主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24937    回應 : 9
敢說亮話
拉布是怎樣得來
 
湯文亮博士
紀惠集團行政總裁
2015年11月8日

       在陳建波剪布之下,創科局終於可以成立,泛民當然唔開心,老一輩泛民表示以後更多拉布,如果真的是更多拉布,一定會更多剪布,剪布又唔係香港政府最初使用,不過,我又相信唔係太多人知道是誰最先剪布。

       一般人都是從足球比賽中認識拉布,就是領先的一隊為了保持勝果,就算距離完場還有半個小時,都會大打拉布,就是後衞交給守門員,守門員交給後衞,總之要控住個波,唔俾對方搶走,以前守門員是可以用手接住隊友回傳,對方球員就更難搶到個波,搞到足球比賽相當沉悶,入場人數不斷減少,國際足協有見及此,於是剪布,規定守門員不得用手接隊友回傳的波,剪布算是成功,有心打拉布的球隊只能用腳打拉布,我相信泛民裡面都有不少球迷,既然國際足協都剪布,就千祈唔好怪陳健波。

       一定會有人問我,拉布又怎樣得來,我相信發明拉布一詞的人一定熟讀三國,當日,孔明同司馬懿打仗,孔明知道自己命不久矣,要速戰速決,司馬懿亦知道孔明命不久矣,幾大都唔打,就算孔明送一大堆女人衣服激佢都唔打,不但唔打,還吩咐將士‘拉’起用‘布’的横額,上面寫著「謝丞相衣裳」,孔明知道冇得打,就準備身後事,司馬懿這個拉布真的是打得好。除了這個解釋,我搵唔到其他,大家信就係,唔信就唔係。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2015-11-08 08:18:03
有時,有D人就係利用送女人衫做武器,我又學下拉布先。
2. 打工仔 Andy 2015-11-08 09:01:35
小投資者現在不買又不賣, 可否解釋為拉布戰呢? 

共拉布之!  哈哈哈! 
3. big-nature 2015-11-08 09:28:35
博士真係有心人,
一大早就出文章!
4. 歷史長河 2015-11-08 09:35:21
謝引刀衣裳!
5. 中產求生隊長 2015-11-08 14:24:10

拉布,又叫冗長演說冗長辯論,係議員喺議會利用議事程序,延遲或押後一啲佢哋反對嘅議案。呢啲行動包括用拖延動議、特登缺席令到唔夠法定人數開會、陳述一啲超長或冇意義嘅演說。拉布只會出現嚮法治民主社會 [未記出處或冇根據]

而議會議長運用權力去中止拉布嘅手法,就稱之為「剪布」。

美國[編輯]

美國參議院,當一啲少數派唔夠票否決佢哋反對嘅議案時會採用嘅策略。

美國參議院喺1917年加入規程終結辯論,之後再喺1949年1959年同埋1975年修訂過。而家就需要整個參議院議席五份三人或以上先可以終結辯論。雖然對拉布有咁嘅限制,但拉布依然有機會發生。

香港[編輯]

香港立法會第一次拉布係喺1999年12月1號,建制派議員為咗通過解散民選嘅市政局區域市政局嘅草案,由民建聯嘅譚耀宗同埋曾鈺成發起。

香港立法會第二次拉布係由2009年12月2010年1月,財務委員會申請廣深港高速鐵路香港段撥款引用過。議員透過不停發問拖延。會議由2009年12月18號開始,再喺2010年1月8、15同16號續會。

第三次拉布係喺2012年5月,由人民力量兩名立法會議員黃毓民同埋陳偉業,喺議案《2012年立法會(修訂)條例草案》會議裏面,一齊提出一千三百幾條修訂。

第四次拉布係喺2012年10月至2012年12月7號,立法會嘅財務專員會審議長者生活津貼,社民連嘅梁國雄「拉布」,要政府消除「長者生活津貼」嘅資產審查嘅規定。梁國雄話會在吓年嘅《2013年撥款條例草案【修訂】》中拉布。

第五次拉布係喺2013年5月,由人民力量同埋社民連在內嘅三名立法會議員梁國雄、陳偉業、陳志全同埋獨立議員黃毓民,喺議案《2013年撥款條例草案》,要求推動全民退休保障同埋「派錢一萬」,政府話如果立法會唔喺5月15號嘅「死線」前「剪布」,就暫停對醫管局同大學嘅撥款。之後曾鈺成喺5月13號決定引用議事規則同埋依據兩條《基本法》條文作「剪布」,喺5月14號中止辯論同埋開始表決710項修訂。

第六次拉布係喺2014年5月。

由於香港特區政府立法會係唔完全民主選舉制度下產生[1],條例政策推出有時唔能夠表達市民訴求,拉布方法可算係民選議員抗爭手法嘅一種。

世界紀錄[編輯]

最長嘅拉布發言記錄係南卡羅萊納州參議員 Sen. Strom Thurmond 喺1957年8月嘅發言。因為佢反對公民權限制而唔停講咗24個鐘頭18分鐘。

自從有咗終結辯論嘅規程後,最長嘅拉布記錄係74日。喺1964年一班南部州份嘅參議員拖延一條有關公民權嘅法案辯論。


6. 舍神 2015-11-08 16:57:14
拉布,無論議題是對是錯,都令人極反感!

單單係呢d不君子行為, 我就不會投票給泛民。
7. 真真薯片 2015-11-08 18:50:57
犯民的確克人憎, 但係議會入面保留反對聲音監察政府又係必須

香港需要既, 係另一班新既反對派去取代現有同地霸勾結既犯民, 問題係冇人有膽同實力出黎做, 結果得返一舊屎同另1舊更臭既屎比人揀, 即係唔洗揀
8. 引刀一快 2015-11-09 03:12:57
長河san唔駛客氣,贏你兩三次就當正我係孔明呀?不過可惜你係司馬遷,唔係司馬懿呢。
9. 引刀一快 2015-11-09 03:52:05
蝦,越睇你越啱身。