主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27395    回應 : 6
敢說亮話
信用卡是訓練青年人理財技巧
 
湯文亮博士
紀惠集團行政總裁
2015年10月16日

  最近有報導,指80後,90後信用卡欠數問題嚴重,有個別年青人欠數超過100萬,我唔知道他們怎麼可以欠落如此巨額款項,他們又知唔知一般信用卡的利息是月息2.5%,欠100萬,每月利息是25,000元,如果沒有父母幫忙,如何清還欠數,有人話,債大無憂,亦有人話,破產了事,這種心態如果可以解決問題,首先破產的就是信用卡公司。

  有很多父母擔心子女們不懂得處理個人財務問題,所以,讀中學時不准他們的子女申請信用卡,當他們的子女讀大學,在未入學之前,那些信用卡申請表如雪片飛來,加加埋埋分分鐘有三、五十萬信用額度,當申請時,又會有一些小禮物贈送,唔申請就笨,況且,絕大部份同學都會申請,大家都心想,信用卡公司都唔知點做生意,如果消費者在大約五十日內繳付費用,一毫子利息都不用付,只要按時還款,信用卡公司收幾多利息都沒有問題,後來,他們當然知道信用卡公司怎樣賺取利潤,簡單地說,利潤來自他們消費的延後還款。

  我個人認為,父母應該在他們的子女讀中學時就應該給他們附屬卡,以便從中監管子女們的理財技巧,第一課當然是量入而出,當子女們讀大學時,信用卡就不是新鮮事物,但我相信不會太多父母夠膽做,其實,如果唔監管,即是叫一個未曾受過訓練的人落場踢波,不但沒有表現,而且很容易受傷。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 炒APPLE 2015-10-16 09:04:01
年青人炒APPLE 野,賺積分,一年免費去三四次旅行

無限超市現金卷

卡數高係表像
2. 炒APPLE 2015-10-16 09:04:01
年青人炒APPLE 野,賺積分,一年免費去三四次旅行

無限超市現金卷

卡數高係表像
3. 路人甲 2015-10-16 11:08:13

哈哈哈, 早晨, 博士!

我好細個, 我媽就俾左張獅子銀行的信手卡過我.
上限同我媽的一樣. 
外表看來, 佢好似好大方咁! (^^)

但係呢, 我唔鍾意用佢, 應該說, 我好憎用佢!!?

雖然我好少碌, 但每次一碌卡, 當月結單來時, 我媽就拿住張月結單嚟質問我, 
買左乜野, 做乜要買, 東拉西扯咁問東問西, 令我不勝其煩...
結果, 我一次都唔用. 除非真的什麼優惠, 才免為其難. 

而每次我都係俾番CASH/ 支票我媽, 而唔係佢幫我繳付. 
正正如此, 我從來唔渴望佢的附屬卡, 我只用我的渣兜卡.... 娃哈哈,,

此等陰影太大, 父母都要小心處理, 我個人就唔多WORK.

剛從學生到工作格子間裡去的時候, 我都特別大駛的, 不過, 就無失控. 
最嚴重最多都係: 搵一萬, 駛8千.

現在婚都結埋, 我媽又無取消過張卡, 我又從來無用過. 
只係放在抽屜裡的一個COLLECTION.
回味一下! 

4. 引刀一快 2015-10-16 15:05:04
信用卡唔係有年限咩?
5. RY 2015-10-16 16:24:35
提早比d細佬冇咁易失控?教理財有不同方法和需要,並不是夠唔夠膽。
6. 打工仔 Andy 2015-10-16 22:31:18
未識揾錢, 就識洗錢! 上車已經不是目標了!