地產博客 > 敢說亮話 返回
瀏覽人次:35283    回應:21
敢說亮話
備戰李宗偉(4)一膽,二力,三功夫
 
湯文亮博士
紀惠集團行政總裁
2015年12月8日

  老友見我用鏗鏘來講打羽毛球,認為我講就天下無敵,打就無能為力,首先問我點解咁夠膽挑戰李宗偉,我話我膽生毛,所以唔驚,如果驚左對手,就未戰先輸,所以,有一膽,二力,三功夫說法,老友再問,是哪二力,其實,二力不是講兩種力道,而是講打交,首先要夠膽,其次要夠力,第三才是功夫,不過,打羽毛球的確要兩種基本力道,我相信很多人都未必知道,亦有人會話,腕力是最緊要,全力扣殺一定要夠腕力,我唔能夠話錯,全力扣殺的確要用腕,但不是腕力,而且只是用作輔助式,因為唔用手腕,很容易殺球出界。

  打羽毛球進攻時用腰力,手臂的作用與球板一樣,手腕是用作調節,如果要用力都是在殺球時緊握球拍,唔識得用腰力,就唔好打羽毛球,不但打唔到好聽聲音,搓波又唔夠後,殺波又冇力,兼很容易受傷,而怎樣用腰力,各位請請教羽毛球教練,要懂得心領神會,有些人一學就識,亦有一些人學一世都唔識,要學用腰力,首先從搓高遠球開始,慢慢就會感覺到條腰在發力,最後,由條腰來打羽毛球,是否很奇妙。

  我講打羽毛球防守時用腕力,或者有很多人會唔相信,其實,如果他們打羽毛球,在被對手攻擊時,用了腕力來救波都唔知,因為是條件反射,如果唔用腕力,一定救唔到波,腕力發揮寸勁作用,隨時可以反敗為勝,不過,很容易受傷,我曾經手腕手傷,停打兩年,當然,只靠腰力和腕力仍然不夠,還有很多基本技術,配合足夠體能,才可以做一個出色羽毛球手,李宗偉每一日最少訓練八小時,世界冠軍得來不易。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-12-08 09:46:07
博士加油!
2. 新抱仔 2015-12-08 10:48:41
博士!記住拍一點花絮給我們欣賞下