地產博客 > 敢說亮話 返回
瀏覽人次:19735    回應:17
敢說亮話
如果不是小陽春,究竟是乜春
 
湯文亮博士
紀惠集團行政總裁
2016年3月15日

  有物業代理話我今年唔會有小陽春,最近二手樓成交不俗,都可以講是小陽春,我話成交價如何,大多數都是低於市價成交,低一成甚至多過一成比比皆是,成交量多對於物業代理來說,的確是小陽春,但對於業主來說,並不是小陽春,物業代理問,究竟係乜春,老實說,我都唔知道,老樓話係假陽春,我覺得都幾貼切。

  現在情況就是旺丁唔旺價,要減價才有承接力,即是當減價盤去盡之後,成交量又會減少,換句話說,現在成交價應該會是未來一年的最高成交價,就算是打算上車的人都不會盲目追價,如果業主沒有必要賣樓,亦唔願意接受現在樓價,成交量就會再次下降,不過,有心買樓的人不用太擔心,因為有大量新樓盤供應,地產商會為這些購買力度身訂做單價,務求價靚銷售量又要好,最近所見,新樓銷售量不俗,如果地產商之間不降價求售,樓市將會有秩序地發展,小陽春會在購買力積聚一段時間再次出現,毋需刻意強求。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 為乜春 2016-03-15 09:02:56
博士幾時同我一樣變得咁潮啊
2. 蕭峰 2016-03-15 09:06:00
即係話跌10%+ ,市場已經承接,發展商開出d價亦係比同區低10-20%,所以去貨都快囉。

3. DSY 2016-03-15 09:20:21
點解我完全唔覺發展商有減價賣樓?惜貨就feel到~說好的海量供應到而家一個像樣盤沒有,朗8都係千呼萬喚始出來!借網友一句話,發展商有晒大數據,他們的決策imply緊後市!今次可能真係人心所盼出來的调整!
4. SHUN 2016-03-15 09:33:29
10大屋苑由幾宗成交變成十幾宗成交………………甘嘅百分比當然多、唉…………想買嘅人咪買囉!日後負資產咪吊政府!
5. 引刀一快 2016-03-15 09:57:40
呢個春,好友自然解讀為大地回春個春,最好係雨後春笋個春𠻹,我就話應該係春意闌珊嘅春,大陸咁大個經濟浪,情况都未真係全面涌現,就算習大大係再世華佗,都難以妙手回春。前幾年買落賺咗嘅業主,再唔捨得放就分分鐘係春夢無痕個春,上年先至買細價樓的話,就會係虎尾春冰個春嘞。
6. 打工仔 Andy 2016-03-15 10:04:16
有成交咪好囉! 有需要就買來住!