主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 22343    回應 : 28
敢說亮話
勝在負擔輕
 
湯文亮博士
紀惠集團行政總裁
2016年4月29日

  有不少在去年買樓的人向未有買樓的人炫耀,又話信什麼「細價樓爆煲論」,上車最緊要是贏在起跑線,樓價當時屢創新高,買了樓的人基本上已經是贏家,他們這樣說,令到那些還未上車的年輕人無地自容,有人問我如何反駁,我話冇得反駁,事實的確如此,不過,買樓的人用偏高的價錢買樓,雖然可以話贏在起跑線,但負擔太重,最終都會墜後,甚至要放棄持有那些物業。

  我在去年講那一番話的時候,有人明白,亦有人不明白,到了今年,我不用多講,大家都明白,那些在去年買了樓,自稱贏在起跑線的人今年就感覺到壓力,他們見到同一類型物業,樓價最低限度有兩成跌幅,以一個500萬單位為例,去年買樓的人要付200萬首期,每月供款12,500元,今年在樓價下跌兩成之後,同一類型物業,400萬就可以買到,今年買樓的人少付40萬首期,兼每月少付2,500元供款,數字顯示,去年買樓的人負擔的確重很多,贏在起跑線都沒有用,今年買樓的人勝在負擔輕。

  初次買樓,是人生大事之一,稍有差錯,對日後影響至大,去年買樓上車的人,如果能夠負擔得起,亦可以說有買貴冇買錯,但如果那些人為了買樓而向財務公司甚至親友借錢,現在可能會出現危機,就算按月還款,從不脫期,財務公司有可能因為物業價值下降而要求按揭客戶多付按金,向親友借錢亦不會無了期,這便是去年未有能力而上車的人危機,唔好以為早上車可以贏在起跑線,如果他們願意多等一年,今年他們即使上車,都會因為負擔輕而變得很輕鬆,所以,贏在起跑線並非至理名言,最緊要是負擔輕。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-04-29 08:49:44
一個月慳2500蚊,對一般打工仔嚟講,夠日日帶老婆去飲茶架喇,打工仔兄超班除外。
2. 縮影 2016-04-29 09:17:14

現在樓市就像當年股市的縮影
當恒生指數於高峯前(高峯大約32,000點),散戶門大部分都不敢入市,就算看升都不會買,尤如像2015年樓市日日創新高,但就是只有少數成交,不敢入市,他們不是無條件入市,而是害怕模頂被人恥笑。

到了現在樓市大約跌了成半,如當年恒指由高位回落成半時,散戶門以為大漲小回,飛身入市,心想就算再下跌的空間有限,而且不算是摸頂,更不怕被親戚朋友恥笑。但結果當年恒生指數下跌至14,000點,他們所輸的金額比最高位摸頂的人還多了。

樓市需不同股市,但亦會受經濟影響下如同出一轍,當年樓市由1997年尾回落至1998年初都亦只是跌了一成多,但是後來由高位下跌了足足7成才見底。

再說若沒有在這兩三年放售,價值可能又要打回原形。所以樓市真的不能一廂情願,以為跌夠又話自己唔怕跌的、是自住的,就不顧後果進行買賣。真是需要學習觀察當時經濟狀況,否則好易會鑄成大錯!
3. 想買樓人士 2016-04-29 10:28:21
九龍區2手細價樓價格3-4月又昇返少少, 而且放盤唔多, 樓價真係企到好硬, 大部分業主根本唔肯減價, 我只是希望樓價跌2-3成就可以買。吉鋪多, 零售差, 但好似未影響到樓價跌.
4. Oscar Lam 2016-04-29 12:18:17
汤博士所言极是!

這就是入市買楼timing的重要性。這個問題有些人明白,有些人不明白。
5. Oscar Lam 2016-04-29 12:43:36
回3.想買楼人士,

想楼价下跌20-30%才入市買楼可能有些難度。這里的師兄、姐例如:長河兄、打工仔兄、魚蛋仔,還有我們的少年股神……個個手握巨資。如果楼价再下跌10-15%, 他們會用full pay 入市。因此,很難和他們争。嘻嘻!
6. 苦前業主 2016-04-29 13:12:38
套大,Full pay入細幾間,
細價樓4.5里是吸引之處,
豪宅及舖回報2.5里,
三月時我都full pay左個紅磡區,正!

7. 真真薯片 2016-04-29 13:12:42
以在下所見, 借錢比親戚多數都預左唔洗還, 所以應該冇壓力
8. 蕭峰 2016-04-29 14:10:28
借錢俾親戚呢件事,哎,會還,不過係你唔需要個時,好多時候需要錢時,對方還唔到,反而要靠自己解決。

9. 打工仔 Andy 2016-04-29 14:10:32
引刀兄

小弟都係好慳家的! 哈哈!
10. 打工仔 Andy 2016-04-29 14:11:54
Oscar 兄

仲有已行了逢三退一嘅你自己啦! 哈哈!
11. 魚蛋仔 2016-04-29 14:35:52

To:5/F Oscar lam 

師兄所言甚是!十幾廾個有錢人,人人話掃几个單位。當然包括鋪王兄和長河兄。



12. SHUN 2016-04-29 14:41:01
3樓、等下啦!咪買貴左成世後悔、果D好友吹到点好、自己点有實力?吹下唔比咩?大地產商都減價賣樓啦!唔通呢班人冇$?
13. 预埋我地 2016-04-29 14:46:11
14. 想買樓人士 2016-04-29 15:53:19
我唔係奢望樓價再下跌2-3成, 而係起碼比上年樓價高位時下調2-3成啦, 之前只見嘉湖山莊,沙田某地區跌2成到, 但九龍區屋苑只係跌10%到, 跌時候根本放盤好少, 有部分只係連租約平賣, 跌唔到半年,  現在又話昇返少少, 報紙最近都少講破低價成交, 第一滴血等新聞.   
15. 80後小業主 2016-04-29 16:19:16

3樓,我諗你吾會等到了。

今週 CCL 129.87,比上週升1.49%

http://hk.centadata.com/

16. 蕭峰 2016-04-29 16:20:33
樓上,越係高質素d盤劈價越少,市場最差係2-3月,個時有d劈價盤可以去到2成幾,再bargain 下可能去到3成。依家個市係橫行,你等市區劈3成有排等喔。

17. 引刀一快 2016-04-29 16:24:52
快D跳求雨舞,BSD一撤,CCL即刻衝180。
18. 毛毛 2016-04-29 16:42:28
回14/F,
 
如果想找俾高位低3成應該冇咩可能,低兩成2,3月就大把,宜家要平既只有屯門天水圍有機! 其實有心買樓可以多D去睇下,跟著大膽還價,就算今次唔成事,起碼俾地代知道你會出價唔係淨睇,真係有心買,下次有荀盤都會優先通知你,找到心頭好既機會就大D
19. SHUN 2016-04-29 16:59:11
最新消息負資產按揭宗數急升至1432宗…………講乜都係吹、睇數據。
20. 窮人 2016-04-29 17:00:50
真係而家唔買, 遲D冇能力買啊

仲有大把30-40歲既中年80後剛需搶貨

除去所謂學者講既口水經濟學, 所有有關樓市數據都爆升

新樓大賣, 又要排隊啦

地代裁人既聲音, 已經俾夕陽自由行相關行業取代, 百業待興

業主持貸力強, 小朋友仲係蝌蚪時, 已經為佢地儲首期, 甚至買樓

失業率低於全球, 外面打仗地震, 恆久以來無損香港福地

美國佬又吹加息, 成為永遠來不了既狼

所有新聞/名人又開始轉風向, CCL180以上勢在必行... ...




"逃生門"即將關閉, 衝啊!! GO GO GO

人通常喜歡聽岩聽既說話, 洗咩理咁多... ...哈哈 (????????!)

21. 路人皆知 2016-04-29 17:03:54

似乎調整已經完成!

奇怪點解LYC 兄沒現身? 期待。


22. SHUN 2016-04-29 17:07:31
呢1432宗數字亦相信係中下價樓、祇要有2,3成頂唔順賣樓、3樓你想買平D都多幾百個選擇啦。況且…………負資產個案一定再升、周圍市況其差、你自己有眼睇。
24. 80後小業主 2016-04-29 17:29:20