主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27764    回應 : 33
敢說亮話
兩個其實是唔夠數
 
湯文亮博士
紀惠集團行政總裁
2015年11月4日

  以前,香港家計會口號「兩個就夠晒數」,仲有支歌仔,都唔知唱咗幾多年,令人認為,兩個真的是夠晒數,我覺得很奇怪,兩個又點會夠數,我在讀書時做過簡單調查,有數學家認為每兩個人只准生兩個小孩,大約在200年內,全世界的總人口會少於100萬,我唔知道數字怎樣得來,但道理就很簡單,因為未必每一對夫婦可以有兩個小孩,又未必人人都會與異性結婚,甚至很多人沒有結婚,所以,人口在老化之後,便會急劇下降,至於會不會在200年內減少至100萬,答案就應該由數學家或者人口統計學家去尋找,不過,我相信雖不中亦不遠矣。

  國家將會在2020年全面放寬至兩孩政策,有報導說,人口會每年增加大約800萬,我對此表示懷疑,國家放寬兩孩政策,主要因為要面對人口老化,現在的一孩政策有一個很怪現象,就是一個孩子由六個大人照顧,當中包括孩子的父母,以及孩子父母的父母,兩對父母的父母早已過了退休年齡,但依然健在,但當孩子成年時,他們的祖父母當中,或者有兩個經己去逝,人口亦開始縮減,如果不及時調整一孩政策,國家面對人口老化問題將會非常嚴重,即使調整至兩孩政策,人口依然會縮減,不過,速度就會慢得多,所以,我睇唔到有什麼根據來證明兩孩政策將會令總人口每年增加800萬。

  日本亦面對人口老化問題,在1950年,日本大約有8千萬人,到現在剛剛過了高峰期,但仍然有1億2千萬,高峰時大約有1億3,到了2050年,人口又會回落至8千萬,而日本是沒有限制生育的政策,所以,我認為國家總人口已經達到了高峰,預期是會向下,不得不放寛一孩政策至兩孩政策,這個變化一定會出現商機,但千祈唔好解讀成為人口增長,即使兩孩政策,人口仍然會下降。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-11-04 08:37:29
一個家庭有兩個小朋友會好 d ! 
2. Desmond 2015-11-04 09:19:46
文中說 "我睇唔到有什麼根據來證明兩孩政策將會令總人口每年增加800萬" 是不對, 其實兩孩政策會令總人口每年增加800萬,而是估計兩孩政策執行後相對如果用舊政策的話每年多800萬人。
3. 望東樓 2015-11-04 09:31:54
如果無記錯,個平衡點好似係平均每位成年女士生2。1個小朋友。香港而家係1.23....
既然博士講開人口,咁小弟整返三幅人口金字塔圖比大家點評下,睇下邊度人口(對住屋需求)收縮得最快.為咗大家可以客觀啲睇,我特登掩耳盜鈴咁抹去佢地嘅地方名稱.
4. 望東樓 2015-11-04 09:33:16
5. 望東樓 2015-11-04 09:34:32
6. 望東樓 2015-11-04 09:35:51
7. 望東樓 2015-11-04 09:40:03
三個圖包括咗中港日,至於邊個打邊個就一陣話你知。
8. 向饭民说不 2015-11-04 10:27:11
日本严重多了,因为日本有过分完善的退休制度。大陆无甘人性化,所以问题不会那么严重。
9. 窮人娛樂 2015-11-04 11:39:44
以前造人就係窮人的唯一娛樂,所以上一兩代家庭閒閒地六七個仔女!家陣各式各樣娛樂眾多,多仔女即係無時間去享受其他,所以現代人任佢生孩子,都係兩個為止!
10. Cowboy 2015-11-04 16:43:39
Ho Hung Sun has many children more than poor people!
11. 向饭民说不 2015-11-04 18:42:46

楼上,但是她每个太太都系生几个啊。

不过,今时今日只有穷人,公屋户先可以生多几个。

12. 窮人娛樂 2015-11-04 21:51:14
窮得只剩錢!
13. 舍神 2015-11-05 00:43:09
依次是...中 ,  港 ,  日 罷

一孩政策, 好多未出世的囡囡....已被殺, 男多女少......

香港則, 人人上去取老婆, 女多男少。

三個population都是正在收縮的。

要維持人口穩定, 一對couple好似要生  2.3個。

人口收縮,其實不需一孩政策! 在日本香港,一如好多大城市, 同負債有反比的關係,為了層樓, 的確犧牲埋生育。
14. 向犯民说不 2015-11-05 00:53:39
系日本,資源都用在老人上,年輕人更加不敢生,台灣也是一樣。
15. 引刀一快 2015-11-05 09:54:26
To 6樓 PN兄


第一個圖,一年百萬級,似乎同日本每年嘅人口出生數字對上,而且人口受戰爭影響而明顯波動。

第二個圖顯然係香港,出生率近年有增長,而且女多男少,每年出生數字亦對得上。

第三個圖用排除法,就係中國囉。

16. 打工仔 Andy 2015-11-05 10:26:57
引刀兄
内地超生常見嗎? 
17. 向犯民说不 2015-11-05 14:21:32
我知道廣東客家人超生吾小
18. 舍神 2015-11-05 19:36:47
日 ,  港 ,  中

你對......70歲以上人口.....多得要命!
19. 引刀一快 2015-11-05 19:48:12
To 16樓 打工仔兄

超生梗係常見喇,除咗公務員唔得之外,好多人都將罰款計入育兒成本,有錢嘅請代母生十個八個,有咩出奇。
20. 引刀一快 2015-11-05 19:49:08
To 17樓 向飯

超生最勁係潮汕一帶,直情唔執行計生咁滯,我有朋友追仔生四胎。
21. 望東樓 2015-11-05 20:40:19
答中不過無獎。我擺呢幾幅圖向度,特別係日本同香港比。因為我睇極都俾唔明點解未來n年香港需要多幾十萬個單位。男人最長個兩條bar係45-49同50-54,女人最就係45-49。港人到咗呢個歲數已經無可能初次置業,最需要換樓。而0-9歲小朋友得嗰四十萬度。所以係呢度睇下大家有乜高見。

當然地係有需要多啲嘅,比方一人住大一百呎就多多地都未夠。
22. 望東樓 2015-11-05 21:38:27
我原本諗法係人口係物業價格嘅其中一個推動力,日本人口老化令到當地不動產價格無運行(而大東京因為內部人口遷移而暫時較少受影響)。於是我就攞咗香港同日本幅人口金字塔出來比一比。結果暈咗。
23. 歷史長河 2015-11-05 21:48:17
PN兄,唔使暈:
1.圖中未反映到以後每年湧入的新移民及佢哋生肓率
2.小家庭化!

還望指正。
24. 打工仔 Andy 2015-11-05 22:52:06
PN兄

你既分析好詳細! 勁!

不過現代既後生仔書都未讀完就話想自已搬出來住, 又有 d 结左婚但係又跟屋企人住, 配搭十分多! 真係理論還理論, 實際上好難估, 
仲有 d 人又會想買來做投资, 千变花化。

共估之
25. Joe 2015-11-05 23:14:17

點解未來n年香港需要多幾十萬個單位?

如只以現時人口結構分析,香港未來當然不需那麼多新增單位,可是,香港和世界一級城市如紐約、倫敦一樣,是需要不斷的發展的,提供足夠房屋供應,是滙聚本地和外來人材在香港這國際都會發展的基本條件。加上配合內地經濟發展,其實不只教育、醫療、民生日用品等,確保一定的房屋供應,又可滿足內地對房屋(投資)需求,是所謂做大個餅的積極方向,確保香港繼續維持一線大城市地位....

26. 打工仔 Andy 2015-11-05 23:42:41
Joe 兄
我睇法與你相同! 
27. Joe 2015-11-05 23:54:29

打工仔兄,共勉之,哈哈,哈哈(旦姐教)
28. 舍神 2015-11-06 01:01:49
日本只是走在香港之前, 香港的確很大程度步日本後塵。(幾十年後便是中國)
更令人擔憂的是下一代是溫室大的。

早兩日看完黃曉明拍的 American dream in china......雖然有點大中國。但有點從溫回惜日香港人的勤奮精神。人口圖已是可怕,下一代不夠tough先最要命!!

呢一浪都是銀髮族的老本支持,所謂成功需父幹,有一定現實意義!
再過十年廿年, 銀髮一族退休時...........未必是細換大.......可能是大換細!!
29. 望東樓 2015-11-06 15:41:15
等各路英雄品評完畢再drill。
30. 引刀一快 2015-11-07 02:05:09
To 28樓 舍神兄

人口圖已是可怕,下一代不夠tough先最要命!!

此語精闢之至,唔夠tough加埋要負擔更多,的確令人擔憂。
31. 引刀一快 2015-11-07 02:18:52
To 25樓 Joe兄

造大個餅,前提係香港要保持對大陸嘅優越性,另一方面係政治形勢考量,香港會係大陸人遷居嘅一個好選擇,不過,到底邊個階層嘅人過嚟,就好影響未來走向。
依家最有意向來港嘅大陸人,主要係出於生活改善。喺大陸搵到嘅果班,香港衹係購物、遊玩嘅旅遊點。
32. 望東樓 2015-11-10 11:09:44
HK population growth stacked chart (net migration is sitting on top of natural growth). Noted wild swing in net migration.
33. 望東樓 2015-11-10 11:16:42
number of apartments needed to house population growth. Figures prior to 1982 used 3.9