地產博客 > 敢說亮話 返回
瀏覽人次:24992    回應:33
敢說亮話
不值得為一個背信棄義的人出頭
 
湯文亮博士
紀惠集團行政總裁
2016年6月21日

  泛民派勞師動眾為林先生出頭,我最初覺得很奇怪,點解泛民派肯咁樣做,唔通他們唔知道林先生背信棄義,其實,泛民派是沒有可用的人,即使知道,亦都迫不得已用林先生,因為有人在香港被拉上國內的傳聞,不時都有發生,但真正個案就欠奉,今次,林先生主動證實,泛民派點解唔會傾全力幫忙,但林先生要證實的不是他的經歷,是李先生的經歷,甚至不是李先生親口承認,只是林先生感覺到李先生在言語之間曾經被拉入國內,李先生否認,林先生竟然話李先生講大話,既然當事人否認,又何需證實。

  有人話林先生也是從國內偷渡回港,林先生也有可能是被政治拘留,他使計回港,從一切事實,林先生亦不敢否認的事實,他是在國內從事非法活動被拉,亦並非使計回港,而是取得中方信任,假釋回港,然後再違背承諾,利用泛民派為他出頭,唔理國內女朋友會有什麼後果,不再回國內,此等背信棄義的人,就算政治取向不同,都唔會接納,泛民派今次失了民心,如果國內執法人員可以隨便在香港拉人,我相信唔使幾耐,就會有另外一個受害者,又何必急在一時,由此可見,泛民已經等不及,連背信棄義的人都接納,相當可悲。

  曹操對背信棄義的人就好似著過的草鞋,隨時唔會要,當日,曹操收復劉表後,劉表兩位蔡姓大將投降,及後,在赤壁之戰中誤中反間計殺了兩位大將,曹操並沒有承認錯誤,反而說,這等背信棄義的人,殺不足惜,這就是背信棄義的人下場。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 怒婦炒魚柳 2016-06-21 09:35:38
2047年拉哂班契弟,泛民正一係港共
2. 引刀一快 2016-06-21 09:45:19
曹操一直都係呢種做法,宋憲、魏續死咗都未知咩事。
3. 引刀一快 2016-06-21 09:53:38
一個冇尾飛堶,一個就俾人揸住春節的福袋,表現大相徑庭。

丟低條女唔理,又真係郎心如鐵。
8. vin vin 2016-06-21 10:45:48
博士,講得好 !
9. 曹操 2016-06-21 10:54:21
曹操挾天子本身就是背汉棄義!

背信棄義的人下場 :就是曹魏被司马昭篡奪吧!
10. 請睇三國誌而非三國演義 2016-06-21 11:03:09
然後曹操就在赤壁之戰大敗
11. 香港土著 2016-06-21 11:10:54
博士政治智慧確係高!

其實, 銅鑼灣書店五人確係該死, 帶得「禁書」返大陸, 上得山多總會遇上虎。乖乖做順民的絕大多數人, 就算穿梭於北京上海天上人間來回幾十轉, 出事機會都不大, 怕甚麼?
12. 望東樓 2016-06-21 11:23:09
佢哋衰嘅嘢應該同賣禁書無直接關係。你見到啲所謂禁書喺機場大把有得賣就知。應該係去到危害國家安全嘅層次。
13. 股票投资人 2016-06-21 11:25:03
我相信阿爺的政治手段一定高過泛民, 如果沒有後招不會無端端放林返來, 可能就似博士話齋, 到時林話被人逼講這些說話, 就會搞到泛民極其被動. 從林的仔無端端上大陸就可以感受到整個據本都編寫的非常的好, 大家繼續留意據情的發展.
14. 股票投资人 2016-06-21 11:36:32
另外講返禁書, 原本也不至於要這麼大陣仗, 但書中的內容牽涉到國家的秘密, 你常委得幾個人開會知道得野, 不能外傳, 為什麼仲有外人知道? 要查誰是通水出去的人. 另外也要查誰去買這些書,誰會去散布, 抹黑當權者, 這就是為什麼要銅羅灣書店的職員協助調查得原因.
15. 向饭民说不 2016-06-21 11:37:51
飯民上錯賊船。

不過信奉基督的華人一樣沒有背信棄義的概念,所以上錯賊船。
16. 向饭民说不 2016-06-21 11:42:05
郎心如鐵,條背信棄義之徒,根本就是利用條女上床,跟住賣禁書。根本就是人渣。

每次精選年,飯民都有人被打,今年飯民不知道抽了生死籌未呢?今年輪到變個被打。

講到火車服務,小兒剛剛在美國坐火車,晚點了足足10小時。
17. 向饭民说不 2016-06-21 11:46:51
14樓,其實中央主要應該是要找出那些比機密料比這些出書的人。前幾年這些禁書和法輪功發出的信息很多都很準確而且是機密。
18. Tony lam 2016-06-21 12:00:55
3樓  恍然大悟、明白摘福袋嘅理由、摘咗冇得比人揸、你北上行走咁多年、幾時見過D香港雞蟲講感情呢?雞蟲都要有入息先得㗎 ! 唯有顯露神通、亂作一通、呃倒下人㗎 ! 而家見記者都同一招數、亂篤一通、唔洗解釋、總之為你好啦!

淋病/梅毒有藥醫、毒D ! 何不加埋愛滋 ? 比位你!條雞蟲都姓林嘅、睇你哪。
19. 向飯民說不 2016-06-21 12:19:00
18樓,雖者說政見不同,但是引刀的確是個好男人。唔會是那種見洞就插的港男啦。
20. 引刀一快 2016-06-21 12:23:23
哇,原來係關之琳嘅fans,叫做愛滋林.......
21. 引刀一快 2016-06-21 12:25:06
向飯

你係咪日日喺紅磡派紀元報果個呀?
22. 望東樓 2016-06-21 12:27:17
本書入面啲料係邊度嚟要查出版果個而唔係寫書果個?閣下真係高人。
係互聯網嘅世界,一個人買實體書就有九百幾個睇到網版。捉嚟托?

23. 負責派錢 2016-06-21 12:27:38
疑 某書店職員 負責工作 類似 馬林 鮑羅廷,派錢 支援某某組織.




疑.....現代版 李德


24. 引刀一快 2016-06-21 12:28:10
東樓兄

依傢捉人,可以用嚟殺鷄儆猴,亦可以敲竹槓,近一年,好多呀。
25. 二少 2016-06-21 12:35:55
五子只係旦散,阿爺出動中央專案係要抽出國內敵對勢力,至於泛民之流,阿爺根本唔放在眼內.
26. 香港土著 2016-06-21 14:04:55
17樓向飯哩句要比10個Like...

前幾年這些禁書和法輪功發出的信息很多都很準確而且是機密。」

所謂禁書」我就唔了解, 但近幾年法輪功旗下網媒放D料就真係十分有料到......
27. 唔知告乜 2016-06-21 14:26:53
拉咗五個人八個月,又揾唔到犯罪證據,根本就唔知告乜好,到現在無一被起訴,得把死口話人犯法,真係"你講嘢呀?"桂敏海被拘禁的理由,是很多年前嗰單交通事故,但桂女兒在外力斥中共胡作非為,香港人心知肚明中共從來如此,祗不過今次喺香港挾人返上去做得太低裝,簡直流氓所為。
28. Tony lam 2016-06-21 14:53:34
08金融風暴、比咗中國好多空間、正應咗歐美消中國長、阿爺掂、香港先享受到咁長嘅黃金歲月。


抽離先睇得清楚、香港真係穩過鉄、係食得飽冇洗做果班友係度興風作浪、因為知道阿爺放縱佢地、一於扮哂勇武、自製悲壯、班攪屎棍咁小學雞、阿爺真係望一眼都抬舉咗佢地 !

29. 向饭民说不 2016-06-21 16:04:11
26樓,中國人黨爭是非常的陰謀詭計。最近電視據瑯琊榜描述很透徹。在黨爭下,兩個黨爲自身利益可以對國家,對人民利益于不顧。所以中國歷史的黨爭都是令國家敗亡的原因。

大陸的黨正,令到大陸被打壓的令一派要出香港爆料。估計銅鑼灣書局被抓,就是要抽出爆料之人。

還有其實又證明了中國不適合玩民主,因爲民主基本上就是黨政,看下臺灣的黨爭,民主之後,越來越貧窮。
30. 抄襲來源 2016-06-21 16:22:49
大妓院新聞 抄襲自 美國之陰/德國之猩
31. To 唔知告乜 2016-06-21 16:35:00
只是中央一再忍耐,佔中,收黑金,掉磚暴動,好多都放心,只是你們歪曲事實而已
32. 引刀一快 2016-06-21 17:05:39
向飯

香港好多大陸料係中央特意借香港公報架。
33. 有乜好爭論?? 2016-06-21 17:22:07
書店5子 都認 所謂 禁書 內容,全部 抄襲 自 大陸網上資料.

對比返 80-90年代 果D 有內容有深度禁書, 宜家 新一代禁書 簡單 係 派膠潮文...
34. HW 2016-06-21 21:53:12
姓林的大話精在替泛民做Show,希望可以影响今年的立法局選戰。
36. Ka shing 2016-06-22 09:32:48
Why Hong Kong Governement do not restrict the overseas property agent ( HONG KONG HOMES) to selling property to the Hong Kong Citizens and why You expert not mention this news ??? I will tell those of you later   
37. Ka shing 2016-06-22 09:39:07
Because all of you are the same group
38. 引刀一快 2016-06-22 10:02:02
英國樓單嘢?