主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25121    回應 : 9
敢說亮話
最煩是老友問借錢
 
湯文亮博士
紀惠集團行政總裁
2016年5月18日

  我相信很多人曾經面對被老友借錢的煩惱,如果拒借,立刻冇老友做,如果借,叫對方還清的時候亦沒有老友做,其實,有一些問別人借錢的人,他們並不是急需,只不過是睇啱一種投資產品,問人借錢投資,老實說,借錢給那些人,九成九都冇得還,如果他們賺錢,就會清還利息,本金就會拖住先,如果蝕錢,就會對債主說他投資失利,冇錢還,債主唔好彩,試問,既然一早知道有如此結局,我認為應該一早拒絕,就算冇老友做都係咁話。

  在去年,樓價屢創新高,不少年輕人除了問父母借錢買樓之外,還會問另外一些朋友借錢,美其名是上車,其實,大多數是有投機心態,今年樓價下跌,有一些問人借錢買樓的人除了冇錢還之外,還會怨恨借錢給他買樓的人,認為如果當日他們唔肯借,佢就買唔成,今日就唔會有所損失,即是話借錢俾佢買樓的人害咗佢,試問點解要借錢俾人投資。

  有人話朋友有通財之義,互相之間幫忙亦是應該,不過,問朋友借錢之前應該要考慮,他日還錢之後朋友反過來問借錢,他們會唔會借,如果唔會,就千祈唔好問人借錢,否則,一定會給別人講壞話,所以,錢銀方面,莫講是朋友,就算是兄弟都要均真,這樣做,就不會因財失義。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 路人甲 2016-05-18 10:26:13

借錢俾人, 我試過. 
問人借錢, 我亦試過.

前者係無朋友, 借左借晒影. 唔還不特止. 仲同你講, 唸住我唔等$ 使, 唔使還住. (咿? 當初問我借果陣, 唔係咁講個喎....) 這個朋友仲係幾歲小孩識到大...:((

後者係我在答應左時間內, 提前連息還番俾人, 有借有還. 這個債主係親人.

經過這些經歷之後, 我個人認為, 無乜事, 都唔好借.
如果你好想幫呢位朋友, 一係..... 直接同佢講, 我俾條數你, 唔使你還, 但以後亦不要問我借. 當然呢條數會係少好多. 有情有義啦!!

2. 望東樓 2016-05-18 10:54:30
身邊聽過嘅終極慘案係借錢畀姐夫,之後佢(據稱)生意失敗走路,係無錢還嘅境況底下仲要喺心理同財政上支持家姐。。。。
3. 蕭峰 2016-05-18 12:06:34
都借過錢俾朋友,對方係裝修,但啱得咁巧,後未我都急用錢(買樓),對方係冇辦法還俾我 ,只好想其他辦法:(
4. 雞仔嘜嘜 2016-05-18 20:01:41
從父輩傳落嚟嘅一句說話,我一直都當係處世金句,呢句話就係『食為先,著為緊,欠人錢財還條L』。

所以我一直都唔敢借錢俾人,費事俾人還條L,激L死自己。


5. 浪子心聲 2016-05-18 22:22:15
未聽過這句:『食為先,著為緊,欠人錢財還條L』

真是好句、認真好句!!
6. Ca1on 2016-05-19 09:02:30
問得你借錢, 佢已經預咗冇朋友做. 有錢, 又點會借, 銀行借唔到, 財仔借唔到, 要問朋友借? 因為財仔會追數, 收數公司會搞佢. 問朋友即係唔想俾息, 唔想俾人追數, 咁即係 9成9唔會還. 如果想借錢俾人, 你要預咗條數收唔返. 如果你想收返, 就唔好借. 呢個世界親友之間只有俾錢, 冇借錢的. 人生有時要接受有啲人唔再係朋友. 朋友亦未必係越多越好.
7. 李露鬊 2016-05-19 18:52:29
騙徒持假証冒業主成功騙訂
2016年5月17日
據報章報導,去年十一月,有騙徒透過土地註冊處查冊取得單位業主姓名、身份證號碼和簽名式樣等資料,偽造身份證冒充業主,透過中原地產將大圍名城三期五座一高層單位以平價放盤,假業主更指單位乃連租約出售,因此「無樓睇」。

由於物業開價較市價低,同月即獲王姓買家出價洽購,經多番洽商之後,終協議九百二十萬元「成交」,買家於今年一月先後開出細訂和大訂支票予委託的王X律師行作訂金,合共涉及二百九十二萬元。

假業主則委託麥X律師行處理,並相約律師樓職員在街外簽約,騙徒當時聲稱忘記攜帶身分證,稍後以智能手機方式傳遞過關。及後,假業主到律師樓正式簽約,並成功騙得訂金,新買家隨即到土地註冊處登記,以當時造價較同類單位市價逾一千萬元,低出約一成。

王X律師行就交易發信予真業主,當真業主收到信函後揭發該宗騙案。涉事的中原地產、新買家,以及買賣雙方代表的律師樓,其後已就該宗事件報警,目前正進行調查中。另外,知情人士又指,新買家已向涉事的中原地產,以及麥X律師行追討損失。
8. 打工仔 Andy 2016-05-19 20:44:23
自己有錢先好做投資, 問人家借錢來玩就真係可免則免! 
錢不會從天降, 人家都係辛苦得來的! 
9. 引刀一快 2016-05-23 11:57:20
打工仔兄

個個學你咁諗就天下太平。