地產博客 > 敢說亮話 返回
瀏覽人次:21217    回應:4
敢說亮話

茶餐廳亂話(421)單一方向預測是會影響成交量

 

湯文亮博士

紀惠集團行政總裁
2018年11月5日

  今早去到, 老闆話有客人話我很蠢,點解唔學其他評論員講樓市?當其他人講樓市升,我一定講樓市跌,點解唔可以齊齊講樓市升?就算講錯,都是大家的事,在適當時候又可以一起轉軚,點解一定要做第十個人?經常被人笑,被人鬧。咁多點解,我都唔知先答哪一個。老實說,其實我沒有刻意做第十個人,我只不過將自己意見發表出來,咁啱我的意見與主流意見不吻合。如果我的意見與大家一樣,我會選擇不發表。主要原因是大家都發表一個共同方向,最後會影響樓宇成交量。很多人不會相信,他們認為現時成交量偏低是因為政府的辣招及逆週期措施。這點我同意,單一方向預測是會影響成交量,點解無人相信?

  一般初入行的物業代理會認為大家一起唱好樓市,買家會追價入市。其實,買家雖然願意追價入市,但能力始終有限。當大家一齊唱好,反而會令到業主心熊,唔到高價不會賣樓,結果是令到成交量不斷下跌。所以,大家一齊唱好並非好事。同樣道理,當樓市轉勢,大家一起唱淡亦非好事。業主未必因為樓市被唱淡而賣樓,就算有唯數也不多,但買家知道樓市正在下跌,又怎會出高價買樓。所以,市場上只得一種聲音其實是不健康,亦會令到成交量減少。我勉為其難做第十個人。不過,不會有人明白,只會話我睇錯市。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 真真薯片 2018-11-05 11:48:32
大合唱高高高,佣金以開單價計,當然係越高越好,而且民生樓300呎眼鏡房就算吹到7,800萬,都仲有人買得起,以前果d單位成交3,400萬,吹到7,800萬,開一張單頂兩張,你話眼鏡房賣到2000萬就冇人買得起者,800萬仲係有人買到,梗係唱高高高啦
3. 開一張單頂兩張 2018-11-05 12:03:17
但係又有另一人冇單開呢.
4. 真真薯片 2018-11-05 12:14:29
你冇單開,你死你事

所以過去兩年地代公司收入創新高,但係超過一半代理食緊屎,呢個係價高量少新玩法帶黎既變化
5. 呢個係價高量少新玩法帶黎既變化 2018-11-05 12:26:53
Lucy 真係大善人, 一直養 _ 人