【珍惜香港】TO：43/F、44/F
唔知乜水嘅，通常都唔覆，不過，既然有人捉錯哂用神，我就寫多少少。
我幾時話過，亞視好睇過 HKTV？亞視衰咗咁多年，鬼唔知，講質素，佢同任何一間電視台，都喺冇得比咩！
我喺一個生意人，
博士話，亞視嘅價值，就喺承托對手嘅價值，我當然非常明白。呢啲嘢，任何一個生意人，或者，就算唔喺生意人，都識得講。但我認為，亞視嘅價值，唔喺响呢度。
咁亞視嘅價值，响邊度？一個真正嘅香港人，
對香港有感情嘅人，喺唔會唔識得答呢條問題。我唔知你幾多歲，或者你出世果陣，亞視已經喺咁衰。
皇后碼頭，留著無數香港人嘅足跡，到要拆果陣，就算喺一個年青人，無論支持，定喺反對，都會覺得可惜，希望保留番個回憶，除非個腦裡面，錢以外，就冇其他。
今日，
亞視請番遣散咗嘅員工，就喺要做到四月一日。不過，
張建宗話，要啲打工仔只收一個月，四月前唔追番欠薪呢個做法，唔可取，會跟進喎！
有時，
生意人做嘢，真喺唔喺咁易睇得明。連個牌都冇咗，買嚟做乜？咁嘅財力，點起死回生？呢個亞視新老細，執隻咁嘢番嚟，唔通喺傻嘅？
或者，人地由 DAY ONE 開始，都只喺想，用最少嘅資源，
幫香港，完成埋呢個歷史任務啫！
咦？呢個投資者，只喺一個內地人，唔喺香港人噃！
如果，真喺咁嘅話，
我地身為香港人，何其慚愧！
App下載
