地產博客 > 敢說亮話 返回
瀏覽人次:34209    回應:33
敢說亮話
樓巿專家(包括在下)應該去食屎
 
湯文亮博士
紀惠集團行政總裁
2016年1月11日

  有屯門師奶的兒子在兩個月前以330萬買了一個單位,在耀母揚威之後,還未入伙,樓價已經下跌至290萬,兩個人已經兩肚火,有記者仲唔識死,走去問師奶有何感受,今次大鑊,師奶立刻大發雷霆,叫那些自稱樓市專家的人去食屎,成日響度唱淡樓市,買樓自住,業主又唔肯平,冇計,貴多少都要買,師奶講得冇錯,不過,她應該平心靜氣想一想,如果不是有一班食屎樓市專家,她可能要400萬才可以買到那個物業,而非330萬,她應該多謝,而非叫樓市專家食屎。

  不過,樓市專家又的確應該食屎,應該在師奶入貨之後就立刻唱好,樓價回升,才真的是耀母揚威,現在無端端唔見咗40萬,最唔抵就是有其他雀友師奶個仔現在買樓,有意無意之間講兩句,阿乜師奶,點解咁失策,唔聽那班樓市專家講,聽大摩講,似乎早了一點買樓,貴咗十幾個%,不過,唔緊要啦,用來自住,又唔係炒,慢慢就會回升,有買貴冇買錯,阿乜師奶已經怒火中燒,仲要俾雀友窒,於是大聲話,班樓市專家,食屎啦。

  其實,阿乜師奶如果要鬧,就應該鬧CY,特首公開表明要將700萬樓壓至600萬,跌幅14%,而今次阿乜師奶層樓由330萬跌至290萬,跌幅12%,未達到特首要求,如果由樂觀的人來看,其實是有賺,其實,邊度有樓市專家,不少所謂專家都是租樓住,在過去幾年,相信專家的人真係食屎。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 望東樓 2016-01-11 10:21:37
哈哈,賺錢梗係自己醒目,輸錢當然係社會嘅錯。係香港所有事物都係咁架啦。睇開啲啦博士。
2. LYC 2016-01-11 10:26:24
一向係信自己,一些講升,一些唱跌,信得邊個呢?

3. 打工仔 Andy 2016-01-11 10:36:40
博士
呢個世界講乜都有人話! 睇開 d!
4. AH-HO 2016-01-11 11:02:35
過去那麼多年估樓市升跌的人估錯多過估中的,但博士就偏偏是第十個人,所以題目中的『(包括在下)』應該刪掉。。
6. 專家 2016-01-11 11:33:29
地產市場的升跌並不是由所謂專家發表意見所主導的主要因素是供求及當時的經濟狀況而定
7. 專家 2016-01-11 11:43:00
哈哈哈專家
8. SHUN 2016-01-11 12:05:15