星期日早上在跑馬地馬場跑完步，行過去跑馬地區內一間明星茶餐廳食早餐，伙計問我要不要坐暗格，我話又唔係什麼大明星，毋需要坐暗格，誰不知伙計話，近日我的「聽樓市」言論得罪了不少人，唔覺意被其他僱客潑水就唔好意思，我話少擔心，去得那一間茶餐廳的人，教育水準都有咁上下，這些事我唔擔心會發生。
跑馬地那間茶餐廳點解會被稱為明星茶餐廳，除了出品水準不俗之外，因為跑馬地有很多藝人居住，那間茶餐廳有一個暗格，讓那些唔想被人見到真面目的藝人坐，其實，他們擔心都是多餘，未化粧，就算見到都認唔到，他們自己心理作祟。
伙計送杯咖啡埋嚟，順便閒話幾句，問我點睇莫少聰，洪欣單嘢，兩個加埋都接近一百歲，分左手又已經咁多年，現在又互數對方是負心人，平時伙記問樓市，我就很容易答，問我八卦新聞，都唔知點答，所以，我用常理來答，答案很簡單，但亦非常肯定，毋需討論，從來負心的都是男人，我有一個朋友，離婚之後猛數他的前妻不是，他的朋友聽到悶，不知不覺在鄙視他，離開了他，有一日，他另外一位朋友對他說，從來負心的都是男人，離婚後應該對人講前妻的好說話，而非壞話，離婚只不過他沒有福份，這樣講男人聽到之後就會接受，女人就會同情，伙計聽到之後話絕對同意，叫我得閒寫平日我們在茶餐廳的談話，我話考慮一下，誰不知伙計繼續話梁啟超都有飲冰室文集，我點解唔敢寫，我話唔係唔敢，反問伙計點知道梁啟超有飲冰室文集咁勁，佢話同梁啟超係同鄉。
App下載
