地產博客 > 敢說亮話 返回
瀏覽人次:22529    回應:9
敢說亮話
政府托市
 
湯文亮博士
紀惠集團行政總裁
2016年1月22日

  在幾個月前,政府有打算放寬一些調控樓市措施,訊息由財爺及陳總發放出來,估計不會是撤銷任何辣招,最大可能性是金管局的逆週期措施,在消息發放之後,不少物業代理舖面用雞乸咁大隻字寫出「政府托市」,並表示政府即將撤招,當時,樓價指數只不過下跌了大約3%,根據指數公司負責人分析,樓價睇唔到有下跌跡象,在未來一段日子會反覆上落,換句話說,即是未能確認樓市下行,政府又怎樣會調整一些措施,托市更加談不上,我估計,即使樓價明顯下跌,政府仍然會有一段長時間維持現狀,不會出現大家祈望的撤招或者放寬逆週期措施,否則,大家又會說政府托市。

  我同意當政府根據樓市形勢而在政策上作出一些修正,一定會刺激樓市,就算不能夠令樓價飆升,最低限度都會減慢下降速度,但物業代理開宗名義將政策修正說成政府托市,即是叫政府千祈唔好作出任何修正,這絕對是官員的死穴,唯一辦法,就是保持現狀,就算樓價急速下跌,都只會袖手旁觀。

  在調控樓市政策中,供應是最重要的一環,過去因為供應不足而令樓價上升,在政府了解真相之後,表明在未來三至四年可以有八萬三個單位供應,不過就受到質疑,政府將八萬三提高至八萬六,表示供應一定達標,但很可惜,依然未得到老施釋疑,現在樓價下跌,政府應該調整供應量,但陳茂波三番四次表示,供應量會按計劃進行,不會調低,我明白政府的意思,一但有官員話減少供應,物業代理就會繪聲繪影說政府托市,政府是絕對不會冒這個風險,曾經有官員問我,如果政府修正一些調控樓市措施,我是否能夠說服物業代理不要以政府托市作宣傳,我沒有回答,因為任何人都做唔到,點解仲要回答。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人乙 2016-01-22 08:43:43
對! 代理每一句也宣傳也只會令政府更加小心。
升市叫人入,跌市叫人入。
2. 打工仔 Andy 2016-01-22 09:00:18
沙發!
3. Ca1on 2016-01-22 09:27:30
隨住資訊發達, 科技進步, 其實任何代理嘅生存空間都會減低, 要生存必須要靠服務, 商譽, 效率, 相信以後一些低質代理會被市場自然淘汰。
4. 占士 2016-01-22 11:14:15

好,有時,不回答就是最好的回答!

5. Tony lam 2016-01-22 11:19:08
点解CY專登令自己乞人僧、重要加埋個茅波呢?開估!一切苦心都為咗樓市穩定喺高位運行、辣招+重part之後、如果真心增加供應量、未必實死、但後果不在掌控中、有乜依郁、真係會傷到香港嘅筋骨、但点平息買唔起樓嘅基層呢 ? 高招就喺縱大D紅衛兵個胆、再加自己衰衰咁、大聲為增加供應揾地、專簡D火药庫、好似哥爾夫場--嘅側邊、郊野公園、D原居民幾惡吖,D紅衛兵以為有位上嘞、班儍仔以為一拳食到佢正、点會識D Dun雞招數吖、哪!咪話我唔出力刮地呀、係唔夠你惡咋!表現民主得嚟又過咗D儍仔一楝、跟住唯有四圍濕吓濕吓唧D地啦,客觀地D傻仔以為食得住佢、一咪跟到貼追住踩,咁CY咪可以微調供應量又唔洗减辣囉 ! 問心講咁做對香港最好、唔會大上大落。
6. Tony lam 2016-01-22 11:46:07
香港就係Casablanca成班007札係度、冇個哽D嘅大古惑做阿頭實比人玩謝、庸官真係會賊國㗎!你睇吓鄉姐、大隻、摩頂雄、比特區阿頭玩到癲癫凸凸、呢D越儍越會比佢大聲、咁嘅對手實唔會整瓜佢、費事比D有料嘅頂咗D位、叻人、會難玩好多㗎嘛 !
7. Schumpeter 2016-01-22 12:26:32
呢次港元港樓有難,最後又要大陸出手,消耗國家外匯,但估計後都托唔到。

新浪財經今日刊登內地股評人齊俊傑的文章,文中指「最後大陸出手救援,用平准基金的方式大量收購股票托市,才最終打跑了索羅斯」。至於新浪網的回顧專題,乾脆就指,「98年8月港府組織內地資金入市,展開8月期指合約爭奪戰。」 


8. Tony lam 2016-01-22 12:55:04
各自睇住自己最好、唔好人地喊驚、自己又喊驚、馬交人都唔係個個入賭場嘅!好景時一樣好多人唔掂!
9. 引刀一快 2016-01-23 17:34:16
唷,今日湯先生所言,虛虛實實,要琢磨下。