主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20964    回應 : 16
敢說亮話
紀惠也有李斯特城精神
 
湯文亮博士
紀惠集團行政總裁
2016年4月12日

  在星期一早上與同事開會,有資深同事叫我唔好再寫文章,去年話細價樓爆煲,被人鬧到要認輸,今年說樓價比年初時大約下跌15%之後便會穩定下來,叫去年打算買樓而沒有買樓的年輕人,遇上合適的單位而又啱價,能力又許可的話就可以上車,點知又俾人鬧,仲寫嚟做乜,不如教下同事仲好,我對那位同事說,我寫文章就是教同事,不過,大家應該有自己主見,我說的只是我認為是對的事情,並沒有強求大家相信,亦有不少年輕人去年入市之後,不時對我說,湯生,你話爆,幾時爆。

  如果我話紀惠亦有李斯特城精神,大家會認為我亂噏,其實,李斯特城沒有一級戰將,又非財雄勢大,可以有今日成績,全憑一班球員以及班主對教練雲尼阿裏信任,讓他可以大展所長。紀惠又何嘗不是一樣,我們沒有高薪金高學歷職員,又沒有足夠財力,不過,憑著我家姐及細佬對我信任,而職員又肯聽我的指揮,才有今日成績,而我發表「細價樓爆煲論」,我的家姐細佬亦有壓力,但是他們支援我,認為應該將危險告知年輕人,千祈唔好在能力不及之下上車,是否對年輕人有幫助,我亦不會多講,如果有人想指責我,不如先指責那些說去年樓市沒有危險,甚至還可以繼續上升,今年改口說樓價會下跌三成的評論員,現在仍然討論我的爆煲論是否正確,連我都覺得有點悶,爆唔爆煲,最好問那些以創新高價買了細價樓的人,他們的感覺是最正確。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 窮人 2016-04-12 14:46:48
博士加油
2. 歷史長河 2016-04-12 15:15:19
博士的壓力我都可以身同感受,睇下今日另一篇文「政府應該恢復拍賣土地」的回應便可窺一斑。一片淡水湖,更有人對作者做出人身攻擊。

無論怎樣,博士的觀點大家可以不同意,但希望能擺事實、講道理,就事論事,人身攻擊之類能免則免吧!

博士加油。
3. 望東樓 2016-04-12 15:29:07
2016年係李斯特城嘅;2017年細佬估係熱刺嘅。立此存照。
4. 好 2016-04-12 21:17:05
2017年應該是愛華頓。
5. 引刀一快 2016-04-13 03:19:19
2017係利物浦,2018世界杯都係利物浦,英國派利物浦就可以嘞!

(有冇人笑?爛gag……)
6. 引刀一快 2016-04-13 03:30:42
【讓子彈飛】裡面有句台詞“還未好透”。

經濟?還未壞透

樓市?還未爆透

了解普通話的和說粵語的,會有兩種解讀。
7. 好 2016-04-13 08:43:18
2018世界杯係中國。
8. CD ROM 2016-04-13 16:34:00
刀兄, 你個gag睇唔明wor...............

同埋你個"透", 係劇透個透嗎?
9. CD ROM 2016-04-13 16:39:34
東樓兄, 原諒我近兩年好少睇晒完整比賽但又口痕, 點解熱刺???  

佢黑馬但跑唔出既狀態實在發生過太多次.............. 
10. To56楼 2016-04-13 17:21:51
香港买不起楼混不下去被流放到大陆,还有脸教别人投资!照照镜子啦,学你做失败人士吗?吃着祖国咒着祖国,叫什么?吃里扒外?
11. 引刀一快 2016-04-13 23:53:50
哈哈哈,型爆鏡呀!
12. 望東樓 2016-04-14 08:55:38
CD兄,
唔知全英超入球最多、失球最少、落場球員只係25歲,後生李斯特城三年夠未?
13. CD ROM 2016-04-14 16:42:55
東樓兄,

乜你睇波睇到睇股票咁ga??? 哈哈!
14. 望東樓 2016-04-15 09:52:08
CD兄,有怪莫怪細佬通常主要用左腦。
15. CD ROM 2016-04-15 14:43:48
東樓兄, 

你咁講法, 我地開隻FIFA 2017, simulate 晒成個league就知答案la wor~~~ 講下笑ja, haha, 不過btw唔知你有無聽過FIFA 遊戲中強大既data base連大球會都會參考而派出球探呢??? 


16. 占士 2016-04-15 16:53:37

博士,正所謂一頭狼帶領一群羊可以戰勝一頭羊帶領一群狼!這就領導者的作用!毋庸置疑您是一位優秀的領導者!

我以前和太太分享過您們幾姐弟的故事,她也非常欣賞您們!並讓我多向您學習!哈哈哈