主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32269    回應 : 22
敢說亮話
今年買樓的人點解會是輸家
 
湯文亮博士
紀惠集團行政總裁
2015年11月19日

  雖然現在全部評論員,分析員都已經改口說樓市跌勢已成,而且最近劈價之聲不絕,但我相信到年底仍然有幾個百分點升幅,所以,有人認為在今年初,大約在我發表「細價樓爆煲論」的時候買樓的人,基本上都是贏家,問題是贏多少而已,在數學上的推算沒有錯,但由於有SSD的緣故,就算他們出售物業時獲利,大多數不能抵消SSD稅款,所以,基本上他們是不會出售那些物業,否則就會由贏家變輸家,如果樓價繼續下跌,他們都會是輸家,尤其是那些買了二手細價樓為甚,而今年買了細價新樓的人就會比較好一些,因為買家用買二手細價樓的價錢買新樓,就算樓價下跌,他們受損失的程度會比較輕一點,他們不會是今年樓市大輸家。

  有一批人,不用等到年尾,就已經知道他們是輸家,倘若樓價繼續下跌,他們用作買政府補貼樓宇的價錢,可以買私人地產商那些地點比較好,設備比較佳的私人新樓,所以,我認為他們將會是今年樓市的大輸家。有二千幾個地點不佳的居屋單位,房委會在最佳的時間推出,引來十三萬份申請表,令到市場上認為剛性需求澎湃,樓價即時飆升,即使如此,到開售時仍然不能夠一Q清袋,亦唔知幾多Q之後才清袋,那些排到很後的人仍然有機會揀樓,當時他們以為中了寶,原來是空寶,甚至是無妄之災,唔使幾耐,地產商推出的新樓盤,售價就會與那些居屋看齊,買了那些居屋的人都唔知點算,其實,我佩服房委會,他們把握售樓時機,比大多數地產商為佳,不過,那些買了居屋的人有機會放棄所購單位,而政府又不敢懲罰他們,到後來,那些單位又回到房委會手中,食詐糊,想唔做大輸家都唔得。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 如是 2015-11-19 08:56:14

唔使幾耐,地產商推出的新樓盤,售價就會與那些居屋看齊??

咁即係地產商新樓盤將要以現時7折定價!



4. 真真薯片 2015-11-19 09:38:54
感激博士寫文解釋在下琴日既問題

不過如樓上如是兄所言, 年初果陣居屋定價大約係九千幾蚊呎, 如果新樓真係九千幾蚊呎開價, 仲要唔係大單盒, 即係350呎新樓賣300萬, 將會相信震撼, 咁多發展商之中只有長實賣大單位先會見到呢個價, 細單位新樓真係難以想像, 唔個博士覺得呢個情況出現既可能性有幾高?
5. 引刀一快 2015-11-19 09:54:35
明年周圍都選總統,變數好大,唯獨我敢說不變就係大陸走下坡。
6. Follower 2015-11-19 10:06:12
請問博士點睇2016年樓市?

7. 12月加息 2015-11-19 10:15:25
美國聯儲局預期下月可能加息, 根據紀要,大部分則預期,到了12月議息時,加息條件會變得成熟.
8. 真真薯片 2015-11-19 11:10:33
引刀兄,

唔講樓市, 股災後真係好多野都差左, 例如最大路既iphone, 今年炒價同炒賣時期都遠差過往年

另外一d收藏品如玩具, 一d往年必炒既item, 出果陣一如以往炒上天, 但過一兩個月價錢明顯回落, 好明顯係去唔到貨

睇黎7月個股災影響相當深遠
9. Hong Konger 2015-11-19 12:10:04

我不少朋友這一兩年內買了樓,有自住的有投資的。無乜邊個覺得樓價跌自己會係輸家。

原因好簡單,因為大家認為根本不會大跌。不過,就算跌就如何? 他們從不後悔,原因更簡單,因為自住,供同租一樣價的話,供的人反而覺得很幸福,因為供完之後大部份還返落本金。

其實我有不少這一兩年內入市的朋友跟本已不理會樓價升跌了,他們每天只是開開心心做個在香港有樓的小業主,有幸我也是其中一位。

10. 如是 2015-11-19 13:06:30

真真薯片兄,定價大約係九千幾蚊呎,還未打7折。

打了7折才震撼!

11. big-nature 2015-11-19 14:47:04
家人買左2014居屋,
無奈!
12. big-nature 2015-11-19 14:48:58
有二千幾個地點不佳的居屋單位,房協在最佳的時間推出
2014居屋應是房屋署銷售,
非房協!
13. 打工仔 Andy 2015-11-19 15:02:42
食少 d 都要住, 今年買左私樓好居屋又好, 開開心心等新居入伙吧! 
人生不是只為金錢而活的!
14. Bosco 2015-11-19 15:09:34
荃灣地點還好吧!
唔好咁高要求啦...
15. Admin 2015-11-19 15:10:00
回12樓, 文章已作出修改,已將房協改為房委會, 謝謝!
16. 明年買舖點解會是贏家 2015-11-19 17:27:13

https://hk.finance.yahoo.com/news/%E7%9B%9B%E6%BB%99%E8%A8%AD%E5%9F%BA%E9%87%91-%E7%B1%8C10%E5%84%84%E8%B2%B7%E8%88%96-201000600.html

盛滙設基金 籌10億買舖

信報財經新聞信報財經新聞 – 13時前
Facebook  馬上成為Yahoo財經的Fans

本港零售市道放緩,商舖租金受壓,行內人士指街舖租金已下跌30%至40%,盛滙商舖基金管理行政總裁李根興卻表明要「別人恐慌時貪婪」,成立一間持有證監會牌照的商舖投資基金公司,以集體投資方式把街舖證券化,為持有至少800萬元流動資產的合資格投資者,提供商舖投資及交易平台。李根興表示,目標集資10億元,分批投資為數20個街舖,每個舖位成立一個基金作獨立投資,希望中長線3至5年時間帶來30%回報。

為令「集資買舖」合法化,李根興表示,耗時兩年半時間向證監會取得證券交易(1號牌)、就證券提供意見(4號牌)及提供資產管理(9號牌)牌照,現在才能夠正式對外發布其投資計劃內容。投資者可藉投資基金單位的形式,以較低入場門檻投資商舖,享受升值潛力和分散投資風險。

入場費100萬 收租作派息

視乎舖位大小,每名投資者最少投資100萬元買入基金,假設3000萬元舖位,分為3000股,每股價格便為1萬元,舖位出售獲利,投資者便會收回利潤及本金,舖位收租亦會向投資者「派息」;將會設立交易平台讓投資者互相買賣基金單位。

基金年期大致分為2至5年、5至8年、10年,盛滙作為基金管理人會自行決定買賣時機,並收取基金管理費及舖位表現分紅;為利益一致,盛滙會參與基金投資。

17. Small Potato 2015-11-19 20:20:08
打工兄,講得好呀!我都係咁話! 開心好緊要,錢係有好大既魔力,但人要不時提醒自己,人生有好多野比錢重要,人要有渴望,要追求自己既dream, 不能只向錢看。但眼見好多人得日過日咁旣態度做人,咁又太過咸魚得滯,幸好自細家貧,呢個都係我人生歷程上好大既鞭策。
18. 打工仔 Andy 2015-11-19 23:59:00
Small Potato 師姐

我都係屋村仔出生, 只要有積極樂觀的心態, 什麼也不怕! 只要有健康身体, 任何投資都有升升跌跌既時候, 日後回望, 只是小事! 哈哈
哈!

19. Lady 2015-11-20 04:06:52
曾淵倉好像還未轉軚。
20. 引刀一快 2015-11-20 10:04:15
To 8樓 真真薯片兄

股災祇係其中一個果,就算冇股災,大陸一樣係下行,呢樣嘢要追索根源就係資源問題,過度透支往後一定要彌補,要么就出去打仗搶塊地,要麽就慳慳地醒定D等復元。
21. big-nature 2015-11-20 16:44:58
那些買了居屋的人有機會放棄所購單位,而政府又不敢懲罰他們,到後來,那些單位又回到房委會手中,食詐糊,想唔做大輸家都唔得。

有得殺訂金架!
綠表5%訂金,白表好似10%訂金!
房委會唔會係輸家!

22. 丹心 2015-11-20 17:02:06

最弊呢少少订金可能弥补唔到将来重售单位后所损失的差价。

博士的意思应该是政府唔可能好似长X咁,控告买家追差价。

23. 香港仔 2015-11-20 20:44:53
不用追差價,變曬銀主盤,正如湯文亮博士預測3年內出現1萬個銀主盤

 http://m.on.cc/nc/fin/20151120/20151120151918fi.html


24. 香港仔 2015-11-20 20:54:39
想真當9成5按揭的劏房樓到收樓時,樓價又跌了二成,有一萬個銀主盤不足為奇!!