主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20717    回應 : 9
敢說亮話
Thailand Walk(3)全球最熱門旅遊城市
 
湯文亮博士
紀惠集團行政總裁
2016年9月23日

  由信用咭公司選出的全球最熱門旅遊城市,曼谷取代倫敦成為冠軍,香港排第十一,星架坡第六,中國大陸城市十大裡面,一個都沒有,不過,奪得最熱門旅遊城市的雅號亦不是什麼好事,只不過是深受高收入地區居民歡迎,認為他們的消費物超所值,不過,以我昨日受到的款待,來問我曼谷是不是值得奪冠,我話一定值得,首先,我覺得曼谷沒有塞車,大家可能會覺得奇怪,全世界的人都話曼谷塞車塞到癲,點解我話冇,很簡單,由我落機一刻,全程有警車開路,所以,我唔覺得塞車,所慳回時間睇多很多地方,所以,昨晚很攰,食了一餐很豐富晚飯,很早便上牀睡覺。

  晚飯的地方是泰國皇室御用酒家,食物是海鮮,全部都是海鮮,主人家又盛情難卻,希望我唔需要食降尿酸藥,我減肥之後,已經三年沒有食降尿酸藥,不過,去旅遊就要放開懷抱,情願回到香港再減肥。

  曼谷是一個很奇怪的城市,不少社區以及建築物已經老化,本來絕對不可能奪得最熱門旅遊城市稱號,但巿民就相當年輕,尤其是從事服務業的人,應該是從泰國各地進入曼谷年輕人,令到旅遊服務業的質素,消費者覺得物有所值,以此為論據,奪冠亦不出奇。

  昨日,我只得幾小時在曼谷,並不能夠深入了解,今日,我會參觀工廠,了解泰國製造業,點解會有本來在國內開設的工廠,將整個生產系統移到泰國,長此下去,國內製造業都是Thailand Walk。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-09-23 09:52:05
國內製造業,早就一鑊接一鑊,唯獨寄望供給則改革,可以重新打開出路,五到六年,起碼。
2. 占士 2016-09-23 12:12:53

博士,我認識一位朋友,他在一家有名的跨國企業工作,以前在深圳工廠工作過一段時間,之後,調回日本本部,最近,聽其他朋友說,他被派到泰國的工廠也是擔任社長的工作。如果您參觀當地有名的外資企業有機會見到他。講點小秘密您知,他是千杯不倒的酒仙,碰到他要小心點喲!哈哈哈

3. CD ROM 2016-09-23 18:17:28
我好少聽到工廠搬去泰國既case, 唔知博士, 或其他師兄姐, 能否分享下係乜野行業過左去多d呢???
4. 引刀一快 2016-09-23 18:27:40
CD ROM兄,我知道有例外,Nikon 同 Tamron都有生產線放入中國。

不過,平心而論,真係希望供給側改革加把勁,早排睇Nikon 支200-500 5.6,QC差爆,睇兩支兩支都有問題。
5. 向飯民說不 2016-09-23 19:15:50
日本仔上世纪90年代已经搬了很多工厂去泰国马来西亚,亚洲金融风暴其中一个原因就是当时日元大幅贬值,少了很多日本资金去泰国,最后泰国爆煲。
日本仔做事是认真,但是不懂变通,好快被淘汰。
6. 引刀一快 2016-09-23 20:43:09
向飯

未來係人口老化,還是人口爆炸?
7. Tony lam 2016-09-23 23:46:25
神經刀     兩支嘢都係倭人品牌、你逢衰嘢係都要入阿爺A/C嘅  ? ? ? 你比㗎仔揾笨賊…関供給側丫事 ?

估你喺海南島賣海鮮、人地行過望一眼問一下、你都閃電引刀好快、斬死魚講價  !  

你蠢講白D…你咁鈡意鬼佬實識英文啦?你係賣……海鮮嘅 !   估中哩!
8. 香港土著 2016-09-24 04:33:49
牛林,

你哩類口裡很愛國的品種,大陸已經氾濫成災,偉大祖國需要提高國民水平,正正就喺要淘汰你哩個品種。

假若真心愛國,你都喺出少句聲當幫忙啦。畢竟,你的叫春式愛國愛港口號,已經有愛字頭認左頭喇。
9. 引刀一快 2016-09-24 05:33:05
契弟琳琳

影相佬個個都知我講乜,你外行就講少句喇,扮晒魚蝦蟹。

Nikon 200-500 5.6 係made in China,呢個焦段唔算業餘唔係大路,QC栧成咁想點呀。

貨係你點嘅,價係你開嘅,斬死魚都係你自己,你攞sea food找數我唔收!

你咁嘅人叫愛國?我呸!得把口加埋sea food 有咩用?呵呵呵,“有屁用”!