地產博客 > 敢說亮話 返回
瀏覽人次:28156    回應:6
敢說亮話

亞視點解會失敗

 

湯文亮博士

紀惠集團行政總裁
2016年3月13日

  已經唔記得有幾多財團或者個人家族做過亞視,好似只有邱德根家族有微利,所以,唔應該係亞洲電視,亞邱電視才正確,不過唔破財,就擋唔到災,家族中有人為此惹上官非,甚至失去幾年自由,此類型生意,少掂為佳,但很奇怪,一雞死一雞鳴,有人唔做,亦有人非常樂意做,其實,香港只能夠一個電視台,第二個電視台必定輸梗,輸錢贏聲名已經是最好結果,輸錢又俾人鬧的的亞視投資者多的是,究竟亞視點解冇得做,其實,一開始就冇得做,但仍然可以維持幾十年,我認為真的是奇蹟。

  TVB開台的時候,我仍然在澳門讀書,當時,大家都唔知道TVB點樣可以營運,觀眾又唔需要俾錢,只靠那些少廣告費,如何能夠支持,執笠是遲早的事,有一日,家母同其他人討論這個問題,我的性格同家母一樣,學術上講就話係第十個人,市井講就係包頂頸,別人話冇得做,家母就話有得做,每次開電視就會走左個三色標誌出來,就算想睇亞視,都要專登去轉台,就算睇開亞視,熄機之後再開都會跳去無線,單是這一點,就可以斷定香港只有第一個電視台有得做,第二個就輸梗。

  點解會出現這個情況,傳言就非常之多,包括無間道,有人話當時為亞視揀頻道的人禮讓TVB先揀,即使是事實,都只是影響最初的經營者,後來接手的人,都應該知道這個事實,出價以及經營方法都已經將這個事實反映出來,就不能夠用不是第一頻道做藉口,我不知道這是個傳言是否是事實,葉家寶在3月23日到我在明報會客室,我一定會問佢,但我直覺上覺得,家寶未必聽過這個傳言。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Native 2016-03-13 11:23:34
唔係咁簡單
2. 大陸落地權 2016-03-13 11:35:47
宜家係香港搞電視,都係"搏"成為第二個得到大陸落地權的電視台.
呢個可能仲係攞到大陸落地權的最後機會.....
(中央應該唔會捭一個城市 有3間電視台有大陸落地權,其他城市會覺得太偏私,會有好大意見)
3. 亞洲小姐 2016-03-13 11:47:08
唔知 亞洲小姐/亞洲先生 呢2個品牌會唔會賣出去??
會唔會賣捭 大陸電視台 呢??
4. CD ROM 2016-03-13 17:40:57
下? 唔係自己揀的嗎?
5. 打工仔 Andy 2016-03-13 18:12:16
一間企業要成功, 要有好的管理加上能幹的員工! 
6. 阿發 2016-03-14 10:40:41
可以參考一下李雪廬先生回憶錄。
或上 RTHK
電視風雲半世紀重溫。