地產博客 > 敢說亮話 返回
瀏覽人次:27955    回應:16
敢說亮話
樓市不解之謎(7)什麼是細價樓
 
湯文亮博士
紀惠集團行政總裁
2016年10月12日

  大約一年前,在一個講座上,有觀眾問細價樓的定義,老實說,在此之前,我認為細價樓在每一個人心目中都有不同定義,有些人一直住萬呎豪宅,因為某些原因而要住千多呎單位,對他來說,這是不能接受的細價樓,在很多人來說,這是一個大單位,雖然,細價樓是沒有一個十分明確定義,但我在寫「細價樓爆煲論」的時候,就已經將細價樓訂為是一個有廳有房,可以讓一個小家庭,包括父母,子女等大約四個人,住上一段長時間,大約十年左右,有機會再提升至中型住宅單位,而面積大約五至七百呎,這才是細價樓,我當時亦將這個概念回答了那位觀眾,竟然得到不少掌聲。

  如果今日我用相同答案,相信得到的不是掌聲,而是噓聲,因為,不少年輕人已經將細價樓降呢到連扑嘢都唔得的開放式單位,試問那些單位又怎可以住上十年,又怎可以住四個人,所以,我認為那些不是細價樓,而是雜物房,可見將來,有不少擁有那些開放式單位的業主都會用作儲物,而非住所,而且亦不是細價樓,因為平買唔用是最貴。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 香港土著 2016-10-12 08:45:27
地產商齊齊搞納米財技, 將貨就價盡吸weak money/desperate buyer, 算唔算係透支未來購買力呢?係的話, 樓市將來靠邊個買呢?
2. LYC 2016-10-12 09:27:13
土兄別來無恙嗎,你之前瞓身買黃金現時情況還守得住吧,希望遲些樓市大跌時,你可以把握機會上車啦,唔好再搞黃金和股票啦。
3. 地代LYC 2016-10-12 09:55:23

LYC市跌吹升, 市升吹跌. 叫人樓市大跌時,把握機會上車,唔好再搞黃金和股票.

做地代, 都要專業D.

4. 真真薯片 2016-10-12 10:12:12
過去一個月既新盤, 有千呎豪宅, 有500呎兩房細價樓, 亦有納米劏房樓

好明顯兩房民生樓銷售情況係最好, 但係供應就唔多, 尤其當大量供應變左做納米劏房樓之後, 兩房民生樓既供應就更少, 更加供不應求

過億既真豪宅係另一個市場, 依家最難放係千零萬既中價二手樓, 納米樓當數量多既時候就會滯銷, 到最後用家購買力谷晒落400呎以上, 600萬以下既兩房單位, 呢種樓想跌都幾難
5. 陰跌 2016-10-12 10:41:03
土兄一直睇陰跌五年,如今又升回高位,嘅要陰跌幾耐才能到心目中的價呢?
6. LYC 2016-10-12 10:52:39
樓上位人兄大概都係驚死冇屋住,剛剛入市。
跌市時吹升,結果真係升啊,這咪就是準確預測囉,傻仔!跌時你唔聽我講買,係都要高追,自己囉黎衰囉!
現時情況的確凶險,可惜都係冇人信,真係羊群得可憐!
7. 香港土著 2016-10-12 10:55:39
LYC,

有心喇!我買金當買保險, 蒸發左都唔係大問題。

見你近期轉口風, 大家都唔信係你本人, 博士一眼就見你真身啦。

淡市唱升, 可能係地產商sales, 亦可能係地代, 大行細行機會均等; 宜家一手旺, 二手靜晒黎唱跌, 好大機會係細行地代, 因為新盤冇得做, 二手市場一慢, 立刻斷水斷電, 再去到二手冰封時, 直情要斷供斷糧老婆走佬! 
8. 二少 2016-10-12 10:56:53
早前係低位入咗貨的,可部署年底沽出手上較次物業.
10. 占士 2016-10-12 15:46:46

二少,

逢三退一,去蕪存菁是超級高手如博士,鋪王等方能運用自如的投資策略,一般小投資者如果亂用可能會像我的那位鄰居一樣,後悔莫及呀!哈哈哈

11. to 7. 香港土著 2016-10-12 16:12:02

很仔細的分析, 絕對同意LYC是細行地代, 連架都無得打.


【新盤又打交】警方出動防護盾 未有人被捕

將軍澳新盤藍塘傲今日發生地產代理疑與發展商職員打鬥,警方接報到場調查。

據知,事件在今日中午左右發生,記者下午約一小時到場了解事件,見到警方已派人到場調查,並出動防護貭牌裝備。記者向現場警員查詢,剛才是否有人打架,警方指有人推撞,正調查中,暫未有人被捕。

12. 浪子心聲 2016-10-12 17:44:40
提議湯博士考慮寫編「納米樓爆煲論」,2017年中,當供應量到位時,果啲納米樓好容易爆煲!!
13. 二少 2016-10-12 17:53:29
進三退一
14. 香港土著 2016-10-12 18:35:21
5樓,

對我嚟講,股樓都喺投資對象,唔喺必需品。投資講勢,講整體環境,講風險回報,見機行事,唔需要目標價位。
15. 回土著 2016-10-12 21:46:04
咁叻,抵你發
17. 引刀一快 2016-10-12 22:45:06
占士兄

會後悔的人,是不適合做投資的。
19. 開房式 2016-10-12 23:05:44
開房式
扑野房

將來可以比百佳全座收購
如果百佳上市記得買少少