主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25288    回應 : 22
敢說亮話
市建即將完成不能完成的任務
 
湯文亮博士
紀惠集團行政總裁
2016年5月12日

  唔經唔覺,市建賣「煥然壹居」接近兩個月,又唔經唔覺就嚟賣晒,三百幾個單位賣剩四十幾個,陸續仲有人揀樓,而且去貨甚快,估計全數沽清並不是問題,今次我跌眼鏡,當初,我認為若果「煥然壹居」唔減價,全數沽清將會是一個不能完成的任務,因為「煥然壹居」是在去年底以同區新樓八折訂價,到現在樓價下跌了大約10%,變成只得一成折讓,而且樓市正在下跌,經濟轉壞,政府又唔肯減辣,賣唔晒又唔出奇,就算市建都沒有把握,否則,就唔會要求政府俾「煥然壹居」減價,連發展項目的市建都沒有信心,我沒有信心亦是人之常情。

  兵法有云:哀兵必勝,市建判輸嚟打,負責賣樓的人多走一步,熱心一些,咀甜舌滑一些,賣晒又絕不出奇,當「煥然壹居」賣晒之後,市建千祈唔好以為可以領功,有官員會話,一早知道可以賣晒,所以唔批准減價,市建諸公今次一定呻笨,都未試過,點知唔得,如果沒有講過要求減價就最好,今次,可以領全功。

  今次「煥然壹居」成功,反映市場一個實況,如果有兩成折讓,去貨是沒有問題。不過,市建慶功的時候,房委各委員就會感覺到壓力,居屋售價雖然有三成折讓,但訂價由去年九月計算,折實只比「煥然壹居」平幾個百分點,房委各委員今次真的很頭痕,減價是沒有可能,今次,真的是考輝哥功力。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. LYC 2016-05-12 10:23:13
我一早話煥然實會賣得晒啦,係啲淡友排得後,想前面啲唔好揀,居屋一樣冇問題。
因為需求強勁,隨著CCL爆上,好快會賣晒!
2. Ca1on 2016-05-12 10:50:41
最初唱到咁衰, 賣咗咁多真係跌晒眼鏡, 其實資助樓居屋都唔減價都係一種訊號。
3. Johnny 2016-05-12 11:38:50
居屋系要抽幸運號碼決定揀樓次序,所以就算你想買都要等到你個號碼之前d人揀完先輪到你。
私樓呢就無咁煩,只要唔系一Q清,買家任何時候想買就買。
所以呢,居屋唔係無人要,只系想買既人仲排緊隊等揀樓啫。
4. 歌唱誠意獻給「最初唱到咁衰」的大淡淡欣賞!他們的個人意向,絕對值得尊重! 2016-05-12 11:43:22
https://www.youtube.com/watch?v=ZiKWoesoRN8

https://www.youtube.com/watch?v=BI-rs3fptfs
5. SHUN 2016-05-12 12:16:03
下年又多一批負資產、恭喜、恭喜!
6. SHUN 2016-05-12 12:36:55
撻定個案又唔提下?呢D硬托到出哂面。
7. 睇唔過眼 2016-05-12 13:35:19
Shun, 知你好想樓價跌啦!你够日日係度唱淡啦!撻定有幾多單呀?個别人士撻定係個人問題,不用小題大造!
8. 睇唔過眼 2016-05-12 13:43:56
Shun, 知你好想樓價跌啦!你够日日硬吹跌啦!撻定?好多咩?唔好妖言惑衆啦!
9. 睇唔過眼 2016-05-12 14:01:30
Admin, 點解唔見咗我的回應?
10. 123 2016-05-12 14:12:21
 真正是吃不會葡萄是酸的心態
11. 浪子心聲 2016-05-12 15:30:23
如果香港今後能維持穩定土地供應,今次樓市調整後,「居屋」就應完成其歷史任務;香港房屋政策應回歸正路,香港只需要有「公屋」和「私樓」,那些資助房屋政策應續漸取消。
12. 樓蟹 2016-05-12 16:24:03
曾蔭權任內上差不多惟一德政, 停建居屋。資助人買樓, 得益者係少數, 大部分人唔受惠。如果樓價下調, 連個少數得益者都唔高興。
13. to 5/F 2016-05-12 16:26:46
负资产又怎样?需要你恭喜?为啥这么黑心?

你一面看不起LYC,一面又把他捧到上天,你怕他有能力唱好个市吗? 他这么夸张,只有傻子(如你)才对他的话这么认真。
14. 同意 2016-05-12 16:47:22
這個人每次發言都是這樣樣的自己冇能力但是又不希望別人擁有應該是心理有點問題
15. TO: 5-6樓 SHUN 2016-05-12 17:12:50
大家都知你冇錢買樓,但是不會給與你同情,又冇人揸住支槍指向你要你買私樓,你還是朝向以下機構排隊辛請,慢慢等吧!


有排等!申公屋逾28萬宗 上樓平均輪3.9年

05月12日(四) 16:43
  • 最新公布的公屋平均輪候時間逼近4年,而申請數目則逾28萬宗。(資料圖片)

    【on.cc東網專訊】 最新公布的公屋平均輪候時間逼近4年,而申請數目則逾28萬宗。

    在今年3月底,約有150,500宗一般公屋申請,以及約134,300宗配額及計分制下的非長者一人申請。一般申請者的平均輪候時間為3.9年,當中長者一人申請者的平均輪候時間為2.3年。

    房屋委員會表示,其宗旨是為沒有能力租住私人樓宇的低收入家庭提供公屋,並以一般申請者(即家庭和長者一人申請者)平均約3年獲首次編配單位為目標。平均輪候時間為約3年的目標,並不適用於配額及計分制下的非長者一人申請者。 

    而在去年12月底,約有147,000宗一般公屋申請,以及約143,700宗配額及計分制下的非長者一人申請。一般申請者的平均輪候時間為3.7年,當中長者一人申請者的平均輪候時間為2.1年。

    16. 蕭峰 2016-05-12 17:44:55
    等3.9年都唔算太離譜,等下都唔洗訓街,值得既!呢d公屋咩係貴地價、貴私樓稅補貼囉!都唔知佢日日係度吵咩! 樓價越高,俾你既補貼咩越多、越快囉!


    17. LYC 2016-05-12 17:47:00
    S兄大概冇能力買樓,又唔合資格排公屋,所以咪只好幫人供樓囉,所以堅持搶租盤,交租正,交租GoGoGo囉!
    暫時還未失業,應該未洗瞓街住,遲啲就好難講啦,希望佢可以積極啲搵定個筍位啦!
    18. May May 2016-05-12 18:21:51
    事實S君係向下炒嘅人,佢應該早年沽咗樓,而家希望低位買番,所以要日日吹,佢唔使排公屋。
    19. CD ROM 2016-05-12 18:54:12
    想大家留意番, 價雖無減, 但所謂政府佔比係減左. 

    我唔記得實際數字, 大約係本來業主佔8政府佔2, 變左業主8.5政府1.5左右........

    第日賣既時候補少d地價ar~~~
    20. 白日夢 2016-05-12 22:39:31
    早幾年高價賣出現在想低位買發白曰夢就可以,居屋成本價都差不多要二百萬啦
    21. To20白日夢兄 2016-05-13 08:11:51
    是"高價"賣出先岩
    22. 白日夢 2016-05-13 08:48:49
    TO21樓唔明你想講乜,發文是說高價賣出囉冇問題呀