地產博客 > 敢說亮話 返回
瀏覽人次:35341    回應:37
敢說亮話
二手低價成交或牽涉財務公司貸款
 
湯文亮博士
紀惠集團行政總裁
2015年11月23日

  最近有幾宗低價成交,由於沒有經物業代理放盤,立刻被人質疑是做市,我覺得如果真的是做市,都唔好做得咁難睇,現在,大家都知道,任何低價成交都會被小業主質疑,尤其是用創新高價買樓的小業主,但我認為那些成交應該是真的,不過,並非是一個能夠自由買賣的成交,我估計,應該是與財務公司的貸款有關,小業主借錢後未能如期清還,被財務公司強迫出售物業,故此,在未來日子,不時會出現一些低價成交,而且陸續有來,愈來愈多,要做市都唔可能做得咁多,到時候,就唔會有人話做市。

  在二月份我寫「細價樓爆煲論」的時候,指明會令樓市下跌的因素,其一是財務公司向小業主追收貸款,如果追唔到,便會以銀主身份沒收物業,再放到市場出售,稱之為銀主盤,但金管局立刻堵塞漏洞,財務公司不得承做二按,於是,財務公司轉而向小業主發放私人貸款,雖然,不能夠以物業作抵押,但可以簽訂一張低價買賣合約,買方與財務公司沒有任何關連,如果小業主到期唔還錢,買賣合約便會生效,這是很多年前財務公司的做法,我並不知道他們現在是否採取同樣方法,不過,任何方法都是你情我願,那些向財務公司借錢的小業主或者就這樣損失了一個價值不菲的物業,在年底前,這些個案會陸續增多,又一定會有人為此作出投訴,到時候,大家就會知道低價成交是否牽涉到財務公司貸款。

  我經常提醒那些向財務公司借錢的人,如果沒有能力如期清還,他們所擁有的資產,包括珍貴的自住物業,被財務公司沒收只是遲早的事,如果因為過度消費而損失了自住物業就太不值,所以,適量消費,量入而出,這是最基本的理財哲學,很多人會唔明白,認為他們的物業值咁多錢,點解唔可以消費。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 丸子 2015-11-23 09:43:39
我眼見身邊做生意的前輩,就算非常有錢,生活也非常樸實,不會亂花錢,會應花才花,反而最捨得花的,主要在健康生活方面;反而很多周身名牌的,卻只是打工仔一名。理財得當,才會有成功機會是真的。
2. 2011年開始 2015-11-23 10:04:49
量入為出是保持財政健康不二法門.財務公司拍賣銀主盤之後扣除應收帳再向債仔追收差額,由於債仔無力還款才拍賣扺押品,如果是這樣,財務公司收樓價加 應收帳,總成本又未必低市價太多.
4. 魚蛋仔 2015-11-23 10:51:13

1/F 丸子師姐所言甚是!

觀乎大家熟悉的網友歷史長河大師,擁有過百億家產,都是杯麪+特價時段。

5. 歷史長河 2015-11-23 11:55:44
樓上,本來想吃一頓海鮮餐改善吓生活,可是打賭又要輸了,只能繼續杯麵!
6. 按居 2015-11-23 13:49:53
博士,有條題目想你寫:

「樓市數據之奇怪變化」

轉角後:
一方面報導話業主見價唔好所以大量賣轉租;
另一方面話業主心急早賣早著所以大量賣盤出現。

點解之前話空置率低但一時之間可以放租放賣一齊升?

我相信「租」是無得炒的,現時報導是下行的。還有未知的是之前話很少的真正空置的鎖匙盤有冇增加。
7. 打工仔 Andy 2015-11-23 15:14:17
長河兄

你買的是否鮑魚杯麵來, 哈哈!
8. Oscar Lam 2015-11-23 15:25:03
長河兄,

身家過百億却日日食杯麵,兄台刻苦勤勞的獅子山精神令在下深表感動。您為年輕一代做出了榜樣!

共學之,哈哈!
9. 歷史長河 2015-11-23 15:45:22
Oscar 兄所言甚是,小弟住津巴布韋,哈哈!
10. CD ROM 2015-11-23 16:58:16
長河兄, 魚蛋乃新鮮魚肉製成, 實屬海鮮一種~~~~
11. 西門吹雪 2015-11-23 17:26:17

其實以小弟愚見,以長河兄既財力,應該多玩玩,多花費。人生至此,何必仲要憂心? 學打工兄話斎,短期升跌緊有,何足懼哉? 只要有準備,唔駛理佢,反正過二,三十年還是會升的。

12. 歷史長河 2015-11-23 17:26:51
Simon 兄不可不察,小弟是陪大家窮開心,打工兄已立於不敗之地,無可比性。哈哈!
13. 西門吹雪 2015-11-23 17:38:21

長河兄太謙了~

其實ONE DAY我有打工OR長河兄既財力,我都會買入一堆單位收租。之後唔理佢升跌,日日去玩了~~ 今時今日仲要0孝住個市等機會,全因為未夠本咁做而已~  

14. 歷史長河 2015-11-23 17:53:12
喜見Simon 兄注冊成功,以後多多交流。這個壇子高手雲集,你一直也言之有物,是在下學习的榜樣。小弟也一直師從引刀,陶醉等大師,以磨練情操。另外珍港兄之大作一定要Print出來,放在枕頭下,每篇文要讀十遍以上,佢用心寫,字字珠璣,一定要用心體會。
15. 魚蛋仔 2015-11-23 18:14:46

11/f Simon兄所言甚是!長河大師日日力戰淡友,目的一目了然,唱升樓市,然後高沽再低揸,高手也!

嘻嘻!

16. Oscar Lam 2015-11-23 18:21:06
回11西門兄,

師兄所言甚是!長河兄財力雄厚,投資時向來快、狠、準,入貨時從不問價。嘻嘻!
17. 打工仔 Andy 2015-11-23 18:23:21
長河兄  Simon兄

放過小弟吧! 哈哈哈!
18. 歷史長河 2015-11-23 20:03:05
15樓魚蛋闊太,睇好是一種人生態度,與其他無關。
17樓打工兄,放過你?沒有那麼容易!
19. 歷史長河 2015-11-23 20:15:27
16樓Oscar兄,小弟清兵一枚,不求准只求狠,哈哈。

不過已得到博士認同, 有秘決為證:「狹路相逢狠者勝」,共狠之,哈哈。
20. 真真薯片 2015-11-23 21:01:49
爆煲論終於出現? 如果博士肯再出個timeline話幾時低價成交會變成常態就好

到時地代可能要去外國搞恐襲黎托市, 因為外國恐襲代表香港安全, 所以香港樓要升, 好似係
21. 中產求生隊長 2015-11-23 23:49:59
中產人士買樓自住同收租心態一樣,平時因為工作忙所以一向都會長缐睇,保住份工及有供款能力,就買下一個買下又一個單位,通常有三四個單位所以基本上只要一直能力所及,連博士的逢三退一也不用跟,到十五至二十年在職生涯後,大多數都樂游游生活,到時做又得唔做亦可,只要不大貪量力而為,小富總會達到。
22. 打工仔 Andy 2015-11-24 07:39:50
21, 中產隊長兄

十分合理! 所言甚是!
23. 2011年開始 2015-11-24 09:32:05
同意中產隊長兄及打工仔兄,平時專註本業工作,有多餘錢就買入,保持低借貸率
24. 歷史長河 2015-11-24 13:02:47
樓上幾位師兄,大家理念一致,小弟曾經講錢夠時就買!,意思差不多!
以收藏之心態對之,便會寵辱不驚!
25. 2011年開始 2015-11-24 13:16:54
平時用市價買入,氣氛差低市價10-15%買入.只買最優質單位以利將來套現.
26. TO 四樓打工仔 2015-11-24 13:19:21
打工兄你都好純真。

在下相信一個有過百億身家嘅人係唔會亦無時間同你係度吹水的,過百億身家嘅人係唔會話你知嘅。小弟年紀較大,見人見事較多,吹水唔緊要,唔好咁認真。
27. 打工仔 Andy 2015-11-24 13:23:02
2011年師姐

你呢個方法十分好, 但要平時做足功課, 手持子彈, 机會到就快狠準! 
28. 引刀一快 2015-11-24 15:30:46
To 24樓 長河san

你呢個理念對香港社會大多數人嚟講,不單冇參攷價值,而且對好多人嚟講好易誤解,跟就高危。
29. 引刀一快 2015-11-24 15:38:38
To 18樓 長河san

“睇好”唔係人生態度,祗係某情况某條件下嘅一種判斷。

只有乜都睇好嘅人先可以話“睇好”係人生態度,亦即盲好。
30. 歷史長河 2015-11-24 17:07:18
引刀教授,我再次重申「睇好是一種人生態度」,包括對你。希望你能悟到,不信你試試,運氣也會跟著你。
31. 打工仔 Andy 2015-11-24 17:16:48
長河兄

你講得好岩, 我地出來做事都一樣, 態度决定一切!
32. 魚蛋仔 2015-11-24 18:21:48

30/F 長河大師,

十分同意[睇好是人生熊度]。

半杯水理論是反映我們做人的心態,積極與否,也在某程度上決定人生的際遇,成敗。開心接受,抑或自怨自唉?我相信天助自助者!

共勉之!哈哈!

33. 歷史長河 2015-11-24 19:53:52
魚蛋闊太,你說的好,肯定正鴻運當頭。記住,千祈唔好將港大周邊毫宅盡收囊中,留返一點我地。
34. 如是 2015-11-24 20:22:59
日日是好日 時時是好時 人人是好人 事事是好事
35. 打工仔 Andy 2015-11-24 22:00:11
長河兄  蛋姐

你地咁多豪宅係手仲要掃? 哈哈哈! 






36. 魚蛋仔 2015-11-24 22:30:53

35/F 打工仔兄,

加按定5層樓,預備買豪宅果个係長河大師,不是我呀。

37. 引刀一快 2015-11-25 01:35:22
“睇好”祗係某情况下對某事物嘅判斷,唔係一味講好聽嘅說話就可以改變嘅。


38. 打工仔 Andy 2015-11-25 07:20:17
引刀兄早晨

你講得好, 所以我地好友一直身体力行, 堅持持货! 哈哈!