主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28722    回應 : 15
敢說亮話
點解公屋輪候時間直線上升
 
湯文亮博士
紀惠集團行政總裁
2016年8月12日

  CY上任時,公屋輪候時間大約三年,無論任何人做特首,其中一項任務就是要將公屋輪候時間降低,但點解做唔到,當然,有人話政府施政不順,要地冇地,建造業從業員不足夠,要搵理由,搵一百個都可以,其實,政府不甚了解房地產市場,或者,施行一個錯誤房屋政策,當然,要講房屋政策,十萬字也講不完,如果我簡單話公屋輪候時間直線上升與細價樓樓價飆升同一道理,大家又會唔覺得奇怪。

  由於樓價愈高,能夠向銀行借的錢愈少,市民買唔到中型單位,或者換唔到樓,唯有買細價樓,市場上購買力集中在細價樓,做成細價樓樓價飆升,那些打算買細價樓的人無望,惟有疊埋心水申請公屋,甚至大學迎新會,填寫申請公屋表格變成最熱門的項目,這樣的話,輪候時間點可能不直線上升,與去年細價樓樓價屢創新高是同一道理,政府可以以行政手段,減少買樓的人,但原來官員唔知道,那些人最終有不少變成公屋輪候者,最佳辦法並不是多建公屋,而是將打算申請公屋的人轉移到私人物業市場,不過,在辣招及逆週期措施之下,這是一個不可能完成任務,大家可以預見未來,公屋輪候時間會繼續直線上升,自救方法就是早些申請。

 

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 苦前業主 2016-08-12 09:33:58
簡單兩段,一針見血。
好文
2. H妹 2016-08-12 09:46:27
博士,
我識人一家移民了去美國廿年,但一直留起香港間公屋,親友間中上去開水喉,他們隔幾年回内地鄉下一次,這間公屋便成為轉腳點,我相信此問題大有人在,政府懶理,地又只得咁多,有乜法子唔等十年八載呀!
3. 蕭峰 2016-08-12 09:56:18

香港人口已經突破734萬人,截至6月,過去一年有4.67萬新移民,再加上留港工作人士,對屋宇的需求有增無減!
4. Hello Kitty 2016-08-12 10:54:32
所以話未來五六年可能供應有九萬幾係完全冇意義,人口同埋通脹的增長事實遠遠超越咗九萬幾嘅供應量。

按照我Hello Kitty私人收集嘅數據估計,起碼未來幾年要有最少三十萬以上樓宇供應量先叫做剛剛夠。

起間公屋閒閒地成本都要最少每個單位一百萬,當一百萬 X 三十萬 = 300000000000

政府又有冇足夠財政盈餘支持呢啲福利政策 ?
5. 矛盾重重 2016-08-12 12:26:59
公屋起得愈來愈靚,每年又有一個月免租,點解要買私樓?
6. 鐖鍏 2016-08-12 14:14:04
公屋未來五年新供應只是不到8萬個,但私樓未來三年就有9萬2個,政府是不是要檢討吓呢!
7. 好消息 2016-08-12 14:28:52

引刀一快話同20個香港人俾DSD,大家快D出去搵客呀。

8. 引刀一快 2016-08-12 14:31:10
移入係四萬幾,移走一萬幾兩萬,呢個數據絕對冇包括移居大陸嘅人。
9. 前苦業主 2016-08-12 15:21:18
唔係咁同意, 首先申請公屋點都有收入限制, 唔係咁易入到門, 第二申請人數持續增主要係果每日百五件, 第三大學生申請好似要計分, 本身都要等好耐...撒招只會益地代同炒家, 根本兩個市場, 唔認為會加快公屋上樓
10. 引刀一快 2016-08-12 15:34:55
公屋未來五年新供應只是不到8萬個,但私樓未來三年就有9萬2個,

十七萬左右,未來五年當每個移入人口一人一間,都夠。
11. CD ROM 2016-08-12 17:07:30
公屋起係肯定要起多d, 但唔該唔好咁靚, 位置亦要吊腳d. 

又地鐵直達, 又名校網, 邊個交還返出來?? 否則下下傳3代邊有人向上流???
12. 引刀一快 2016-08-12 21:06:16
同意,最好實用率要超高,風水要差,每層戶數增加,易入易出,否則公屋變祖屋。
13. 蕭峰 2016-08-13 14:13:37
2016年8月11日 17:51
上一篇 | 下一篇

本港截至6月總人口為約734萬,較去年同期增加4.1萬人,增長率為0.6%。截至年中的過去一年,出生人數有5.98萬人,死亡人數為4.6多人,另有4.67萬名單程證持有人移入。

無須多講,數據十分清楚。
14. 引刀一快 2016-08-14 06:04:22
移居大陸嘅人係唔會放棄香港戶籍嘅,所以只有放棄大陸戶籍人數數字,賣晒出租晒港樓嘅人,依然係攞住囬鄉證嘅香港人,唔會計入移走數字。

上年移民大約係近兩萬。
15. ABC 2016-08-14 10:37:33
係梁政府民粹之下,政策多鼓勵市民向下流。
試睇下,一個人努力向上去買私樓上車,不但要努力工作,慳飲慳食,又要日日俾波叔恐嚇,萬一樓價上升又好似做左地産霸權幫兇,好唔道德。
掉返轉,申請公屋高尚又容易,上唔樓可以奉旨插
政府,好鬼正義 ! 上左樓,好多福利跟住來,好多都係理所當然。政府稍有照顧不周,又再正義上身,上至公共政策下至家庭個人問題都係政府責任,爽 ! 
即使一朝發達,都唔使驚要交返間風水屋,因為佢有正義同選票。