地產博客 > 敢說亮話 返回
瀏覽人次:24474    回應:22
敢說亮話
股市大黑盤,但又不見人心惶惶
 
湯文亮博士
紀惠集團行政總裁
2016年2月12日

  昨日股票市場在農曆新年假期後重開,適逢年初一凌晨發生騷亂,唔使預測,大家都知道會大跌,理論上市民應該人心惶惶,但無論在股票市場抑或消費市場,大家都好似若無其事,現在,投資股票的人比以往精明得多,明知今次下跌是大鱷做淡,點解要跟他們玩,如果有閒錢,反而可以趁低吸納,雖然,未必是撈底,但大鱷的變化是很快,當他們入夠貨,便會放出不同聲音,如果將股票賣走,可能來不及回購,既然大家都知道這個不變定律,就算股市大跌,都不會人心惶惶。

  騷亂雖然突如其來,但來得快,去得也快,警方現在已經開始反守為攻,自稱本土派不但元氣大傷,又得不到市民支持,更加害到本來在幕後幫助他們的泛民派要挺身而出,幫助他們的泛民派亦知道將會失去不少民望,但唔幫又唔得,自稱本土派今次突然發難,真的是害了自己又害了朋友。

  本來股市大跌兼適逢騷亂,理論上應該人心惶惶,現在沒有,我估計大家對事件有所準備,在投資股票方面,沒有以高槓捍比例投資,就不怕銀行追數,所以大跌亦未能導致人心惶惶。騷亂雖然猛烈,但只不過是地區性,沒有其他地區跟風,警方集中應付旺角騷亂便可以,如果當晚除了旺角之外,荃灣,元朗,北角等亦發生類似情況,導致政府要下令宵禁,年初二的煙花亦要取消則作別論,所以,沒有出現人心惶惶亦是正常,不過,今年始終是要積極防守的一年,任何投資,都應該以保本為主,不適宜太進取。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. SHUN 2016-02-12 11:25:28
還有貨都唔會走啦!買貨?叫D托市怪出手囉!成交低已經反映了!
2. Tony lam 2016-02-12 11:54:59
今次D始作俑者都要整色整水出嚟插自己D狗幾下、情何收堪呢 ??? 而家大佬為求自保、扮曬義正詞嚴插埋一份、但又係佢地哄班狗出嚟亂咬、呢D咪係  : 彩就大佬攞~~耙就狗仔受囉 !
儍仔再唚氣講多次  :  釘入咗、監係冇人可以代你座㗎、再諗深D你地為咗乜啦、政治係大蠹惑玩㗎、班友係想爭政府個位座、點你地去幫佢衝鋒咋、得咗佢地都係咁玩㗎啦、你地乜都分唔到嘅、唔通反一世、而家反就當玩、但好易一世㗎 !
3. e_kam 2016-02-12 12:07:40