主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29736    回應 : 28
敢說亮話
2016大碌大碌(溶斷版)
 
湯文亮博士
紀惠集團行政總裁
2016年1月9日

  昨日,深圳班股票經紀在開市後十五分鐘就可以收工,平時收工就去happy hour,今日收工就去飲早茶,有廣東佬問來自北方股票經紀出了什麼狀況,北方經紀話溶斷,廣東佬唔明,有懂得廣東俗語茶客話,即是跳咗灰士,廣東佬立刻明白,跳灰士係好事,大家可以睇吓股市出了什麼問題,冷靜一下,國家股票專家又會想辦法,又可以考慮暴力救市,總之,明日開市,股市一定升。A股明天升唔升我就唔知道,但A股溶斷後收工,香港股市就受罪,無端端跌咗六百幾點,今次,真的是殃及池魚。

  有人話,有危就有機,上次香港股市大跌,輸錢的人大多數是國內大媽,當時,在香港熱錢還未離開,樓價屢創新高,利息低迷,不少廠家都賺緊人民幣Acc,當股市大跌,反而有不少港人趁低吸納,及後股市回升,輸錢大多數是國內大媽,贏錢的都是香港人,在踏入2016年之後,突然出現斷溶,今次結果絕不一樣,正是2016大碌大碌。

  耶倫在去年最後一次議息後宣布加息,正式啟動加息機制,樓市正式下跌,但禍不單行,人民幣貶值,不少玩人民幣Acc廠商損失慘重,分分鐘成副身家都輸哂,就算國內大媽拋售港股,他們都冇能力接,於是乎,港股唯有大瀉,但大家唔使擔心,我們亦有斷溶機制,就是自由巿場買賣,當港股下跌至某一個水平,就會有人接貨,持有股票的人見有人接貨,就唔會不問價沽貨,股市就會喘定。

  有記者問我點解國家要搞溶斷機制,很簡單,是暴力救市後遺問題,六個月禁售期屆滿,唔溶斷,股市就會溶解。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-01-09 08:25:30
沙發! 
2. Desmond 2016-01-09 10:00:30
溶斷機制已暫停(無限期),A股又升番少少,大家可以當無事發生過。
3. 神算 2016-01-09 10:41:40
溶斷機制暫停仲大碌,信心危機增加。
4. 打工仔 Andy 2016-01-09 11:01:48
真係要快快趣搞好個機制先得!
5. Tony lam 2016-01-09 11:23:11
老表做嘢香港人邊有咁叻會識!溶斷即係人做雪崩、明知到期實冧、不如齊齊過堂、唔比淨係大户走甩,两日夠皮、第三日驚魂未定、睇好嘅未敢大注、睇淡嘅見亞爺做嘢又輸咗咁多、不妨再座一會。
亞爺而家揸車、沿路好多有心人掘咗窿,放咗石、想佢炒落山、手車一定要跑RALLY咁、座上去一定要扎實安全帶、有信心就唔好跳車、跳車會好傷、阿爺手車我就有信心、不過我冇上車、路邊睇表演、重要企高D。
6. 2011年開始 2016-01-09 11:24:47
香港股市紅籌及民企佔大部分難免受中國因素影響
7. 十郎 2016-01-09 12:05:17


      昨晚3點半左右,  (時間記唔清楚),  美股升120點.

      今朝瞓醒,  美股跌167點.

      人民幣又跌,  戰鼓聲漸近,  貨幣戰.


8. 引刀一快 2016-01-09 12:18:14
香港人已經多年受金融波浪洗禮,經驗同心態都老練D,大陸就普遍都係成長中,一窩蜂。


9. 十郎 2016-01-09 12:19:48


      唔好迷信大摩呀

      隔離版話大摩睇升,  有冇聽過華爾街大鱷,  或者睇過華爾街大鱷.

      大摩唔會在意你地贏定輸,  佢在意自己賺幾多,  年尾分幾多.

      大摩嘅處境就好似評馬人一樣,  貼士中唔中,  唔關佢事,  唔駛賠,  佢冇責任嘅.




10. 引刀一快 2016-01-09 12:20:25
“2016大碌大碌”

呢舖“大陸大碌”
11. 十郎 2016-01-09 12:40:11


      無論你是黃絲定藍絲,  美國在世界搞搞震,  就人人知道,  佢有飛機大炮等火武器,  好少人留意到佢仲有金融武器.

      世界級嘅金融風暴,  邊次冇佢份,  邊次冇美國製造,  邊個吹完一個泡,  拮穿咗又吹另一個,  但次次佢都唔會重傷,  大家唔好以為係偶然,  華爾街係前線.


12. 打工仔 Andy 2016-01-09 12:41:55
引刀兄

點解禁細隻字? 哈哈!
13. 引刀一快 2016-01-09 12:49:01
係剪貼嘅字大啫。
14. 西門吹雪 2016-01-09 13:09:42
十郞兄還是不要說破。有人相信"新常態"美國以後吾會再咁做架…
你講出來,一陣引出某個高手,我們可招架不住呢。。。
15. 十郎 2016-01-09 13:18:50


      多謝 Simon1兄.




16. Tony lam 2016-01-09 14:00:01
有D香港人好娘娘腔、些少浪就嬌喘連連、大陸哥硬净好多 ! 唔好自覺大轆、老表就一樣大轆、沙士咁大鑊都重大把力水、手指尾就挑番起香港、阿爺啄緊美國佬車尾、人地哽係一路撒釘放油想你炒車啦!老美D排隊跌、人仔唔跌咪好苯賊 ! 阿爺而家比人圍緊、睇住條路D氹嚟行、左左右右會係chok D、但理得人地点睇、怕醜? 唔會有人可憐㗎!百年耻辱唔好咁快唔記得、我地可以鬧阿爺、但唔好扮鬼佬寸阿爺、始終香港人点扮都唔似鬼佬、阿爺比人寸得到時、香港人一樣會做契弟。
17. 無奈 2016-01-09 14:52:46
屋漏兼逢連夜雨
18. 無奈 2016-01-09 14:52:46
屋漏兼逢連夜雨
19. 占士 2016-01-09 15:30:54

朋友的傑作,和大家分享一下!

 

《沁園春,再熔斷》

猴年股市,千股跌停,萬戶套牢。

望全國股民,二眼發呆,熔斷推出,十點休市。

股災濤濤,大錢轉眼變小鈔。

瞞腔恨,熔斷新套餐,分外悲傷。

股市如此折騰,引無數散戶心如絞。

歎癡迷股民猶盼利好,幻想發財瞬間被套。

一代監管,學疏才淺,只會忽悠空牢牢。

俱往矣,看卡上金額,還剩幾毛。

20. 珍惜香港 2016-01-09 17:54:26
珍惜香港

Simon 兄大可以放心,我今日冇興趣講新常態,你唔明嘅,就自己睇多幾次。總之唔好好似有啲人咁,成日將「新常態」,老屈成「樓市升」之類嘅結論。至於美國佬,當然有佢地嘅金融武器,只不過「爆」呢招,已經過時。

回正題,點解所謂「溶斷機制」,會失敗?點解一實施,就即刻爆鑊?

國家隊,以為有「溶斷機制」,就可以大安主義,唔使咁早返工啦!

點知,一起身,吓?乜「溶」咗嗱?

呢個世界,冇一個「機制」,喺無敵嘅!

面對現實啦,唔使做咩!
21. 引刀一快 2016-01-09 18:07:46
珍港兄

此言差矣,大陸單位依傢打卡,要樣貌辨識,要返工嘅,都係冇得吞pob。
22. 打工仔 Andy 2016-01-09 18:27:21
珍兄

全中!
23. 向饭民说不 2016-01-09 18:51:59
港璨真系On dog dog, 对大陆熔断,幸灾乐祸。但是人民币贬值,港币被追击的机会非常高。

2016大碌大碌(溶斷版),香港将要面对港币PEG的攻防战。到时港币PEG是否溶斷真系天晓得。

70年代之前,菲律宾曾经比香港更富有,但是菲律宾货币熔断之后,现在变成了涌入国。

24. 向饭民说不 2016-01-09 18:56:52
20楼,其实PEG系统难道不是一样都吗?香港人现在大安主义,幸灾乐祸。但是当危机来的时候,肯定更加严重。

97年,全世界都估港股和港币,只有大陆和港府买港股和港币。当时挺了过去。今次发生危机,看来只有港府出手啦。香港得果几千万外汇,如果资金外流,都系系星期的事。
25. Tony lam 2016-01-09 19:07:35
世事對錯冇絕對、Fuse連燒两次咪蚊咗佢囉,最緊要一蚊咗、個市即時企穩咪知有冇信心囉!阿爺而家嘅江湖地位、美國佬就心水清嘞,唔係点會成日想攪住你吖!
美國佬假銀紙鐘意印幾多就幾多、長期玩息口狼來了,邊個茅躉得過美國佬、財資呢壇嘢,香港人真係未夠班!


26. 向饭民说不 2016-01-09 22:55:06
楼上,peg 系统和大陆熔断机制,都是建立在信心和背后实力身上。

香港人仲on dogdog,幸灾乐祸,到时peg 被攻击,真系找谁帮助呢?
27. 神算 2016-01-10 14:19:47
同意冇機制係無敵嘅,問題在於大陸股市5%上落太平常,輕易觸及,要考慮擴闊跌幅。
28. 引刀一快 2016-01-12 07:11:06

徇眾大大要求,是次活動訂立截止日期,具體程序如下

本年度1月、4月、7月、10月,四個整月爲投票日,其餘日子爲討論時段。

各論者在每個投票月份均可改變立場,順應市況變化,表達睇法。

本活動無比賽成分,亦不設輸贏,旨在加強本年度樓市走向討論縱深度,希望大家踴躍參與。