主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 15261    回應 : 1
敢說亮話
茶餐廳亂話(20)賠訂重售即是業主撻訂
 
湯文亮博士
紀惠集團行政總裁
2016年11月20日

  今早跑完步,唔知點解,又走到去相熟茶餐廳飲咖啡,伙計叫我食早餐,甚至午餐都可以,因為已經有人話會埋單,我記得,大約一個多月前,當我食早餐的時候,有另外一位熟客坐埋嚟話,佢已經賣走一個收租物業,價錢都唔錯,不過,物業代理話個市上緊,可以考慮賠訂重售,賠給對方5%訂金,兼付雙方各1%佣金,我話千祈唔好,就算重售可以賣貴10%,業主只得3%落袋,既然已經賣走,就應該賣仔莫摸頭,除非賠訂不賣,否則,就唔好搞咁多嘢,倘若市況逆轉,連現在的售價也不到,這樣就損失慘重,那位人兄沒有什麼表示,講一聲多謝就離開,當時我以為他不會理我的說話,一定賠訂重售。

  今日,那位人兄請我食早餐,我估計他沒有賠訂重售,現在樓價正在向下調整,最保守估計,他一年內可以以八折買回相若的單位,茶餐廳伙計話我料事如神,其實,這些是基本功,大多數人買或賣物業,都是一個重大決定,必定深思熟慮,迫不得已都唔會撻訂,做業主都希望完成交易,唔喜歡殺訂,如果賠訂重售,即是業主撻訂,所以,我叫那位仁兄唔好賠訂重售,即是叫佢唔好撻訂,絕對是正常做法,根本唔需要考慮,既然有人請食早餐,就郤之不恭。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-11-20 10:54:04
大陸樓市就真係好多咁嘅人,以前試過好多次有相熟地代打電話嚟,十萬火急,咩事?俾“筍盤”你囉!
七八年前遇過一個,簽約交大訂之前一兩個鐘頭,仲會積極搵買家原90萬賣93,賠兩萬訂金,計埋得一萬,只要你過數3萬,果邊就即撻。地代話好抵㗎,樓下都賣95呀!之後陸陸續續見過好多次,有同一地代,亦有其他地代撩客,最低願為5000蚊撻訂都見過。

點解地代90萬嘅時候唔俾我先?一路傾一路反價又係呢D人,兩公婆玩雙截棍又係呢D人,從來唔落疉,週街都係樓,最緊要買得開開心心。