地產博客 > 敢說亮話 返回
瀏覽人次:38243    回應:32
敢說亮話
2016大碌大碌
 
湯文亮博士
紀惠集團行政總裁
2016年1月7日

  昨晚和網主及幾個Whatsapp談話,我話如果談話內容屬實,又有人將之放上網,樓價一個月內跌一成,所以,今早我睇回應,網主話暫時將佢歸納在淡友行列,其實是有道理。

  早兩日我去美聯新春酒會,見到差不多所有地產商售樓主管都在場,老趙在,霆哥都在,記者問我今年樓價點睇,細價樓會不會爆煲,在咁樣場合,我點會話爆,我講下跌一成,屬於調整,爆唔爆,在場的人心裡有數,訪問片段出街,話我改口,細價樓不會爆煲,那些急就章訪問,怎樣可以作準,大家應該明白,我在網站,明報,iMoney都為今年樓市作出預測,是唔會改,大家可以參考,今年預測樓市不是很好,但我知道預測大多數唔準,因為,樓市的表現將會被我的預測更壞,所以,我將題目叫2016大碌大碌。

  今年樓市沒有小陽春,除非地產商肯大幅減價,兩種結果都表示樓市不佳,現在最難預測的就是中原指數連跌幾多個星期才會連續兩個星期反彈,我估計,今年上半年不會出現。

  財務公司現在已經開始劈價賣貨,不足之數將會向加簽擔保的親人追討,結果可能導致擔保人賣樓,有人會話我危言聳聽,台灣有一個賣麻油雞的男子,他曾經破產,佢細佬因為同佢簽擔保而跳樓,所以,擔保人賣樓又有什麼出奇,財務公司在升市時對債仔是溫和,跌市時就很粗暴,下半年大家就會見到,總之,有向財務公司借錢的債仔就要小心,單是今個月將會出現500個銀主盤待拍,我在爆煲論講三年內有一萬個銀主盤時被人鬧到反肚,現在,鬧我的人都忙於追數,因為,他們自己都被人追數,那些借出去的錢都是問別人借回來,人家要收回,你叫財務公司點做,大家話有向財務公司借錢的人是不是要有心理準備,可能是生理準備比較好,我唔再講,留意日後文章。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 新抱仔 2016-01-07 10:37:47
oh!  謝謝博士提點.
2. 玩完 2016-01-07 10:49:37
大陸仔: 美國從1988年實行熔斷機制至今,只有1997年10月27日實行了一次熔斷機制。發達國家花了10年才測試成功的東西,咱們就搞定了二次[sosad] [sosad] [sosad] [sosad] [sosad] [sosad]

3. 自我陶醉 2016-01-07 10:56:13
呢啲係火燒連環船,股市一樣唔掂,人仔咁跌又唔知有幾多accumulator中伏,高槓桿資產會一一爆煲,junk bond 爆連銀行都唔掂,呢個市勢,千祈唔好咁投機,現金為王。
4. 歷史長河 2016-01-07 11:05:25
今日神算兄上身,我估明日CCL 返彈。贏著算我的,輸咗找神算找數。
5. 望東樓 2016-01-07 11:05:28
傳媒只會認為人咬狗至有新聞價值,同樣道理香港第一淡友轉軚當然會上頭條,雖則唔轉軚至係問題。舊年樓市兩大先知係博士同老趙,依家博士旗幟鮮明啦,我就已經買咗大包花生睇下老趙點出招,同埋班後知後覺/唔知唔覺嘅點還招。
6. 神算 2016-01-07 11:37:25
哈哈,長河san 擺我上枱!好,我都長河上身,為了我的致愛們,我估CCL 彈升! 赢輸都算長河。
7. CD ROM 2016-01-07 12:10:18
神算兄,必輸都肯,抵得諗!
9. 西門吹雪 2016-01-07 13:51:59

今回我又讚成河兄WOR~

CCL滯後架MA~~12月尾未加息之前係有一排呎價有多小回彈GA~~聽日個CCL好可能止跌或者升反些少~不過之後幾個星期就...

10. Oscar Lam 2016-01-07 14:03:23
同意自醉兄,

多持現金、静觀其变、静待時機。
11. 打工仔 Andy 2016-01-07 14:14:02
平常心就可以!
13. 向饭民说不 2016-01-07 15:53:00
今年应该担心港币被攻击,同缩,失业率问题,而不是楼价。
14. 蕭峰 2016-01-07 16:10:48
通縮和失业率问题,要看hk經濟,而hk經濟又真係下滑,當然會影響樓價。
15. LYC 2016-01-07 16:26:34
好多人都想買樓,唔想一世租屋住,可惜每次機會來臨的時候,啲錢都不知不覺地坐在股票的艇上漂浮,好彩就數年好坐完艇,唔好彩隻艇就沉了!情況有啲似2011年,買第N層樓時,HSI跌到萬六萬七點,CCL都跌了一成左右!
16. 2011年開始 2016-01-07 16:44:13
借凸加高息就幾時都大碌
17. 引刀一快 2016-01-07 16:49:51
浪來了,浪來了,湯先生預測嘅一萬個銀主盤之下,還有引刀猜估一萬個負資産個案。
18. 引刀一快 2016-01-07 16:53:09
長河san

等緊你投票呀!


唔凖標童呀!
19. 歷史長河 2016-01-07 16:55:32
十卜
20. 向饭民说不 2016-01-07 17:10:59
14楼,现在股票下跌和港币跟美金变得超强,香港的通縮和失业率变坏的机会是很大的。现在问题还不大,因为港币暂时变成了资金避难所,97年亚洲金融风暴初期,港币一样是偏强,所以当时香港人以为自己无问题。但是后来资金流走,香港开始了5年的通縮和失业率变坏。

其实今年比上次风险更高,上次只是亚洲货币贬值,今次是连人民币也贬值,还有好多香港厂佬买了人民币的I kill you later。恐怕这个月会发现很多有钱人破产。
21. 向饭民说不 2016-01-07 17:24:55
估计引刀做政府工,或者现金为王,或者吃综援,住公屋,没有资产。今次世界性经济危机影响不到他,所以特别兴奋。
22. 引刀一快 2016-01-07 17:50:03
向飯陛下,點解你話我興奮嘅?今次我都大煲,不過我比你實事求是,係果句講果句啫。
23. 向飯民說不 2016-01-07 18:34:50
樓上,點都好啦,最可怕的是可能好快港幣又被追擊。等班港燦仲甘興奮。
25. 引刀一快 2016-01-07 19:21:18
港燦?影射邊個呀?
30. 肥婆四 2016-01-08 08:11:31
博士見慣世面都話大碌,老舉話唔怕都唔得喇,今日報導仲話九龍塘有廿四舉添,博士神人也。
31. Tony lam 2016-01-08 16:37:48
聽真D!誠哥話上落一成好平常、但今年會唔會平常呢?佢擺咗係心度,冇講。
32. 引刀一快 2016-01-08 16:53:16
TonyLam兄高人,聽出弦外之音。

李先生一向好重視自己講乜,亦好技巧。
33. Tony lam 2016-01-08 17:05:16
刀兄:
唔好讚我、一興奮我會好多嘴㗎!
34. 向飯民說不 2016-01-08 18:26:25
引刀,明顯映射那些日日話支爆的黃色物體。
人民幣貶到1比1時,港幣壓力肯定好大。引刀甘醒,吾知到時仲以為香港仲有咩行業賺外匯。難道要學空心菜用愛心賺外匯。
35. 真真薯片 2016-01-08 20:01:19
西門兄觀察力同記性真係好, 果然止跌
36. 向饭民说不 2016-01-08 20:54:31
引刀,香港成班黄色物体被鬼佬洗脑到完全没有分析能力。

今时今日,大陆好,香港先有可能好,但是大陆爆煲,香港一定陪葬。

今日,港币对美金已经开始转弱。没有想到避难货币也甘快转弱。当然peg系统不是那么容易被摧毁。但是一旦港币被追击,利息肯定上升。到时香港的裸体经济点支撑。

Soros 已经话今年比08年更差,我有理由相信。08年,实体经济还有iphone智能手机新兴行
业,今年好像没乜行业支持。
37. 向饭民说不 2016-01-08 21:03:55
日日支爆的黄色人渣,看一下bloomblerg 的分析啦,

http://www.bloomberg.com/news/articles/2016-01-08/hong-kong-dollar-falls-most-in-10-months-as-yuan-rises-on-fixing
38. 引刀一快 2016-01-12 06:27:08
向飯

呢D唔係“乜都話大陸好”嘅理由,凡事要中肯,好就話好,唔好就話唔好。
39. 引刀一快 2016-01-12 06:55:36

徇眾大大要求,是次活動訂立截止日期,具體程序如下

本年度1月、4月、7月、10月,四個整月爲投票日,其餘日子爲討論時段。

各論者在每個投票月份均可改變立場,順應市況變化,表達睇法。

本活動無比賽成分,亦不設輸贏,旨在加強本年度樓市走向討論縱深度,希望大家踴躍參與。