地產博客 > 敢說亮話 返回
瀏覽人次:25215    回應:15
敢說亮話
慰藉心靈食物之雲吞麵
 
湯文亮博士
紀惠集團行政總裁
2016年7月30日

  有很多人在去了旅行一段時間,回港之後連屋企都唔返,先去食一碗雲吞麵,這亦是大多數香港人的心靈食物,我亦唔例外。

  昨日下午有一頓非常豐富午餐,而在我的減重戒條,千祈唔好連續食兩餐豐富,所以,昨晚我只是飲了碗熱湯,在寫完一篇非常滿意文章之後,就去跑步,跑完步就心思思想食碗雲吞麵,很多人都會去一間有很多分店的名店,我唔會去,因為我覺得那一間名店犯了一個錯誤,就是隻碗太細,而一碗好的雲吞麵首要條件,就是湯寬麵少,隻碗太細,不能夠有太多湯,而其次就是麵條不能夠浸在湯裡,雲吞就可以,這點與拉麵不同,如果大家去的雲吞麵舖不符合上述兩個條件,好食極都有限。

  現在的雲吞麵舖大多數粥麵一齊賣,很多人食粥的時候,分不出枱上那一樽是豉油,那一樽是醋,其實,是有一個潛在規則,就是高的那樽是醋,矮的是豉油,亦有人食雲吞麵會先喝一啖醋,這是個人習慣,正確的是加一些胡椒粉。

  港九各社區有不少好質素雲吞麵舖,在灣仔,我會去大王東街九記,好似曾經得過米芝蓮一星,講明湯寬麵少,所以,昨晚我食了兩碗,很滿足,順便寫少少心得。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 舍神 2016-07-30 10:22:21
湯寬麵少
麵條不能夠浸在湯裡

博土無說明原因啊!
2. 引刀一快 2016-07-30 10:39:26
估計湯底都係好獨門,或者好正宗,依家好多人食完麵根本唔飲湯,否則點會令湯先生在意“湯寬面少”吖。
3. 大陸雲吞麵 2016-07-30 10:45:59
價錢係香港雲吞麵1/5-1/8

不過隻 "雲吞" 大小, 同樣係 香港1/5-1/8.......
4. 二少 2016-07-30 10:54:52
九記豬什頂瓜瓜
5. 引刀一快 2016-07-30 11:24:36
3樓 兄台

廣州稍為似樣嘅雲吞麵,12蚊以上。
6. 無奈 2016-07-30 12:34:28
對極啦,離港十多天,未吃過中餐,真的很想吃雲吞麵。
7. 好 2016-07-30 22:51:12
NJG燒賣平靚正。
8. Tony lam 2016-07-31 00:37:30
胡椒地魚即烤即用、砧板用刀壓碎、、咁撈雲吞先夠香、細粒快熟、皮唔會煮爛、至食到雲吞皮嘅香滑、大粒煮熟時D皮爛哂大剎風景。
9. Tony lam 2016-07-31 14:50:40
CD兄  
夜來清靜、冰凍可樂、薯片、花生、打橫打掂、真正嘅indulgence、呢種境界最高 。
10. AH-HO 2016-08-01 00:07:42
當年在海外呆了幾個月,回來香港,最想吃的就是茶餐廳的港式茶餐。。跟雲吞麵一樣,一樣令海飄歸來的人懷念
11. CD ROM 2016-08-01 22:25:26
Tony 兄,估唔到得到你的同感~~~
12. CD ROM 2016-08-01 22:27:44
AH-HO 兄

唔駛離港,茶餐我最長唔可以一星期唔食GA, Haha!
13. 引刀一快 2016-08-02 09:51:18
CD ROM兄

廣州有近磅嘅茶餐廳,估計深圳都唔少。
14. 好 2016-08-02 10:11:54
心靈鷄湯最難忘。
15. CD ROM 2016-08-02 19:01:54
刀兄,

深圳近磅嘅茶餐廳, 有是有但只集中在1d港人多聚居既小區. 好多係商業區新開的都唔成氣候...