主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25365    回應 : 11
敢說亮話
美國總統大選(10)特朗普的反擊
 
湯文亮博士
紀惠集團行政總裁
2016年10月30日

  我寫美國總統大選特輯,認為特朗普奪得美國總統寶座機會比希拉里大,有太多人唔相信,他們認為這是一場強弱懸殊比賽,特朗普無勝算可言,亦有人話我包拗頸,其實,我是以一個生意人角度來睇特朗普競選策略,特朗普亦知道他自己處於下風,又有一身臭屎,所以他毫不掩飾,以美國人的道德標準,特朗普臭史可能被認為是艷史,根本唔會影響特朗普選情,況且,特太都話特朗普是逢場作興,佢唔介意,正是吹縐一池春水,關人何事,但同樣事情發生在克林頓身上,就變成一個忠誠問題,並不是緋聞,希拉里都唔知話介意抑或唔介意,如果以戰略上,特朗普四両撥千斤,希拉里攻勢雖然起唔到作用,不過,這並不足以令特朗普撃敗希拉里。

  昨日早上我開始寫文時,短短一小時,特朗普賠率由1賠4下降至1賠3,到了深夜,下降至2.5,我知道特朗普開始反擊,他兵分兩路,較次要的繼續攻擊希拉里電郵,重點是他的治國大剛演說,有人形容他今次的演講媲美林肯,羅斯福,雖然,或者有誇大之嫌,但的確有其震憾性,希拉里現在就麻煩,她先要張注意力集中在電郵門事件,其次才發表她的治國大剛,這樣的治國大剛質素一定唔會好,而且特朗普珠玉在前,希拉里現在相當頭痛,當特朗普的賠率下降至1賠2的時候,我相信大局已定,不過,我亦相信希拉里有殺手鐧,到適當時機她一定會使用,大家拭目以待。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Johnny 2016-10-30 12:16:21
我想同博士賭餐飯,特朗普如果真係爆冷,我請博士去稻香食餐飯。
當然無論贏輸,如果真係有幸見到博士風采,有so果個都係我 :P
2. 看戲的傻子 2016-10-30 12:28:33
FBI突然出手搞希拉里, 相信一定有內情.而且希拉里反應好大

我估提早投票的結果大不利希拉里
3. Sam 2016-10-30 12:34:12
支持湯Sir, 特生赢硬
4. To 1F 2016-10-30 13:17:52
你話去稻菊定係稻香?
5. Tony lam 2016-10-30 20:10:35
克大嬸跑出就老湯輸/特朗普跑出就大家贏、唔稻菊都灘萬啦!

咪住咪住、太過份嘞 ! 洗唔洗顧下 : 神經刀/犬養井嘅感受 ? 人地喺大陸飲緊甲醇孖蒸、分子料理牛肉㗎 !
6. 引刀一快 2016-10-31 10:40:49
仲玩緊契弟琳琳扮嘅假女人添,真係該煨。
7. 無奈 2016-10-31 14:38:24
希特民調47:45,原來是電郵門之前進行的。

希拉莉白宮之路到了盡頭?


8. 引刀一快 2016-10-31 18:32:35
無奈兄

大陸依家猛吹克太嘅黑資料,睇怕有變數。
9. 向饭民说不 2016-10-31 18:44:36
引刀,你又抹黑大陆啦,今次黑客是俄罗斯。
引刀,点解无时无克系度抹黑大陆。
10. 無奈 2016-10-31 21:30:25
刀兄,大陸吹黑材料難道有利希拉莉選情?
11. 引刀一快 2016-10-31 23:18:17
無奈兄

我都唔知,不過黑材料幾乎一面倒係希拉里嘅,咁即係大陸取態好明顯喇。