地產博客 > 敢說亮話 返回
瀏覽人次:21315    回應:4
敢說亮話
茶餐廳亂話(19)一切都是廣告費作怪
 
湯文亮博士
紀惠集團行政總裁
2016年11月19日

  今日去到茶餐廳,見到一位傳媒朋友,我同佢講,你們做傳媒就的確唔啱,林丹偷食,傳媒就煲到咁大,講到林丹是世紀賤男,富豪登報撇女,就被講到有情有義,點解咁厚此薄彼,傳媒朋友話,如果林丹願意不問價登七份報紙頭版,佢一樣是有情有義,其實,並不是傳媒有意爆料,而是當事人過料俾傳媒,當然唔會係林丹本人,有一些人肯同知名人士玩,無非都是想增加知名度,好似特朗普在競選時有十個女人走出來話同特朗普有染,被現在的美國第一夫人話信任她的老公,一句話就KO那些想出名女人,傳媒其實是被人利用,同樣是受害者,佢講到似層層,死都拗番生,我都唔知點駁。

  心血來潮,打電話俾李宗偉,問佢是否下星期到香港打羽毛球公開賽,佢話驚黃妙珠詐型,佢老婆冇謝杏芳咁大方,唔敢嚟打,我話唔需要驚,香港女仔禮義廉都唔識,好彩仲識得個恥字,唔會主動打電話去報館爆料。其實,冇人可以代替林丹老婆謝杏芳以及李宗偉老婆黃妙珠位置,兩人都是羽毛球高手,大家有共同語言,不是炮友那麼簡單。