地產博客 > 敢說亮話 返回
瀏覽人次:23537    回應:17
敢說亮話
提早揀樓即是叫人唔好揀樓
 
湯文亮博士
紀惠集團行政總裁
2016年4月8日

  市建好做唔做,煥然一居竟然提早揀樓,市建當然有它的理由,不過,任何理由都沒有用,其他人早已認定是市建心怯,早一日揀樓,早一日鎖定買家,其實,欲速則不達,我認為市建今次行錯棋,早一日揀樓即是叫人早一日放棄揀樓,而事實上68個有資格揀樓的人,有49個放棄,市建今次唔知道點算。

  政府的房屋機構只識得打順境波,逆境就亂晒籠,幾年前市建與新世界合作的名鑄,在開售時反應不俗,市建立刻訂下八大規則,我都唔記得內容,新世界當然媽媽聲,有人買點解唔賣,當樓市轉弱,想賣都艱難,市建諸執位一於少理,官員點知道世界艱難。

  今次市建當局,可能有預感樓市正在向下調整,而市建又唔能夠隨便減價,惟有趁跌勢還未被確認,早些叫人揀樓,鎖定利潤,但是他們唔知道,買家是阿崩叫狗,愈叫愈走,你唔俾佢哋買,佢哋反而排隊買,今次首批68人揀樓,有49個揀唔落手,那些人在取消揀樓後無論對傳媒或者朋友發出訊息都是非常負面,如果不能夠減價的話,話之有12,000個申請,但要全數出售338個單位都有困難,不過,這亦是好事,今次事件可以令政府知道,地產行業,尤其是有關銷售的部份,的確是知易行難,市場是浩翰的,要在市場上捕獲購買力,如大海撈針,他們唔好睇到趙,雷賣樓,如此輕描淡寫又可以一Q清袋,其實,他們是要攪盡腦汁,現在,市建開壞頭兼開錯價,要賣晒338個單位,除非取消晒所有辣招以及港人優先,或者有機會。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
3. Small Potato 2016-04-08 10:37:29
而家又已經有白居二,根本就吾應該再起居屋,話哂係香港,土地都係好寶貴既資源。曾經覚得D西人,一句"this is for the best", 就同個老婆離婚,好似太狠,但而家就明白固中道理。D官員凈係為左因為要做而做,做左就算,而唔係 for the best咁做好件事。 即比喻雙方分開,都可能係對大家都更好,好過為左名份而一齊。

其實D綠表嘅家庭,本身已經有間公屋住一世,根本就不肖買呢D屋居,依家好多迫切想買樓嘅,都係想成家立室或已經結左婚既人,反而以前,政府個首置貸款計劃,仲實際可以幫到想上車嘅人,我有pair朋友,就係當年咁樣先買到樓,生活改善左好多,10幾年過去,而家個老婆,做份part time 去下旅行,生活就係咁。


4. 蕭峰 2016-04-08 10:46:30
港府今年房屋政策一錯再錯,越行越遠。

5. 離地 2016-04-08 10:46:36
只因樓价太離地,太官僚
6. 求問 2016-04-08 11:03:47

每日68個揀樓,有49個揀唔落手,即是有17個買左樓。以此進度,不用20日338個就清倉。

12000個認購,只用了1360個,後面10640個連揀樓的機會也沒有。

不知我的看法對不對?

7. 回6樓 2016-04-08 11:13:13
購買力計算沒有那麼容易,宜家68個人先有19個人買,往後的基數只會愈來愈細,隨時出現100個得5-10個人簡,所以數學係計唔到購買力
8. 怒婦炒魚柳 2016-04-08 11:36:23
後生仔老嘢心態,樓下跌70%都唔買,
老豆話供樓要供一世,你都傻~
繼續同老豆住公屋啦,阿仔!!
有錢買樓,不如比錢老豆洗。
10. 望東樓 2016-04-08 12:39:49
六樓,網上所見,尋日:
無房賣咗最後個件(3。4mln)
一房賣咗十一件(均價5mln)
二房賣咗兩件(均價6mln)
戰況同舊年一手一樣,都係細價無敵、其他無力。
至於價錢係咪合理就大家自己諗啦。

btw如果其他發展商賣樓都好似佢哋咁每日放68件入場揀樓,而唔係齊齊喺門口等運到,可能結果都係一樣。
11. LYC 2016-04-08 13:35:22
班買家突如其來叫去揀樓,平時冇做功課,唔知道真實個市況,信報紙啲劈價報導和這裡的淡友,以為叫佢地去接火棒,羊群心理,驚買貴咗蝕底。其實咁既地點景觀,新樓,差不多現樓。去2手樓,根本買唔到,傻下傻下。下星期班準買家有準備,將會好快賣晒,得個三百幾個單位咁少呢!
12. 毛毛 2016-04-08 14:10:08

其實係因為定價用上年個市價打折,根本呢個價宜家出面一,二手私樓大把選擇,所以搞成咁!

因為呢班係首置客,經驗唔夠,資金又唔多,所以好緊慎!!

13. LYC 2016-04-08 14:20:18
如果真係咁,點解還有人買,下星期睇下啦,一陣就賣晒啦!
現在個個都預期放寬按揭等爆上,邊有平野你買,梁等被個喼搞到頭暈眼花,唔得閒搞樓市,陳總好快會出手啦!
14. 凝風 2016-04-08 15:37:55
市建盤源唔算多,唔可以好似地產商咁貨如輪轉。

市建提早選樓是不是有損失,我覺得不見得大問題,早點確定市場,提早有數據再部署。
如果不早點確定市場,無故又很難說不減價,又去減價。
有數據沒人買,再減價或加折扣,名正言順推翻早前絕不減價說法。
如果不提早選樓,一直不改變策略,等多一排再選樓,不一定會多點人上車。
我相信大多人不選,應該睇仲會唔會調整多次價錢或折扣。
大家不妨鬥耐性~
15. CD ROM 2016-04-08 16:15:51
同意博士, 現在還去刺激首置客的弱小心靈, 實屬不智~~~

點都好, 宜家唔該大家睇清楚係度大喊大叫既 "淨" 係想有個家既人, 又有幾 "淨" 啦.
16. 真真薯片 2016-04-08 20:55:00
官員點知道世界艱難
17. 政府又贏了 2016-04-08 21:14:55
不廢吹灰之力,只是提早了一個月比市民揀樓,就已經令買家腳軟,以往的剛性需求不知為何沒有發揮出來?政府只用了三百多個單位已將剛需擊敗,勁!
18. 路人 2016-04-09 07:39:39
這解釋了為什麼私人發展商不願意砍價賣樓的心理營銷策略(起碼表面價單不減),砍價賣樓反而沒有買家入市!
19. 神算 2016-04-09 10:27:57
樓上,單價唔減,比二丶三十個巴仙折扣你,買家開心晒,遲啲可能50% off, 但死都唔減單價,嘿嘿。
20. Rothschild 2016-04-16 08:40:07
煥然一居滯銷,政府就有理由話証明市場上的並非剛性需求,政府就唔需要咁積極建公居或平價推地。策略合符邏輯