入人士,冷待基層,在輿論壓力下,一向堅拒「派錢」的政府突然轉軚,宣布「補漏拾遺」方向,向合資格市民「關愛共享」派發4000元。如在其他預算案措施受惠未足4000元,也可以補足差額。計劃由在職家庭及學生資助事務處(職津處)負責,今年2月1日開始接受申請。

不過計劃被指申請條件複雜,要求多多、安排混亂,不能網上申請,市民連自己是否合乎資格、能拿多少都不清楚。政府對是否需要住址證明、郵費等問題也朝令夕改,導致滿城風雨。及後陳茂波要在今年1月底向公眾道歉,另在政府合署、屋邨辦事處等增加投遞箱。

申請開始後,政府收到至少340多萬份申請表,但被指處理極度緩慢、行政安排混亂。政府目標是在9底前完成派錢工作,意味這項去年3月宣布的措施,幾乎要花一年半時間才能處理好。

6. 三隧分流硬闖失敗--政府被譏「三流分隧」

林鄭月娥於去年施政報告中,建議調整東隧、紅隧、西隧三條過海隧道的收費,在私家車收費上,紅隧由20元加至40元、東隧由25元加至40元,西隧由70元減至50元,以平衡3條隧道的車流量。今年1月,運輸及房屋局向立法會提交文件,要求在1月23日討論三隧分流的無約束力議案。

不過加價始終是選舉包袱,連建制派都不太敢支持。1月22日,政府以中環灣仔繞道剛通車需收集更多數據為由,暫時抽起議程。到3月26日,林鄭開記者會宣布,未能取得立法會足夠支持,決定擱置議案,直至2023年收回西隧前,都不會再研究和商討三隧分流問題,計劃壽終正寢。立法會前主席曾鈺成亦嘲笑政府此計劃為「三流分隧」。

7. 修訂逃犯條例變政治風暴

今年2月,政府聲稱為處理去年發生在台灣殺人案,建議修訂《逃犯條例》,容許與香港沒有簽署長期移交協定的國家或地區,包括中國內地,向香港提出引渡要求。由於不少市民對中國內地法制欠缺信心,擔心條例會被利用作打擊政治異見者的工具,非建制派將其稱為「送中條例」,連法律界都對政府的修例亦有保留。政府先後兩度修訂條例建議內容,但都無法得到民間信任。

事件持續發酵,民陣在3月31日、4月28日及6月9日先後發起遊行,其中6月9日的遊行,民陣公布有103萬人參與(警方指最高峰有24萬),但政府依然企硬。民怨持續升溫,到6月12日,在金鐘一帶的示威演變成嚴重警民衝突,警方出動催淚彈、布袋彈、橡膠子彈等對付示威者,引起極大反響。這一役堪稱林鄭上任,甚至回歸以來最大管治危機。

林鄭於6月15日宣布暫緩條例修訂,不過市民不滿她只是「暫緩」而非「撤回」方案。而當日警方被指使用過分武力,更用「暴動」形容示威,民間要求嚴查追究警察、撤回「暴動」定性及釋放被捕人士。6月16日的示威,據民陣稱有接近200萬人參與(警方指按原定路線高峰期有33.8萬人)。

在政治風暴下,政府管治威信重創,立法會多個爭議項目如明日大嶼前期研究撥款、《國歌條例草案》二讀、土地共享先導計劃,亦面對不同程度的押後,行政會議連續兩周暫停,政府領導層工作近乎癱瘓。而爭議到現時仍未完結。



2. 林鄭房屋政策虎頭蛇尾 2019-07-01 14:07:54

【71遊行】林鄭房屋政策虎頭蛇尾 多項「新政」只聞樓梯響

2019年7月1日

特首林鄭月娥上任已屆兩周年,她過去曾多次強調,房屋土地問題最為重要、嚴峻。《香港01》翻查林鄭當初競選承諾,以及任內提出的相關施政措施,檢視她是否「找齊數」。

房屋政策

重建置業階梯

(一)居屋

林鄭於去年6月推出「娥六招」,其中一招是修訂居屋定價機制,單位售價不再以與市價脫勾,改以申請人的負擔能力計算。

在新機制下,2018的新居屋項目最終由市價7折改為52折發售,單位平均售價由360萬降低至268萬;至於今期推出的居屋,售價則為市價59折。

(二)構建港人首置上車盤

林鄭在2017年宣布計劃時,曾為之預留一幅位於觀塘安達臣道的地皮,惟至今仍未聞其發展詳情。後來,政府邀請市建局將馬頭圍道項目改作首置盤「煥然懿居」,並於本月完成揀樓程序。

(四)白居二恆常化

房委會早於2017年將「白居二」恆常化,去年配額增至2,500個,今年增加至3,000個。

(三)增加綠置居供應

房委會資助房屋小組於去年初通過綠置居恆常化。在林鄭任內發售的綠置居項目,包括去年推出的長沙灣東京街麗翠苑,共提供逾2,000伙,以市價42折發售;至於今年年尾,將推售柴灣柴灣道及青衣青鴻路項目,合共提供約3,700伙,售價為市價49折。

出租未補價居屋單位

房協早於今年9月推出「未補價資助出售房屋—出租計劃」,惟只能分租房間,至今仍然「零成交」,反應冷淡。

據了解,為增加吸引力,房協已制訂優化計劃措施,包括放寬整個單位出租,並擴展到房委會轄下未補價資助出售房屋,惟房委會至今未開會討論。

為了幫助基層解決住屋問題,政府成立過渡性房屋專責小組。(資料圖片)

為基層提供適切居所

(一)過渡性房屋

截至今年2月,現時共有9個過渡性房屋項目,可提供約610個單位。連同現時正在推行的項目,預計可提供約900個單位。

運房局已成立專責小組,協助民間推出過渡性房屋。後來財委會又於今年一月通過撥款,協助非政府機構善用空置政府土地作社區用途。不過,雖然政府宣布預留20億元,以支持民間興建過渡性房屋,惟立法會至今仍未審議其撥款建議。

(二)活化工廈改裝過渡屋

暫時未有工廈改裝成過渡性房屋。不過,地政總署早前發出作業備考,若業主3年內完成修訂地契,則須在5年內完成重建,可取得20%額外樓面總樓面面積。

(三)私樓地撥作公營房屋發展

林鄭去年宣佈,將9幅私樓地改作公營房屋發展,其中三幅位於啟德;六幅位於安達臣道石礦場。不過,據悉相關土地礙於城規等程序,至今未能發展,完工時間或拖遲一至兩年。

徵收一手樓空置稅

林鄭早於去年已宣佈其措施,但今年3月才正式將立法建議提交立法會,至今仍然未正式提交立法草案,亦未開始一讀、成立法案委員會等程序。

開拓土地

成立專責小組檢視土地供應來源

土地供應專責小組於2017年9月成立,為土地供應來源進行公眾諮詢,最後小組於去年底完成報告,並建議政府優先研究及推展8個土地供應選項,包括利用私人遊樂場地契約用地、東大嶼都會等。

展維港以外近岸

政府過往提出的5個近岸填海選項,即屯門龍鼓灘、大嶼山欣澳、大嶼山小蠔灣、沙田馬料水、青衣西南。

後來政府指出,將集中推展龍鼓灘、欣澳和小蠔灣的三個填海項目,並計劃在今年下半年向立法會申請撥款,當中龍鼓灘預計明年第2季開始研究。

東大嶼都會

在「土地大辯論」進行期間,林鄭突然提出「明日大嶼願景」發展計劃,包括擴大東大嶼都會填海計劃,填海面積由原定的1000公頃,加碼至1700公頃。

因應《逃犯條例》爭議,明日大嶼中部水域人工島研究撥款,近日被調至立法會財委會最後一項議程,至今仍未審議。

推行土地共享先導計劃

政府早前曾指,於6、7月期間向行政會議提交方案詳情及細節,政府近日承認計劃或要延期推出。

開發棕地

規劃署於 2017 年年中委聘顧問進行「新界棕地使用及作業情況研究」,早於今年5月,特首曾稱會在月內公佈報告內容,惟至今仍未有下文。

落實一地多用

政府有意在屏道及觀塘道一帶位置興建綜合發展項目,同時容納公務員學院、社福設施等。此外,政府亦擬於柴灣預留用地,興建綜合大樓重置5個政府部門設施。

重建公務員合作社

政府早前邀請市建局物色適合的公務員建屋合作社樓宇地段作重建。市建局早前指,已選定兩個試點,涉及37個合作社,現時正與財政司司長溝通,未有詳情。

3. 林鄭無得救!! 2019-07-01 14:24:03
升旗儀式完成,7.1酒會舉行,林鄭致詞,她指經過今次事件,她會吸取教訓,未來施政會更貼近民心、民情、民意,回應市民所思所想所求。她續指政府的施政風格需改變得更開放、包容,以及革新聽取民意的方法。

她指工作刻不容緩,提出五項革新,包括親自與不同人士會面,保持政治觸覺,掌握社會脈膊;主動接觸不同背景的年輕人,聆聽他們的心聲;加強政府分析民情的能力;加強行政立法溝通;制定政策時會審時度勢。

================================================
21世界的今天,還需要「親自與不同人士會面,才能掌握民心、民情、民意」,可見得林鄭的無知和與IT年代完全脫接,今天資訊年代每天花小小時間上網就能知天下事,還能與不同階層人士討論,特朗普都日日玩Twitter啦。

林鄭無得救!!
4. 「林鄭下台」 2019-07-01 14:32:31
「林鄭下台」
5. 十一哥 2019-07-01 21:34:45
蓄意誘入立法會 …盡情破壞…有港人睇數、誘敵深入…聚而韱之、呢班友瀨嘢嘞 !

7. 向泛民说不 2019-07-01 22:36:21
1楼,2楼简直是人渣,颠倒是非黑白。有你地饭民拖后腿,咩人做特首,咩都唔掂。

仲有唔L好玩仇恨轮回。你地人渣在破坏香港。
8. 路過 2019-07-01 23:47:13
To 4樓,唔好混淆視聽啦,邊個上台都一樣,正如美國背後有班人控制左美國一樣,香港都一樣,大家一日唔搞清楚點聚焦處理利益傾斜問題,換多十個特首都無用,槍打出頭鳥,就係咁簡單
9. 路過 2019-07-01 23:50:34
背後依班人,好識得蠱惑人心,模糊視線,亦多得多年黎填鴨式教育,培育左一班無獨立思考能力既人出黎
10. Zeitgeist 2019-07-02 09:49:45
香港冇文革,只有"聞革",聽"聞"自己好重要,會俾中共捉番大陸,鬧情緒,"革"埋自己條命同香港前途。
你估中共捉你養你平㗎!米最平都7-8蚊ㄧ公斤啦,其他更不用講,飲飽食醉後要文娛活動,成班大少爺太子女,夏天怕熱,冬天怕凍,冷氣唔夠凍就已經投訴,嬌生慣養。最大大聲班佔中死士,到而家仲生勾勾,肥肥白白㖭。
罷市就咪搞啦,自我感覺良好的遊行人士,行完遇上罷市,叫食肆罷市?咁呢班"公義上身"嘅朋友食乜啊?吹水公義都要食飯㗎,食少ㄧ餐半餐都瓜瓜叫啦!
香港人咪當自己係VIP啦,中共啋你都儍啦,仲話捉你養你喎!香港人有冇咁重要啊?中共睇你班港人都係VIP,不過係Very Incorrigible People咋!
你地班港人繼續ㄧ哭二鬧三上吊啦,中國十四億人囗,少香港呢七百萬好大鑊嗎?一年畢業嘅大學生都七百萬啦!仲未計海歸回流個批呢!
蘋果老總Tim Cook都話啦: 在蘋果美國叫ㄧ班科技工程師攻關克難,只能坐滿一個課室,但在蘋果中國就可以坐滿一個球場。
人生可悲的是你以為自己真的是一回事,但別人卻當你透明,不當作ㄧ回事。
香港人,醒吓啦,呢個世界冇乜野人和地點,是不可以替代的,Don't think too highly of yourself!
香港人,先修身齊家啦,養掂自己頭家妥妥當當,才講治國平天下啦!
11. 香港土著 2019-07-02 10:14:47
十樓,"Don't think too highly of yourself!"留下自用吧。打一大篇,自以為高論,實則譚校長一般水平。最簡單一點,要是香港真的如此不堪,閣下應該擁抱大灣區到江門定居最為適合,何必繼續用繁體字試圖點醒一眾Think Too Highly of Themselves的香港人呢?

珍惜閣下寶貴光陰,收皮吧。
12. Zeitgeist收皮 2019-07-02 11:20:52
10樓的Zeitgeist, 你打一堆繁體字都遮蓋唔到你呢個大陸仔。

真係好可憐, 成日見一堆被新聞封鎖咁多年的人係度批評一個新聞同言論自由的地方。自以為是的人, 往往就係批評香港年青人的人。

你以為年輕人上街為左證明自己係VIP? 錯晒, 係你地眼中, 乜都只為錢, 權力, 「公義」對你地來講就如痴人說夢, 都明白, 你地住係一個用錢就乜法律問題都可解決的地方, 有乜公義可言。
13. 睇唔過眼的人 2019-07-02 11:25:38
我仍然支持林鄭!邊個做特首都唔掂架啦!
14. Zeitgeist 2019-07-02 12:03:32
"......收皮吧!"
I will keep it short, sharp and simple:--
----Will you shut up! We are discussing Freedom of Speech!
15. Zeitgeist 2019-07-02 12:03:55
"......收皮吧!"
I will keep it short, sharp and simple:--
----Will you shut up! We are discussing Freedom of Speech!
16. Hongkong People 2019-07-02 12:05:02
10樓:

非常同意閣下觀點!

我哋其實有乜所謂,香港唔掂隨時擁抱祖國, 之但係D港豬搞倒香港人形象低落,返到去都想認係香港人,班港豬真係丟架出銀河系,蠢出一個新髙度!
17. 睇唔過眼的人 2019-07-02 12:44:52
我之前都有寫留言叫飯民收皮,但係點解我個留言會唔見左,其他人就都仲係度?
18. Zeitgeist 2019-07-02 13:32:59
To HongKong People
I too don't think China will care deeply about HK from now on. All favourable policies to HK that can be given had been given to HK since the Handover;  even to the extent of pulling the legs of other nearby provinces. All good words and gestures that can be offered had been put to the HK people by the heads of the Party since 1/7/1997. And what does HK give in return? Not a word of gratitude. 
It is high time for the HK people to sort out their own problems, China has a lot on its plates itself. All these riots and unrests, though they may not look good on HK and China, serve both a valuable lesson to the 1.4 billion Mainland Chinese about the pitfalls of unbridled freedom and nascent democratic system, as well as dispelling the lies and fake news circulated by the Western media since 1997.
Let HK rot, let its economy nosedive to the south, let the harsh reality reveals the fragility of this city.
Afterall, no one and no place is irreplaceable in this day and age. With a 7 million strong university graduates and countless engineers and specialists came out of the high schools EVERY year(even Apple's Tim Cook acknowledges this fact), it is not difficult for China to reconstruct another HK, and possibly more,  in the Mainland. 
The Truth hurts, and that is the only way for HK people to learn, and learn they must.
As for the incorrigible, God bless them, and blessing are what they need 
19. 自我陶醉 2019-07-02 14:06:49
回歸前香港GDP 佔全國GDP近20%, 現在已跌到得3%,中央只要改變一下國內城市的開放政策,隨時可以取而代之,現在連作為台灣回歸樣板的希望都幻滅了,香港實在是可有可無。

其實明眼人都睇得出,昨晚發生的暴亂只是一場戲。 之前就係因為政府太強,暴民都未現形就急不及待出手,警隊先會被千夫所指,今次學會先讓暴民表演,之後就大條道理進行大搜捕,兼且贏回社會甚至國際嘅支持,更成功將政府行政失效嘅視線,轉移至這班暴民身上。

而呢班失去理性嘅暴民,實在蠢到冇朋友,不但將社會原先對佢哋嘅支持、信任摧毀,亦令泛民明白到,佢哋根本無能力駕馭呢班對政府施政極度不滿嘅年青人,對泛民來說絕對係重大打擊。

20. 睇唔過眼的人 2019-07-02 14:48:04
欣賞呢度算係咁,有言論自由,好野!
21. Hongkong People 2019-07-02 15:12:04
Zeitgeist and 自醉兄:

Totally agree with you two.

Hong Kong still have more role to play before free float of RMB.  After that Hong Kong will finish all its role and can rot by itself.

It's sad to see the fall of Hong Kong, but no one to blame but our own people whom may be too naive and are manipulated by traitors or western powers, or with contrary views but never stand firm enough to guard their own views.

Nevermind, smart one can always find his/her blue ocean.  No one needs to sink together with Hong Kong.

22. 睇唔過眼的人 2019-07-02 21:36:21
我也同意香港係一段時間後唔會係中國有乜野特殊地位。我身邊既黃絲仍然反大陸,反共產政權,我尊重佢地有言論自由,就由得佢地講,但我對很多觀點唔認同。算吧,你有你黃,我有我藍,等時間證明吧!
23. 引刀一快 2019-07-02 22:54:15
其實講到底,社會咁多怨氣,就係源於樓價。
如果個個細路畢業之後都有800呎樓住,租得起買得起嘅價錢,邊有咁多細路搞事。
都係果句,不單只要投資大灣區,香港應該要飛地,只要飛地,香港就可以重新上路。
24. 自我陶醉 2019-07-03 09:25:33
Hongkong People姐說得對,懂得放下,放眼世界,才會有未來。

我很明白年青人嘅感受,現今政策的確有很多失誤和不公義的地方,無止境的輸入人口,更令社會所有配套包括房屋、醫療、交通都完全失衡,確實是官迫民反,這場暴亂的出現早已在預計之內,相信未來亦只會越演越烈。

年青人要明白的是,現在的香港已經不像以前的香港了,中國的掘起已經大大削弱了香港作為中間人的角色,也許它的歷史任務已經完結了!  在香港生活咗幾十年,從來都冇民主,英國佬年代冇,現在亦冇,實在冇咩分別,與其懷緬過去,不如積極創造未來。 老實說,以泛民現時的政治能力,我唔覺得他們可以領導香港,有了民主之後又如何? 

現今的香港,只是一個政治角力場,人口不斷膨脹就是為着政治目的,剩下的只有炒作、貪婪,希望年青人能認清自己的未來發展方向,縱然全世界都負你,自己也不應放棄,此處不留人,自有留人處。 與其用生命、用自己的前途作賭注,不如放眼世界,放眼中國,積極創造自己的一片天。

25. Zeitgeist 2019-07-03 10:28:28

Who is the most sensible person? The one who finds what is to their own advantage in all that happens to them.

Johann Wolfgang von Goethe

26. 解決社會矛盾方法,只有一個 2019-07-03 10:54:38
解決社會矛盾方法,只有一個
 
1967 年暴動,之後英國政府,實施宵禁,當時英國政府深知,香港人永遠不會承認自己是英國公民,總使英政府續個游說示威人士,也無用,英國政府立即開會,應該怎麼辦?當時英政府請了一些心理專家去解釋這社會問題,結果政府立即決定落實執行心理專家的建議,結果幾年後,香港欣欣向榮,成為東方之珠。

究竟心理學家建議了政府做什麼?能讓那麼多人平息怨恨,變得所有動力專注在(搵錢)方面? 

原來心理學家建議了此方法:就是大量興建(房屋),因為只要人類有了居所,自然會去(做愛)跟配偶發生性行為,之後生兒育女,所有精力放在育養小孩,而對於一些高風險的活動大大減底興趣,因為他們會考慮這點,如果父母出了事,孩子誰去養育,這是一般正常人類會考慮的事,所以之後政府大力興建很多大型(公共屋邨),包括華富邨,愛民邨,彩虹邨等等...... 政府也明白,人類會不斷追求生活品質提升(higher living standard) , 所以制定了一些段梯給市民,人們會向上流,搬家到更好的居所,(屋邨)下一步是(居屋),(居屋)下一步是(夾屋),(夾屋)下一步是(私人物業),當然有不少市民由公屋搬到去私人物業,或一些已經成為富豪級人馬!

回看近這幾十年社會越來越變得激進,為什麼呢?原因是近二十多年,公屋少了,居屋少了,夾屋已經冇了!由於年青人,沒有地方可以(性交),精液上腦,令人格激動,原於沒有地方安心(做愛),所以社會越來越矛盾!

所以要解決這社會矛盾的問題,方法只有一個,就是(大量興建公屋),放寬入住要求,譲更多人有居所(做愛,性交),鼓勵生育,成立家庭!相信社會問題一定可以解決!
27. 睇唔過眼的人 2019-07-03 14:10:21

其實我想請教各位高人,點解以前英治時期既香港會冇人出黎暴動?我想問係英國佬玩政治叻定係另有乜野原因?請指教一下,謝謝!

28. 相信社會問題一定可以解決 2019-07-03 15:43:52
今日都解決唔到公屋問題, 他日如何解決公屋問題 multiplied by n after they produce so many much more offspring who rely on public housing but not private housing?
29. 點解以前英治時期既香港會冇人出黎暴動? 2019-07-03 15:56:20
為了咩目的值得去暴動?
30. 引刀一快 2019-07-04 06:35:02
自我陶醉兄

就係囉,橫係掂係香港都係咁喇,班細路應該放眼大灣區,面對一下香港冇面對過嘅挑戰,亦享受一下過去未享受過嘅嘢,早早成材。
31. 自我陶醉 2019-07-04 08:18:20
回 27樓

我雖然唔係高人,但都可以嘗試答你呢個問題,其實歷史可以印證,動亂以至革命都會在貧富懸殊到達極點,政府腐敗無能時出現,咩年代咩國家都係一樣。

港英政府以前都一樣有暴亂,最大鑊發生在1967年,背景是50、60年代,大量新移民湧到香港,提供大量廉價勞動力,由於房屋供不應求,加上當時沒有勞工法例保障,市民在面對重大生活壓力之餘,還遭到無良僱主剝削,社會積聚大量怨氣。 講你都唔信,引爆當年大規模暴動的,只是新蒲崗一間小小工廠的勞資糾紛,當時隨街都有炸彈,死了不少人,幾百人受傷。

港英政府處理這些危機時,和現時港府的最大分別是,當年的港英政府在事件發生後,都會認真檢討,找出問題的核心,盡快跟進及改善。以下舉一些例子,1953年12月石硤尾木屋區大火,次年已經開始落實興建廉租屋,之後更大興土木,興建大量公共房屋,取締木屋,經過1967引發暴動的勞資糾紛後,1968就訂立勞工法例立法保障勞工權益,1987股災突然停市後, 1989年證監會就成立,這就是當年港英政府處理危機的方法。

又睇番我哋現在嘅政府,佔中之後,除咗拉人,DQ哂的泛民議員滅聲,仲做過啲咩我真係唔知。 除了將呢班年青人標籤做廢青之外,直到現在有冇深入研究點解咁多年青人對政府施政不滿?有冇提出過點樣消除呢啲怨氣? 除咗日日將加強溝通放在咀邊,有咩實質補救行動? 一個政府係咪真心做實事,其實市民個個都心中有數,唔肯面對問題的核心,永遠都無法解決問題。
32. 引刀一快 2019-07-04 11:03:34
自我陶醉兄

一個政府係咪真心做實事,

依家,四個字可以概括香港政府一切,人浮於事
33. 自我陶醉 2019-07-04 11:33:52
引刀兄

我只用兩個字概括“無奈”! 哈哈哈!

知否世事常變,變幻才是永恆!  今日董伯伯將問題歸咎通識教育,看來教育制度很快又要變幻了。 

34. Hongkong People 2019-07-04 13:25:30
自醉兄,

我認為港英政府同特區政府有個核心分別,導致兩個政府有天壤之別施政效率; 港英政府基本係獨裁政府,行政立法兩局所有議員皆為委任官守議員,定好政策基本就係全力推行,外部勢力亦無滲入搞局,施政唔會有仼何阻力;反之特區政府,多得英國政府臨走時布局設計,有不知所謂嘅垃圾會,犯民議員為反而反, 有區議會環評局攔路,有親西方法官,有被滲透嘅教育系統,及被濫用嘅新聞及言論自由,基本萬事不行,如何做出政績有施政效率呢?

香港而家情況係唔會有出路,大家無謂怪責制區政府,作為聰明人只須瞭解情況,順勢而行,多作對自己有利的打算,香港的命運就由天吧!
35. Hongkong People 2019-07-04 13:28:36
自醉兄,

香港的下一代是如此素質,你唔覺得香港嘅敎育制度係早已幻滅咩? Certified dead.
36. 董伯伯將問題歸咎通識教育 2019-07-04 15:28:20
阿董仲講特衰正苦沒有政治部, 政治部是靈丹妙藥? 唉...唔講好過講。
定好政策基本就係全力推行: 英式行正會本來是為分餅仔, 分好餅仔就做野, 港式行正會係為乜? 真係唔知喎。
如何做出政績有施政效率呢? 越施政啲野越分唔云, 太貪心顧此失彼, 做醜人真係咁難? 其實好多本土人覺得士頭婆好, 只係因為佢睇起來順眼, 足以掩蓋佢的機詐。

37. 引刀一快 2019-07-05 03:36:21
To 27樓

咁簡單都唔明?以前香港人努力,除咗為自己,仲要兼顧關照大陸嘅親朋戚友,邊有時間精力心思去嘈呢。依家大陸D親戚個個有毛有翼,有D仲有錢過你,咁新一代又要面對嚴重嘅貧富懸殊,冇父幹就冇首期,仲要有班人成日話,唔買樓冇賓州,銀行加息我加租,之類,咁文明先進嘅社會環境裡面,佢地付出只能維持生活,冇累積冇上游,亦恐怕無法俾仔女一份“父幹”。
生活成本世界最高,不過生活質素同工資收入就唔係最高,自然有人頂唔順喇。
38. 自我陶醉 2019-07-05 08:22:18
Hongkong People姐,

首先我要聲明自己立場,我唔贊成暴動,呢個係非常愚蠢嘅行為,而參與者亦都要付出很大代價。但我都講過,社會到某程度嘅貧富懸殊,政府到某程度嘅腐敗,呢啲暴亂就會發生,無分年代,不分國界,也許這就是人性。

我都同意現時行政架構的確是不倫不類,行政長官只係對幾百個有權投票嘅人負責,而呢班大部分都係社會的既得利益者,然後又要其他人投票支持呢少撮人嘅決定,的確荒謬到極。 但施政效率低,唔係可以唔做嘢嘅藉口,難道政府做嘢紓解民情,減低青年人對政府的敵意,也會有政黨反對嗎?

我絕對同意要做好教育工作,兒童自小要有國家概念,要學會守法,要學會做個正直嘅人。我對未來教改只有一個要求,千祈唔好令下一代只會賺錢,一談到政治就唔敢發表自己睇法,更加唔好令佢哋連咩係國家同政黨都唔識分,就係咁簡單。人要有自己思想同分析能力,唔好人云亦云,只懂得做應聲蟲,呢個先係教育嘅可貴。

講到獨立思考和分析,就拿隔離在網上抄嘅一篇文做個例子,若果用一個分析的角度去閱讀的話,就不那麼容易變成應聲蟲了。 文中話香港人以前咩都唔支持,香港今日先搞成咁,咁香港人支持咗嘅數碼港、遊輪碼頭現在又搞得有幾出色呢? 中藥港有冇人反對? 依家又去咗邊? 點解咁巧合,我哋支持嘅就做唔掂,唔支持嘅就風生水起?

知否當年搞數碼港,李X街入股騰訊20%, 一年就將股份賣哂,將數碼港變成地產項目,呢個係咪香港人可以控制? 定係政府監管不力被人利用? 定係地產商冇遠見走寶? 點解篇文對此事完全隻字不提,然後一味話咩都係香港人自己攞嚟衰? 到底咩目的?

老實講,就算張汝京選擇落戶香港,又係咪代表成績會同選擇到上海一樣? 香港有冇足夠資源、人才、勞動力、資金耐性去配合佢發展? 就算來了,佢下場又會唔會同騰訊一樣,未曾深愛已無情? 全篇最中肯應該係呢句: “經濟脫實向虛,掉頭轉向「金融業、地產業、服務業」。把資本炒到天上,把房子炒成天價。”

以香港地價同工資成本,生產企業未開始賺錢已經被香港嘅地主吸乾了,否則都唔會迫到所有生產企業北移。 「中藥港」計劃落空,到底係文中所說的因為資本短視,還是因企業根本無法承受咁高昂嘅成本而放棄呢? 

地價貴,租金貴,人工貴早已完全扼殺了企業生存空間,試問有幾多初創企業會鼎得住咁嘅成本? 呢個先係令香港 certified 嘅原因,咁到底成本貴又係邊個錯?  醒下喇香港人,何必以訛傳訛呢!

另外,小弟還有個建議,網友在引用別人文章時最好寫清楚出處,一來讓讀者了解寫作人的背景、理念、政治取向,文章來自大公,定係白官,又或是法輪功,政治目的不同,讀嘅方法亦大有分別,二來更可免卻被誤會是侵犯別人知識產權的缺德行為,實在好處多多。

39. 向泛民说不 2019-07-05 09:29:35
自醉,所以引刀叫香港人去大湾区真系有先见之名。你讲的那些话好多香港人都是这样想。甘样心态,仲有咩竞争力,独立哦,点样大湾区竞争,不要说一个广东,就是大湾区,香港也不是对手。
在选举文化下,香港人变得又蠢又懒又姓赖。以前香港人闹人,你性赖啊。现在就乜都赖政府。
你讲我知,香港仲有咩竞争优势。不要说法制,资本家身体最诚实,64后,香港工业加快搬去大陆,搬去没有法制的大陆。
40. Zeitgeist收皮 2019-07-05 12:05:41
自我陶醉兄同Hongkong People, 講野咪有質素咯, 雖然觀點同Zeitgeist 一樣, 但都會以事情根本同反坑的年青人觀點去睇成件事。

反之好似Zeitgeist, 同好多官員, 思想守舊的老闆一樣, 永遠用高高在上的觀點去睇年青人, 淨識得想叫唔啱聽的人收聲, 俾著呢D人話事, 邊會解決到根本問題。

你地以攪事的年青人, 會唔知後果係點? 佢地係絶望到預左死, 去怪責佢地之前, 政府點解唔認真去了解下一個正常的年青人, 思想點解會去到呢個地步, 淨係識得話嚴徵, 有用? 5年前佔中後, 都拉左一大班人啦, 你以為佢地會驚? 解決唔到根本問題, 你拉得一班反坑人仕, 只會有另一班出現!!
41. 佢地係絶望到預左死 2019-07-05 12:27:56
咁你是否讚成安樂死, 讓想去死的人適得其所哉?
42. 向泛民说不 2019-07-05 12:42:10
40楼,唔怕死又带咩狗罩。阿爷已经将狗罩暴徒定性极端分子。比暴徒高一级,接近isis恐怖分子级别,不过基督教极端分子和伊斯兰教极端分子都系一样。不要自己带高帽。
80年代黎巴伦基督教长枪党发动抗争,当时黎巴伦的经济唔比香港差,但是现在还在内战。
你们饭民狗最喜欢有你讲,无人讲。对其他声音灭声。
43. 想死大晒 2019-07-05 14:04:17
想死就可以為所欲為,其他人就要買你怕?但政府確實買佢地怕,想求和,鼓勵更多人以暴力追求目標。真係唔知係暴亂者有智慧還是政府冇智慧!

44. 向泛民说不 2019-07-05 16:25:30
40樓,既然甘想死,甘都要死得有其所。唔好攻擊香港,去攻擊軍營。你們號稱200百萬口罩大軍。兵分10路,一鼓作氣。唔好扮烏龜,欺負我們小百姓。我們為求兩餐。你地成功之後,做咩都得啦。到時可以抓邊個,去審判都得啦,不過唔好害我地。
45. 自我陶醉 2019-07-05 16:27:03
向飯,

香港現時不倫不類的政治架構,比新加坡、大陸的一黨獨大更可怕,就算是一黨專政,遇上英明嘅領導者,一樣可以大放異彩。 反觀香港,行政長官只向一少撮人問責,政策向既得利益者傾斜的情況嚴重,既沒有一黨獨大嘅視野和執行力,亦無民主自決嘅基礎,導致多年來無盡嘅內耗,發展失衡,貧富懸殊加劇,破壞社會和諧,問題唔解決,香港根本唔會有未來,到香港以外發展依然是大方向。 

我這個笨人,直到中央宣佈成立廣東省自貿區,才醒覺到香港將要輪為國內二線城市,那時才開始到國內投資,比起64後已回國內發展的朋友,我算是非常遲鈍的一批了! 幸好找到這個網站,才感覺自己未算太笨! 哈哈哈!

46. 向泛民说不 2019-07-05 16:44:54
自醉,現在香港的問題就是選舉政治,甘如果沒有外來勢力搞局,應該好一d,但是香港有英美勢力不肯接受現實,時時刻刻想控制香港。所以任何行政長官都好難做。目前行政長官必定是要中國接受的,但是他肯定會被英美勢力反對。所以也不要埋怨政府啦。看來一國兩制唔會玩到47年,會提前結束。英美勢力沒有所謂一國兩制,他們的目的是自己國家的利益。香港亂對他們更好。好多仇中香港人根本唔明白。

現在因為民選政治,所以人民越來越懶,發生問題只會賴政府,而不是去想辦法解決。這其實也是其他所謂民主國家發生的問題。過去20年,所有民主國家越玩越爛,就是這個原因。人民不思進取,以為賴政府就可以了,結果越來越差。你在大陸應該知道大陸人民的想法,個個都是想辦法解決問題。老美打華為,華為馬上想盡辦法自己做零件、不埋怨任何人。

以前香港人相信有競爭有進步,現在呢?賴政府。

現在真獨立也好,融入大陸也好,香港人真係沒有競爭力。過去因為啊爺有正常傾斜,所以發展還好,以後很難說了。
47. 自我陶醉 2019-07-05 16:47:12
40樓 年青人

玩政治講的是策略、手段,一時的衝動,只會容易被人利用,令親者痛,仇者快。 當我回顧年青時無法解決的問題,過了一段時間再回看,其實很多都不算得是什麼問題,只是一時想不通鑽了牛角尖。 下下都以死相博,你博得幾多次? 如果死可以解決問題的話,人類早就絕種了。其實香港只是彈丸之地 ,為了一棵樹放棄整個森林值得嗎?

48. Hongkong People 2019-07-05 17:09:05
自醉兄,

我同你對樓價嘅想法有根本性嘅不同。香港人對樓巿嘅熱愛並非特區政府做成,投資者逐利亦非今日先有,睇返97回歸前樓市熱炒比之今日更熱炒,當年我剛出身兩三年,D師兄師姐都苦惱慨嘆如果買樓結婚,之後亞洲金融風暴,加埋八萬五,香港樓市進入漫長跌浪,一跌就跌足6年到2003年,跌咗7-8成,直至沙士後,國家開始對香港施行自由行,香港經濟先慢慢走出谷底; 同期星加坡因為冇政策錯誤,樓價跌咗4成; 至2005年,樓價反彈7成,比對97高位,尚跌5成,2005-2007年,基本橫行,無升跌,2007年中至2008年頭跟股票急升咗一轉; 之後,美國次按爆,金融海嘯,credit crunch, 樓價急跌3成半至2008年尾喘定; 為應對金融海嘯,美國同中國勁減息,狂QE,港元跟美元一同減息,進入咗漫長10年嘅低息期,即使香港經濟跟大陸經濟快速復蘇,但香港仍然只可以跟美國維持低息,而銀行因為QE嘅熱錢長期維持水浸,睇返樓價,係呢10年升咗3倍,當然因為政府某D政策令到細價單位升咗5倍。

講咗咁多樓價歷史,只係想講我對樓價狂升嘅睇法,主因係金融海嘯後長期低息及金融體係入面太多嘅熱錢做就資產價格大升,政府並無能力去左右樓價升跌,跌7成政府阻止唔倒,升3倍政府亦改變唔倒個趨勢,尤其特區政府面對政治氣候及結構上,更加萬事万行。政府可以做嘅都只係以行政手段拖慢樓市升勢及保持金融體系穩健而已。

我屋企無政府官員亦非為政府開脱,我只係客觀地講出事情真相。

至於你話政府可做下其他事情改善民生,講真樓價係重中之重,但任何增加土地供應嘅政策都成為犯民同年青人抗爭議題,例如發展郊野公園边垂,東北啦,棕地啦,填海啦! 年青人蠢到日日阻攔對佢未來有益嘅發展; 我估係香港唯一唔會有爭議嘅政策就係派錢。
49. 十郎 2019-07-05 18:29:03


      45樓 ------ 醉翁兄。

      你唔太笨(哈哈哈🙆🙆🙆) , 一定聽過  “遲來先上岸” , 最早去常平 、 樟木頭果班人 ,一間十幾萬 , 好多鍛羽而歸 , 好少留到現在。 有d笑話好好笑 , 香港人當那些是渡假屋 , 第二次返去的時候 , 發現全部傢私失晒踪。有一個返到去見到間屋細左 , 點解呢 ? 原來隔壁屋主拆左副牆 , 移左去佢果邊。早去失敗的原因 , 1.政府管治未完善。2.內地經濟未起飛 , 價錢廿幾年原地踏步 , 有跌冇升。遲上車執到啦。哈哈哈。


50. 引刀一快 2019-07-05 18:32:47
自我陶醉兄,Hong Kongpeople女士,40樓,向飯,各位。

當嚴重嘅貧富懸殊出現,貧者所面對嘅情況,富者有幾個會體諒?會體諒貧者嘅就俾人覺得係異類。
香港呢種貧富懸殊同生活指數都去到世界頂峰嘅地方,窮人嘅真實定義已經大大偏離傳統印象,絕對唔係執紙皮、瞓橋底先至係窮人咁簡單,仲有好多身光頸靚嘅人,面對國際城市嘅生活模式,但係就攞住份普通城市嘅薪水。要應付呢個水平嘅眼光同標準,鬱結不言而喻。

大陸人喺大灣區收入遠比唔上香港,不過年青一代打工仔,住宿選擇非常多,租金相比香港有極大彈性空間,而且,就算係廣州呢個大城市,人都唔會眼角高,對別人包容度遠勝香港,退一萬步,真係頂唔住,可以返鄉下耕田,一般鄉下都有屋住。
住房成本,唔係壓死香港年輕人嘅最後一根稻草,而係一直懸在頭頂嘅千斤巨石。
51. Hongkong People 2019-07-05 18:54:16
自醉兄,

我地兩個看似見解相同,其實大不同; 對於政制,我絕不讚同民主政制,其實民主政制真係好難有好嘅結局,除非民智高到某一個水平,大家先會識得去選一個會為長遠社會利益而努力嘅領導,暫時來講,要有咁高民智恐怕比共產主義嘅烏托幫更難實現。

現行1200選委嘅制度其實都冇問題,我又真係睇唔倒利益輸送嘅問題; 反而美國民主制度下嘅黑金政治更加体驗你所講嘅利益輸送,國家政策全面向軍火商,油商同華爾街傾斜,我唔詳細講,呢度嘅讀者大部份都知; 美國人都幾可憐而不自知,交咗咁多税又冇乜保障。

講翻我覺得香港最大問題係乜,1.法官任命有問題,法官基本妄顧香港長遠利益,法庭判決好多時都有好多灰色地帶,冇嘢係非黑即白,多少有人治成份; 如果法官政治立場偏頗而又唔顧及香港長遠利益做判決,咁就好大鍋!例如雙非嘅判決,引發之後嘅社會資源問題。一堆佔中暴動者獲輕判,反而警察執法就重判。政府唔係暴政,但香港而家的而且確係亂世,治亂世用重典,而家D法官咁判刑,係亂嘅根源。

2. 23條立法,有違國家安全人及事都應該有所限制。

3. 教育當然肅清一班反中教師, 還學生一個清靜。

以上3點,我相信特區政府就冇辦法做,一點要由中央Top down去做,如何做就考中央智慧。

雖然表面上咁樣有D激進,但我覺得咁反而可以救幾代嘅年青人,繼續沒完沒了作無謂抗爭,就好似當年文革紅衛兵咁,都只會對社會做成破壞,而一班青年人亦唔會有任何得著,同意嗎?
52. Hongkong People 2019-07-05 19:11:52
40 樓,

我其實唔理解點解佢哋絕望到想去死呢?

嗰位衝入立法會大樓破壞嘅領頭羊,企係高位大大声話一世人只有一次咁样佔領立法會,係唔係就咁样返屋企開冷氣瞓覺? 佔領完立法會,拍拍屁股就可以返屋企開冷氣瞓覺,咁樣嘅生活需要自殺嗎?

大把歐洲民主國家嘅年青人畢業等於失業,年青人失業率20-50%,人地係擔心如果父母無錢係飯都開唔倒,人地唔係擔心買唔倒樓,無得去旅行,換唔倒電話; 你以為點解歐洲咁多小偷呀!?
53. 自我陶醉 2019-07-05 22:52:03
多謝十郎兄嘅安慰!  但睇見朋友在上海外灘啲樓嘅升幅,還是覺得自己當年實在太笨了!
54. 自我陶醉 2019-07-05 22:56:53
Hongkong People 姐

任何政府政策都會有人贊成,有人反對,最重要係以社會最大公眾利益為依歸,就算係派錢,一樣有人出嚟反對,但我哋政府要做嘅時候,有一百萬人上街都要照做㗎,你講嘅發展郊野公園,東北,棕地,填海,唔會有一百萬人上街反對吧!

非自住物業免差餉一樣好多人反對,點解佢又可以年年做? 說到尾咪又係睇支持你當選班老細取態! 如果政府遇到有人反對就唔做,咁咩都可以唔洗做了。 其實社會輿論很多時都是製造出來的,只係睇你本錢有幾大,知唔知發展商一年在傳媒落幾錢廣告? 呢啲就係影響力和牙力了。 點解騰訊同 李X街合作冇人會反對,而張汝京又咁多人反對? 到底係市民唔支持,定係張生冇拍啱碼頭搵番個有勢力人士合作?

其實政府要做大把嘢可以做,每年有幾多唔見得光嘅錢流入樓市? 我在英國買樓,要向律師提供金錢來源證明,要提供6個月銀行存款紀錄證明筆錢屬於我,香港點解唔杜絕黑錢流入樓市? 點解大陸人買樓不停番按十次八次金管局都唔理? 點解十個八個單位一齊買,交印花稅都可以當係首次置業? 實在有太多點解!!! 哈哈哈!
55. Hongkong People 2019-07-06 00:34:43
自醉兄,

董伯伯時代又真係多D利益舒送,反而之後嗰幾屆就相對少D。

其實一百萬二百萬都係佢哋老吹出嚟嘅,你又駛咁認真對待呢D數字,中立嘅雷鼎鳴話6月16日有44萬,我信呢個數字多少少。

不過你都好矛盾,咁在意黑錢流入樓巿就更要過逃犯條例啦!係人都知唔少貪官同經濟罪犯係香港;話時話,黑錢流入樓市D資料係邊处來,靠估架!我想當然就覺得唔會有太多黑錢流入樓市,黑錢買不動產,莫非貪容易俾人凍結咩!緊係存係瑞士number acc或者Cayman Island or Bermuda 啦!人係香港,錢就梗係唔需要啦!

政策好多時都會有漏洞,都係一路做一路完善,我又覺得好正常,你又唔好講到政府好刻意咁,同埋官商基本就唔應該對立,如果一個政府下下針對商家,即係趕客,揾鬼投資嗰地方,到時咪仲大鑊; 我讀MBA 時,Price Waterhouse嗰 Partner 客席授課一堂,講到星加坡同香港各自優勢,星加坡為咗同香港競爭會比好多tax benefits俾D公司,而香港嘅優勢就係human capital.  星加坡俾咁多tax benefits俾D公司,係香港就會成為犯民所講嘅官商鈎結; 所以我覺得香港已經用咗咁多行政手段阻人發達,少少漏洞都睇唔開要即刻堵塞,又真係過咗少少火位,毋須成日上綱上綫。

金管局嘅權限只管銀行,唔管財仔,所以D人按十次八次,唔經銀行,金管局無權限去管,同埋|暫時都係少數,對金融体系隱健性嘅影響不大,而市場上斷供情況亦唔嚴重,都唔算咩政策失誤。

夜深了,講住咁多先。

56. 自我陶醉 2019-07-06 06:53:59
Hongkong People 姐

我都唔覺得泛民現在有政治人才可以做特首,但搵1200人代表全港700萬人係0.01%,根本唔會有任何代表性可以代表民意,何必要搞啲咁嘅假民主出嚟扮民主呢? 不是在為自己製造麻煩嗎? 如果你任我㨂,任我發夢,我寧願行番以前香港嗰套獨裁管治,由大陸派個清廉有魄力有政治智慧嘅官落嚟做特首,都比現在三不像,日日搞內耗好,當然這是不可能發生,班既得利益者第一時間出嚟反對。

所以我一早話,香港只係一個政治角力場,普通市民全部都係輸家,唔會有人贏,特首呢個位,根本就係三剎位,邊個做都死!

至於你嘅三個提議:
1. 你對法官唔信任,其實即係對整個司法制度都唔信任,由初審至到終審法院每個法官都有問題嗎? 不可能吧! 你嘅想法,基本上已經係人治而不是法治,干預司法制度,同即時判香港死刑分別不大,莫說是特首,連習大大都唔敢咁做。

2. 23條立法同逃犯條例立法,我從來都唔反對。

3. 知唔知點解學生同教師特別反共? 從來要求民主嘅人都係知識分子,其他人只要有飯開,有屋住,有錢搵,根本唔會理咩係民主,在大陸嘅情況可能都係差不多。你又知唔知每年有幾多大陸人嚟香港讀書,畢業一年內找到工作就可以留下,七年後就係正式香港人,呢班人對房屋需求,租金,學位造成幾大壓力? 自己班裡,學校裡有幾多人講普通話,大學生同教師最清楚,有個在新屋村嘅小學教師同我講,佢教嗰班學生,有九成人唔識聽廣東話。咁你話佢哋買唔到樓,租唔起樓會入邊個數? 
57. 引刀一快 2019-07-06 12:08:02
自我陶醉兄

以前李光耀講過,香港最大問題,就係背負13億同胞嘅感情。
過幾日飲茶,我唔敢寫嘅嘢太多。
如果俾某些人得逞,香港係咁先。至今為止,未有人留意到係邊個,可能好多人都好似我咁,唔敢講。

58. 向泛民说不 2019-07-06 14:10:33
自醉,阿爷唔系唔比香港民主,但是有底线,就是不能让香港成为共基地,不能完全到向老美那边。但是现在情况很明显香港实行民主,香港一定会到向西方国家。这完全不符合中国国家安全。所以如果继续恶化,中国肯定会收回一国两制。
回归时,中央可能也是想用香港实验一下民主,本来可以照搬殖民地的体制,中央派特首,立法会政府委任。最后中央还是给了香港一些民主。现在应该后悔了。错误。
59. 自我陶醉 2019-07-06 15:46:54
引刀兄

好明顯,李光耀係個很出色,很有遠見的領導者,不可多得。 

向飯,

歷史已經證明現時的政治體制出現嚴重缺失,作為中國人,我亦唔想見到香港被別國利用,但收回一國兩制是個高危大手術,處理得唔好隨時引火自焚,幸而這幾年國內經濟基調良好,否則這次事件足以牽連到其他地區,一發不可收拾。

60. 向泛民说不 2019-07-06 18:21:09
自醉,本人只是small potato,以前一直闹饭民,因为饭民已经过火。收吾收回一国两制,我们小市民又可以点。
但是现在是否收回就看饭民的态度,还有他主人老美态度。如果在恶化下去,真的很难说。如果饭民不管理好那些示威者,明天继续冲击高铁,那真的有可能。
示威者的规模不是政府控制的了。而是饭民和他背后主人。
61. 睇唔過眼的人 2019-07-06 19:47:10
我贊成Hongkong People的講法。我覺得而家既情況係冇得救。大香港主義救不了香港,飯民更救不到香港。歸根到底,都係因為利益被大陸人瓜分了所以就反正苦。而家香港係反共基地,更唔會有運行。
62. Hongkong People 2019-07-07 13:13:41
自醉兄,

呢個世界根本乜絶對嘅民主,係犯民對民主定義,全世界都係假民主,要無篩選,要一人一票選,你話我知邊個國家係無篩選? 不過,講到尾,民主並不是好東西,講來都浪費精力; D暴民咁鍾愛英治時期,舉曬英國旗但又高喊民主自由,你話佢哋係唔係腦入水; 我都唔知政府可以點樣去回應佢哋D充滿矛盾嘅民意,究竟你喜歡英治時期嘅獨裁定係民主呀?D暴民係唔係唔應該諗清楚再出來表達過佢哋嘅訴求呀!真係好亂呀,唔知佢哋想點. 

1200人唔可以代表700萬香港人,但起碼代表咗精英嘅一群,大家嘅目標都係要香港經濟好,社會有發展; 香港腦入水嘅人唔少,我其實唔多介意少人代表佢,你成日講1200人只代表0.01%,其實都係buy 民主,我同你有根本分歧,我相信二八定率,民主係蠢人選領導,唔會有好結果;如果有得俾我揀,我prefer回復殖民時期嘅制度,由中央直接任命特首,兩局議員行委任制.

1. 你講得啱,我的而且確對香港嘅司法制度唔信任,我亦相信我係香港社會入面唔係少數對香港司法制度存疑嘅人; 我認為任何一個公營機關係一個地方存在,最fundamental嘅一點係要對個社會整體利益作貢獻,如果唔能夠 fulfill 呢一點,呢個制度就已失效; 你對我嘅講法有誤, 我並非想人治,我痛恨人治, 我以前無知地相信香港係一個好有法治嘅地方,對我哋嘅司法制度極有信心,但呢二十年尤其佔中後嘅一堆判決,對我當頭捧喝,令我睇清,香港何來法治? 一椿椿就判決就是法官以自己政治立場人治緊香港.  我想表達嘅係我並非提倡人治,而係香港而家就係人治,唔係我想法治死,而係香港法治根本已死. 明白我個 point of view嗎?

3. "知識份子特別反共",呢個講法有D根本性嘅misunderstanding. 我睇翻中學時代同學嘅職業,有個發現令我好驚呀!一班同學之中有好多做咗老師嘅都係一堆讀書差少少嘅人,佢話都係邏輯性低少少嘅人,佢哋分析力有限,思想容易偏頗,但我嘅下一代,正正落係佢哋手,嗚呼哀哉! 真正叻嘅知識分子都好少去教育界.

對於你話有好多大陸人來港讀書,之留港工作,我同意有呢個趨勢.但從一個社會發展嘅角度,廣納人才做大個餅,對香港整體嘅競爭力絶對係正面嘅舉措,記得我講過香港vs星加坡嘅優勢係 human capital 嘛! 增加有productivity及年輕嘅人留香港貢獻,對人好老化嘅香港絶對有利; 呢個亦係美國經濟相較歐洲經濟有活力嘅主因,吸納年輕有貢獻嘅人口.

當然我暸解我哋下一代會感到競爭嘅壓力,所以強力反彈,呢D就係我哋下一代嘅不濟,面對競爭,佢哋嘅選擇唔係努力改進自己,而係選擇自殘,破壞社會; 不過佢哋唔明白,人地唔需要留係香港同你競爭,佢地去其他城市照樣同你競爭,香港人材不足,自然唔可以吸引公司或資金留港.

我讚成人材留港,但我又唔讚成每日150人香港無篩選單程証來港,雖然,佢哋有助fill up低技術工種人手短缺,但亦有不事生產吃福利的人,如果香港唔可以改變呢項政策,其實,應該係福利制度上減少被濫用;可惜社福界為咗自己嘅存在價值,不斷教唆不同界別嘅人濫用福利; 然後反手又謆動年青人抗爭不公義; 正式神又社福界,鬼又社福界.

香港嘅悲哀!





63. 引刀一快 2019-07-07 14:29:19
Hong Kong people女士

我先唔討論其他,若果妳認為呢1200人係香港精英,我不敢苟同,首先,香港頂級精英120000都遠唔止,只睇呢1200,誰服誰?
第二,呢1200人有明顯利益關係,700萬人都有利益關係就合理好多。
64. 引刀一快 2019-07-07 14:35:42
新一代面對嘅唔止係大陸移民嘅挑戰,仲係孭住住屋問題去迎戰,唔需要負擔住房問題嘅人,未必可以體諒佢地嘅壓力。

高樓價嘅負面影響,已經好具體咁表現緊出嚟。
65. 向泛民说不 2019-07-07 15:22:32

引刀,1200人是不是真普选,我就唔知道,但是中央不可能出现亲美的特首,立法会被支持饭民控制,这是国家安全。所以是中央的底线。

如果唔满意,班暴徒可以去冲击解放军,因为到了今日,只有解放军挡住他们的梦想。暴徒搞高铁,搞立法会,围警局最多只是影响政府管理。破坏平民百姓安居,他们不可能达到目的。

班暴徒贪心怕死,无L用,只敢欺负我们这些平民百姓。

66. Hongkong People 2019-07-07 16:48:08
刀兄,

你嘅講法就好似講緊共和黨同民主黨就代表全美國3億人民嘅利益咩?我唔同意!美國參眾兩院就代表全國精英咩?我唔同意!你嘅講法唔係錯,但我又覺得無討論下去嘅意義,所以就此打住。

至於你講嘅樓價問題,我講咗無數次,低息環境同美國QE係主因,土地不足係次因; 所以年青人想樓價問題得以解決就應該:
1. 向美國抗議,去美國領事館請願
2. 圍泛民主派,要佢哋唔好阻礙各項土地開發項目

好似佢哋破壞社會嘅自殘行為並唔係對症下藥,政府跪去大西洋都幫唔倒件事,警察認黑警亦於事無補。

都係嗰句,所有現行香港發生嘅暴動都只整明一班港豬蠢出新高度。
67. 引刀一快 2019-07-07 18:56:50
Hong Kong people女士

香港真係有心解決居住問題,只有一個方法,就係飛地,亦係對大灣區以至對國家最有利嘅一個方案,其他都係低效短程方案,點解推嚟推去都係呢啲垃圾?
因為唔將利益放諸國家未來,唔將利益放諸人民福祉。
68. 自我陶醉 2019-07-07 19:45:30
Hongkong People 姐

有人覺得1200人夠,有人覺得12000都未夠,有人認為全國找12個天才精英決定一切就夠,當一啲政策令1200人嘅利益與六百萬人利益有衝突時,行政長官應該點去取捨? 講感覺其實冇咩討論空間, 要科學化一點的話,可以利用統計學,找出較有代表性嘅sample size,絕不是靠個人感覺去決定, 如果香港只得1200個精英有腦去決定一切,香港早就收咗工了。

在古代社會,由皇帝一個人話事就已經夠了,百姓好彩遇上明君,生活豐足,唔好彩遇到暴君,就用盡辦法將佢推翻,令自己有好日子過,這就是人性,無論你同意好,唔同意也好,呢啲都係在人類歷史不斷發生的情節。 

民主其實係政治演化嘅過程,理論上,通過有期限嘅選舉,不滿嘅人有權下次選過,避免流血暴力,是一個文明行為,當然,任何制度都唔會係完美,有人鑽空子,是另一個話題。滿清晚年,作亂要誅九族,唔洗審都可就地證發,如果控制司法制度,用重刑甚至極刑可以解決問題的話,就唔會有政權被推翻,唔會有唐、宋、元、明、清,法國大革命唔會出現,美國亦不會有獨立日了。

其實政府就好似一個球證一樣,利用一套既定嘅法規去主持一場球賽,保持球賽在公平環境下進行,如果永遠見A隊輸球證就話要搬龍門,B隊唔承認呢個球證好正常。香港現時唯一輸剩的就是法治,如果都消失埋,莫講話二線城市,連三、四線都冇資格做。到時真係名乎其實,輸剩條底褲了。

你口中嘅廣納人才做大個餅,令我想起經濟學裡的Diminishing Marginal Return理論,你住三千呎屋,請兩三個工人服侍你,當然正到爆,有一日你見到三十個工人好正,絕對係人才,你會唔會為咗吸納人才來者不拒,請晒佢哋搞到自己間屋冇路行? 呢個世界唔係多就一定好㗎! 你做得大個餅換到個堡壘住先算喇。
69. 引刀一快 2019-07-07 20:34:18
自我陶醉兄講出香港前途最大重點,想做大個餅要先造大個堡壘。

飛地係建設香港未來以至貢獻國家嘅不二法門。
澳門又飛地、深圳又飛地,香港飛地有足夠合理性。

70. Hongkong People 2019-07-07 21:09:20
刀兄,

我都讚成飛地,不過,你試下同D小朋友傾下飛地,睇下佢哋反應同認受性?

其他造地計畫,絕對正路唔係垃圾,多管齐下絕對對香港有益。
71. 引刀一快 2019-07-08 05:51:14
Hong Kong people 女士

天價二十年填海17平方公里、將一個高爾夫球場損缺一大塊去建若干棟樓,將華南生物多樣性最豐富嘅郊野公園剷走起樓,填平維持港人供水緩衝穩定嘅船灣淡水湖等等,都係令人痛心而無長效嘅方案,對比於飛地,稱之垃圾已經客氣了。

點解飛地要同班細路傾呢?飛地對整個社會都有長遠而寬宏嘅好處,就算班細路唔去飛地,飛地帶來嘅各種正面因素,一樣會惠澤到佢地,尤其擔心下一代前景嘅人,有如太陽出來了。

有魄力、有理想、願勞苦、求上進者,只要政府能飛地,自然會爭相冒出頭來。

72. 自我陶醉 2019-07-08 09:49:53
今次我贊成Hongkong People 姐,香港應該多管齊下造地,一個就嚟餓死嘅人,根本唔會揀飲擇食。

街邊乞兒在垃圾桶搵食,幾污糟都食得落,呢啲人先真正有需要。問唔贊成填海,唔贊成用高球場,唔贊成用部份郊野公園嘅人一個問題唔夠,再問多一個:

若然你認為海洋、球場、公園咁重要,你贊唔贊成搬去住劏房,拆咗你住緊嗰間屋攞嚟起埋郊野公園,起多個高球場,起個海洋保育館呢?

73. 自我陶醉 2019-07-08 10:01:10
71樓 引刀兄,

請問一個船灣淡水湖食水可以為700萬人緩衝到幾耐? 

74. 向泛民说不 2019-07-08 10:29:41
自醉,破坏立法会的几个人已经着草台湾,落脸那个已经去了美国,证明民进党和老美用了很多钱。

台湾民进党投资了很多。
75. 自我陶醉 2019-07-08 11:43:39
向飯,

所以我話跟人搞呢啲暴亂嘅人好傻呢! 啲搞手就算唔係收人錢搞事,都係一早安排好後著,死嘅往往係跟住佢哋嗰班人,睇下六四, 吾爾開希、柴玲一早閃咗喇!  

林太今次打隻咁好牌出嚟畀下家上, 佢哋又點會咁笨放過呢?歸根究底都係香港年青人怨氣太重,才令人有機可乘。

奇就奇在以前搞23條係葉劉出面做醜人,今次又唔係比加超孭,又唔係僭建專家出嚟,要林鄭一個啃晒呢?

76. 要林鄭一個啃晒呢? 2019-07-08 12:02:41
睇黎禮賓府陰盛陽衰, 女權當道, 由龍蝦開始, 住響裏面嘅婦女都唔惹小
77. 十郎 2019-07-08 13:57:44


      71樓刀兄 ------ 有一d野 , 好似5哥話齋 , 唔講得咁明。呢一d細路就係由“飛地”來㗎。

78. 十郎 2019-07-08 14:21:03


      他自飛地來 , 要往飛地去 ? 來來氹氹轉 , 刀兄瞓醒未 ?

      做完暴亂變成政治犯 , 可以申請外國收留 , 呢一招60年代已經有 , 而且好流行 , 憤青冇口罩走前頭擲石 , 博映相 , 才有證明 , 有資格移民。


79. 引刀一快 2019-07-09 03:30:49
十郎兄

依家有冇人匿咗去歐西領事館?

之前果兩個棄保潛逃成功咗,往後有人仿效唔出奇。

不過,呢d只係皮毛,關鍵係邊個打擊緊香港?

又輪到我唔敢講咁明,何來未瞓醒,有點瞓唔著就真。
80. 引刀一快 2019-07-09 04:06:29
自我陶醉兄

我唔會瞓劏房獻間屋出嚟俾人起郊野公園,不過大陸好多退耕還林、退樓還耕,原因好簡單,唔係屋主中意環保,係國家發現再唔搞環保就攬住死,再唔種作物就搞唔掂啫。

任何一個地方,都係應該有富人有中產有基層,社會先至會健康發展,同樣,任何一個城市,都應該包含各種人類生活要素,其中一項就係自然環境,除咗進行氣體轉換,亦提供食物,比如香港自產嘅海鮮,香港嘅郊野公園,意義特別大,因為幾個因素,香港生物多樣性非常豐富,對比世界其他大城市,謂之蔚為奇觀亦不為過,更重要一點,華南由於各種污染以及過度開發,雖然近年積極修復,香港郊野公園作為華南綠洲角色非常吃重。

既然香港已經回歸,一步一步與珠三角融合,我地仲需要犧牲香港自有寶貴資源去換取多到用唔完嘅大灣區土地嗎?


81. 自我陶醉 2019-07-09 08:40:06
引刀兄

我哋有76% 土地係山同郊野公園,只有24%係已發展土地,7%用嚟住人,成個世界有幾多個城市環保得過我哋?  我哋只要從76%未發展土地中攞6%出嚟發展住屋,已經可以比現在住人嘅面積增加近一倍。  

我哋環保到啲人要瞓街、瞓麥記,年青人要用成世收入去買200呎劏屋夠環保未? 香港一隻野豬住嘅面積都大過我哋嘅下一代,環保到啲人癲哂走去暴動仲要繼續環保嗎? 咁多地唔用就話要飛地? 有條友個袋有幾千萬,不過佢話要用嚟儲嘅,仲想問你借兩萬銀,你認為合理嗎? 你借唔借俾佢?


82. 你認為合理嗎? 2019-07-09 10:32:52
醉哥, 地霸同環保 L 覺得唔合理嘛, 文官系統都覺得唔合理嘛, 以哩度散漫嘅做事態度, 到 2047 已發展土地可能仍維持在 24%。
83. 引刀一快 2019-07-09 17:00:37
自我陶醉兄

未發展嘅76%之中,40%為郊野公園,36%為其他土地,集中開發呢36%都夠喇。
以我對中港同質化嘅了解,一開發,就唔會限住6%,而且,邊度靚攞邊度,越近市區越好,根本唔會從生態重要性同珍稀度考慮,將華南生態價值最好嘅其中一塊破壞之後,已經臨近撤走邊境關卡嘅年限,到時土地概念就完全唔同。
84. 引刀一快 2019-07-09 17:07:05
飛地時間短而土地量大,比任何方法更滿足時效,而且對串聯大灣區有非常積極作用,飛地周圍嘅大陸區域,發過豬頭,有助應對未來不良環境。
85. 生態重要性 2019-07-09 17:11:00
阿快, 內地郊野地有沒有生態價值?
86. 自我陶醉 2019-07-09 17:13:44
83樓,

其實班精英選出嚟嘅政府,做事有時都幾有決心同效率㗎,就舉兩個例:
1. 在元朗用17億起條行人天橋,在全人類反對,四大建築專業學會表明反對立場下,依然在立法會工務小組獲通過。

有興趣可參考下以下連結:
http://www.takungpao.com.hk/hongkong/text/2018/0615/176177.html

2. 花5千萬在觀塘起個噴泉,就孜孜不倦,呢頭財委會反對,轉頭將摩頓臺項目與觀塘音樂噴泉捆綁在一起,又可以再闖關, 結果又係姦計得逞,反對真係有用咩?

不過一講到造地呢,只要有人搵班茄哩啡出嚟做場戲,呢班精英就會出現選擇性無能了!  這就是我哋個政府“有趣”之處。怪我哋班年青人之前,唔該睇下我哋個政府做緊啲咩!



87. “有趣”之處 2019-07-09 17:28:25
打鐵還需自身硬, 慣左呃飲呃食談何發展呢, 冇咪伸手攞嗌阿爺增加自由行, 禾仲記得當年 cctvb 訪問一團鄉下人, 沒有貶義意思, 因為係真係山區鄉下人, 啲鄉民響應國家號召, 賣晒條村啲羊落黎幫我地香港同胞, 黎到發現得到嘅對待不是那麼一回事, 佢地諗唔明點解, 禾都諗唔明點解。
88. 自我陶醉 2019-07-09 21:06:58
引刀兄

我只是說從76%之中,拿出6%開發,冇講過一定要從郊野公園中取出。

不過,選擇近市區的地點先發展是非常合理的決定。  首先,道路系統和交通配套更有協同效應,其次,越遠離市區,野生動物遭干擾的機會就越少,是保育它們的最好選擇, 對人同其他生物都有好處,而且,你又怎麼肯定在郊野公園以外地區沒有更值得保育、更珍貴的野生物種呢?

89. 引刀一快 2019-07-11 04:43:20
To 自我陶醉兄&85樓

稍等,我試試寫篇嘢去闡述我對香港郊野公園對華南生態嘅重要性嘅睇法。