地產博客 > 敢說亮話 返回
瀏覽人次:22537    回應:25
敢說亮話
清明豐不如生前薄
 
湯文亮博士
紀惠集團行政總裁
2016年4月4日

  清明節又到,現在掃墓與古代最大分別就是祭品,古代如果大家族掃墓,祭品之多,現代人很難想像,不過,大家亦都知道,這些祭品並不是給先人享用,而是給其他人睇,令到別人認為他們是孝子賢孫,歐陽修見到咁嘅情況,不其然講了一句「清明豐不如生前薄」,道盡了那些以豐盛祭品掃墓人的心意。其實,歐陽修又毋需如此說,雖然清明豐不如生前薄,但總好過清明薄。

  香港政府出招壓樓市,不知不覺已經六年,樓價最近雖然下跌,但我相信與政府的要求還有一段距離,有人問我點解政府一定要樓價下跌,我都唔知點講,或者與孝子賢孫的心態一樣,現在是希望有一日樓價大跌,不少人變成負資產者,政府便會出招救那些人,不但取消以往辣招以及放寬逆週期措施,如果不見其效,甚至會替那些人還債,或者送首期給市民置業,想不到的花款也會出現,在國家領導人眼中,特區政府官員是有情有義,但一般香港人就心領,如果政府以後打算幫助那些有物業的人,倒不如現時放寬些少調控樓市措施,令到他們比較容易生存,又何需強行要將樓價壓下去,以後再打救他們。

  我最擔心的就是政府明知樓宇在供應充足之下下跌,仍然不肯作出任何修正,令到不少人變成負資產者,甚至有人為此而輕生,做成民怨沸騰,中央政府一定會追究責任,到最後發覺,只要在樓市未大跌的時候作出些少修正,便可以將一場災難化解於無形,現在政府些少修正都唔肯做,明日做多幾倍都沒有用,各位業主自求多福,千祈唔好倚賴政府,因為,政府的策略是置閣下死地,然後再救你,這樣才能顯示官員們的慈悲為懷,一個典型清明豐不如生前薄的例子。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 如是 2016-04-04 11:16:27
博士之前的文章話就算政府不撤招,亦不放寬逆週期措施, CCL 最多跌到 110。
依家博士講到好嚴重,政府會替那些人還債,或者送首期給市民置業,莫非博士睇到有什麼特別壞消息,要政府非放寬調控樓市措施不可?
3. 今日东方 2016-04-04 14:45:48
4. 真真薯片 2016-04-04 14:52:06
做官或者做高層有一個道理, 如果將問題化解於無形, 即係咩事都冇發生過, 係唔會有功勞, 所以必須要出左事然後救火成功先至係英雄, 博士冇理由咁都唔明
5. 秋水 2016-04-04 17:34:05
博士最近有點難捉摸,或者試過爆煲論後唔想去得太盡。

政府其實無需害怕,因為現在有很多是LYC之流,負資產可繼續收租供樓,升跌都唔賣,跌嘅話再買多間,無敵資產,跌多少都對佢無影響,輕生真係諗都無諗過,跟本無需要打救。反之淡友,租客...等等都有心理準備或期待呢個情況,所以以現在情況睇,政府壓低樓價的掌聲會比罵聲多,如果政府現在放寬,反而令人有錯覺這只是調整,以為樓價真係只升不跌,以後樓市泡沫只會更大。有一觀點與博士不同,個人較主張撤一辣(SSD),其他一切不變即可。
6. 數學老師 2016-04-04 17:35:40
博士最近的文章,主調都係希望政府收部分招,又或叫上年未買樓的人今年啱價就好買喇。

明顯係博士見好就收。難度受到甚麼壓力?

還記得博士年頭的文章標題,仍聲稱今年會有萬個銀主盤,是否在山雨欲來前,是置業良機?
7. Koichi Fuyumi 2016-04-05 10:16:06

最近博士文章的確不像"細價樓爆煲論"一樣有明確方向。

或者意味著樓市下跌15%後,部分購買力入市,市況由一面倒的跌市變成好淡爭持的時候。要等候下一個重磅因素出現才會有明確方向。

8. 引刀一快 2016-04-05 10:26:26
to 5樓 秋水兄

LYC係空手道吹風流八段,武功了得,不殺年輕人,劫傻富,濟己貧,一見發財,信者冇得追究。
9. LYC 2016-04-05 10:29:12
還在懵成成,啲盤被人買晒,租盤被人租晒啦,還發夢爆煲,想睇人點負資產死,這些咪就係主觀睇跌冇理據囉!
資金氾濫,按息下跌,還在自我摧眠加息業主會供唔起樓,傻的嗎!
供樓的錢大部份係還loan架,仲越還越多呢,利息越來越少,租樓就冇晒啦,拿層樓去短炒,正傻仔,去睇下現在橋底啲靚位係什麼情況啦!
10. DSY 2016-04-05 10:54:18
     

看了這麼久,如果說地產網最願意作誰的粉絲,我選LYC,但與他的立場無關

  1. 立論明確,意志堅定

  2. 內心強大,寵辱不驚:任你人多人少,粗口濫罵,依然保持堅定的信念。用句很流行的網路術語就是,不“玻璃心”!

  3. 堅持不懈

  4. 夠“厚黑”:只要你肯轉換立場,過往恩怨一筆勾銷!

  5. 不以身份敏感而氣勢弱於人前:地代又點?(如果LYC不是地代,勿怪勿怪!)

     

    綜上所述,厲害厲害!


   
11. kts 2016-04-05 10:54:54
Story like 何柱國 VS 黃之鋒, hahaha....
12. 自我陶醉 2016-04-05 11:01:30
8樓 引刀兄

以佢嘅智慧,以及每天在這裡說的夢話,我真懷疑他連自住樓也沒有,莫說有樓收租了。內心強大,堅持不懈是必然的,我夢裏都經常一個打十個唔,未驚過。呵呵!
13. LYC 2016-04-05 11:49:41
樓上實在太聰明,計算精明,不過,好可惜,全部搞錯晒。買樓收租係唔需要太高智慧架!有錢就買,不斷儲樓,就係咁簡單,專心發展自己事業,唔好分心炒野!好多人自以為好叻,機關算盡,炒來炒去,到老一場空!
我一直所講都係一番好意呢!
14. 可隣的LYC 2016-04-05 11:56:42
情況已經改變了還不知道,可隣的LYC。
15. LYC 2016-04-05 12:29:40
14樓完全正確,情況的確改變了。2手現在冇晒盤,之前還有小小。淡友搶晒啲租盤去推高租金+送錢業主洗!2手樓業主唔再放盤沽因為驚買唔番,等錢洗個班業主的沽盤已經沽晒。
16. 半肥瘦C9 2016-04-05 12:42:42
@LYC

我思路、文筆及情商不及你,但做法一樣,叻仔。


有錢就買,不斷儲樓,就係咁簡單,專心發展自己事業,唔好分心炒野!
17. 狗頭貓 2016-04-05 14:31:07
天貓剛剛賣走100台單價99.98万的瑪莎拉蒂,僅用了18秒,買家平均年齡為32歲。香港是好地方,如果大陸經濟唔死得(正常睇法,正常結果),香港十分有利,不宜看得太淡。
18. LYC 2016-04-05 14:57:17
17樓,都唔洗睇大陸經濟好定壞,都冇關系,資金太多,有錢人太多,冇出路,聰明錢已先行一步來港掃貨,淡友還傻下傻下走去搶租盤推高租金回報率,真係信啲經濟學家吹話跌幾成跌到業主都恐慌性拋售才見底,你估炒股票咩,邊有人揸樓會驚架,揸樓不知幾威水,印印腳,冇樓就真係驚到腳陣陣。
19. 引刀一快 2016-04-05 15:20:29
自我陶醉兄

LYC依家已經係一面旗幟,無需再考慮佢有冇樓出租,全港二手樓俾佢搶曬,地產商一手樓出貨要問過佢,所有租盤都係佢包租,下任特首係邊個,中央會征求佢意見,我依家好驚,驚佢一個唔覺意,話唔likey引刀,咁基地組織就會嚟揾我。
20. CD ROM 2016-04-06 15:31:01
LYC兄, 揸樓唔駛供就話腳印印jel, 要供又租唔出, 都震2野下fa?
21. LYC 2016-04-06 16:24:57
第一:港鐵站上蓋,高層開揚靚裝會租唔出?
大把租客任揀,養寵物,年紀大,冇入息證明,有
全部唔租!
第二:買個時要預計租唔出都冇問題啊!
22. 引刀一快 2016-04-07 16:06:44
哈哈哈哈哈!

買喇喂買喇喂!買樓包你賺大錢!買喇喂!

(第二:買個時要預計租唔出都冇問題啊!)
23. CD ROM 2016-04-07 18:22:32
If fulfil (一),又何需(二)呢?

If no need fulfil (二),閒閒地又可倍大一倍投資額wor...
24. LYC 2016-04-07 18:44:48
多謝提醒,即克去掃多幾間先,親淡友還在尋思緊點解博士會話見底,還在發夢經濟轉差,加息,失業等等冇可能出現的利淡因素,暫時冇咁多人同我搶高個價,遲啲個價升到上火星時就讓班後知後覺的淡友去搶啦!
25. 引刀一快 2016-04-07 19:29:41
CD ROM兄

LYC已經開始反社會,你仲同佢論邏輯?
26. 引刀一快 2016-04-07 19:36:32
快d買喇喂,再唔買就冇得買喇喂……

LYC要將樓價推上火星,趁佢未儲夠錢,快手買喇喂……

空手道泰斗LYC要決戰索羅斯,索羅斯造空,LYC造泡沫,誓要頂瓜索羅斯……

快d買喇喂……