主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26723    回應 : 15
敢說亮話
樓市不解之謎(14)買樓自住與投資的分別
 
湯文亮博士
紀惠集團行政總裁
2016年10月28日

  不時都會有人問我現在可不可以買樓,我與大多數同業的答案都是一樣,如果能力許可的話,買樓自住是可以,投資就要仔細考慮,這個公式答案很多人都唔滿意,究竟自住同投資有什麼分別,如果樓市上升,買樓無論用作自住抑或投資都是賺錢,倘若樓市下跌,買左樓就會蝕錢,雖然,不少人有這個問題,但從來沒有人叫我解釋,對於我來說,這反而是一個不解之謎。

  如果買樓是用作自住的話,唔買樓就要租樓住,即是將一個好租客送給其他業主,甚至替他們供樓,所以,買樓自住幾時都可以,就算樓價下跌,如果銀行唔追差額的話,對買樓自住的人影響不大。

  如果買樓用作出租,在一般情況,七除八扣之後,收入大約只剩七成,而金管局對於收租物業的壓力測試,只容許租金收入七折計算,倘若樓價下跌,銀行是有權追差額,所以,在樓價偏高時買樓投資就要考慮清楚,如果因為見現在樓市暢旺,預測樓價會繼續上升而買樓投資,現在的確不是一個好時機,因為樓價下跌,租金亦會下跌,就會加重業主負擔,如果負擔不起,就算蝕本都要賣樓,我認為在現階段,買樓自住就冇問題,只要能夠負擔得起便可以,但如果樓價狂飆,總有一日,買樓自住都要考慮清楚。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

2. 引刀一快 2016-10-28 09:22:47
唔想蝕錢,係剛需剛需剛剛需,所以問來問去,癥結繫於怕樓價跌。賺錢係剛需中嘅剛需,依家價位望大升有點奢望,所以唔係重點。住,係剛需,亦可能係別人剛需。
3. 支持引刀繼續睇淡 2016-10-28 10:27:59

只要引刀一日未能在本港入市, 樓市一日都唔會大跌.

支持引刀繼續睇淡!!! 

4. 打工仔 Andy 2016-10-28 10:33:12
[ 此內容只供會員閱讀 ]
5. 元朗人 2016-10-28 11:39:43
最近一位好朋友首置買入自住樓,由2011觀望到現在,终於下定決心,他很開心,但仍後悔不早些買。我說很多人也是等跌而鄧鄧鄧鄧。其實5年前他是不聽我老點去買,而跟從另一位我都識的人說話去等跌。好可惜,那位我都識的人也在當年賣出自住楼,而租住等,他倆可謂同病相憐。其實這件事過往曾提及,現在是事情發展。
7. 引刀一快 2016-10-28 17:01:28
3樓

何謂“未能”?
8. 占士 2016-10-28 17:12:41

對,買自住樓只要計算自己的數,確認夠能力的話就可以上車了。想太多可能會錯失機會。

9. 等浪到 2016-10-28 18:05:27
我同引刀等浪到, 等到變左流浪漢.
10. Oscar Lam 2016-10-28 19:14:59
博士講得很有道理!
11. 引刀一快 2016-10-28 23:16:22
九樓


恭喜你。
12. 舍神 2016-10-28 23:54:33
我想,冇人問的原因係佢地其實是知道答案(即使不完全都隱約知道)。

但理智還理智,但感情上接受不到罷。(即.....自己不會咁唔好采摸頂罷)

另外,好多人是跟父母住,租只是其中一個選擇。

老實說.....聽到話買來自住 "唔怕跌"呢d言論,總覺得自欺欺人。
13. 引刀一快 2016-10-29 03:05:12
平平地就唔怕跌嘅,咁高位入貨嘅人,唔係望升值,就係怕以後仲貴,真係完全因為形勢逼住買樓嘅人,好少。
14. 食屎等跌吖哪 2016-10-29 03:20:59
《 妄想等跌入貨》根本行不通!!今日ccL急升至144.09!!近期二手已樓價連升六七個月,樓價開始加速回升!!妄想等跌入貨嘅人,注意!!爆升破頂橫行再破頂已經係肯定未來一年至三年的走勢。淡友不斷提倡等跌、等跌、再等跌!其目的只不過是自己買唔起擺了,沽樓或唔買的風險之大,足以影響一生注定捱窮!其實政府土地供應已經底牌盡露 ,陳x波最新公佈,第三季土地實質供應得二仟八百伙,樓價必會長期反复向上行,租樓蝕租肯定會蝕好傷。大家須認清政治現實,香港冇普選的, 明年或幾年後cy必須離任,《下任特首必為地產霸主代言人》辣招將慢慢地全撤銷,到時勢必引發全城及全國搶購,每年二萬個私樓供應, 將如閃電般消化, 爆升嘅情況係點大家都會想像到!到時淡友唔好再葡萄呀。
15. 香港土著 2016-10-29 07:09:35
含神兄,

其實,之前KF兄都計曬條數出嚟,買樓自住,間樓唔升值,租會平過買,但前提喺要識基本投資,而唔喺揸住舊首期等運到。
16. 香港土著 2016-10-29 07:19:45
刀兄,

過去一年身邊都真喺幾多desperate buy... 
17. 引刀一快 2016-10-30 05:47:02
香港土著兄

就係囉,呢個話會漲,果個又話唔買就今世都買唔到,羅列一大堆理由話樓價唔會跌,跌都係永遠向上跌之類,嚇❌死D定力唔夠嘅啦。

樓唔跌,工資唔升,除非進入人工智能機械人年代啫。